അറബിക്കടലിലും തെക്കൻ ഇന്ത്യയ്ക്കു മുകളിലുമുള്ള ഈ അന്തരീക്ഷ അസ്ഥിരതകൾ കേരളത്തിലും അടുത്ത ദിവസങ്ങളിൽ മഴ സജീവമായി തുടരാൻ കാരണമാകാനിടയുണ്ട്. പ്രത്യേകിച്ച് ഉച്ചയ്ക്ക് ശേഷവും രാത്രിയിലും.

അസം, മേഘാലയ, അരുണാചൽ പ്രദേശ്, നാഗാലാൻഡ്, മണിപ്പൂർ, മിസോറം, ത്രിപുര തുടങ്ങിയ വടക്കുകിഴക്കൻ സംസ്ഥാനങ്ങളിൽ വ്യാപക മഴയ്ക്ക് സാധ്യതയുണ്ട്. ചില പ്രദേശങ്ങളിൽ അതിശക്തമായ മഴയും മിന്നൽപ്രളയ സാധ്യതയും മുന്നറിയിപ്പിലുണ്ട്.

തുടർച്ചയായ വെസ്റ്റേൺ ഡിസ്ടർബൻസുകളുടെ സ്വാധീനത്തെ തുടർന്ന് വടക്കുപടിഞ്ഞാറൻ, മധ്യ ഇന്ത്യയിലെ താപനില അടുത്ത ഏതാനും ആഴ്ചകളിൽ സാധാരണയേക്കാൾ 2 മുതൽ 5 ഡിഗ്രി സെൽഷ്യസ് വരെ കുറവായിരിക്കുമെന്ന് വിദഗ്ധർ വിലയിരുത്തുന്നു.

കഴിഞ്ഞദിവസം മൂന്നാറിൽ തണുപ്പ് 6.2 ഡിഗ്രിയിലെത്തി. കുണ്ടള ഡാമിൽ 6.9 ഡിഗ്രിയും രേഖപ്പെടുത്തി. വടക്കൻ കേരളത്തിൽ ഉൾപ്പെടെ രാവിലെ തണുത്ത അന്തരീക്ഷം നില നിൽക്കുന്നു

കേരളത്തിൽ ഇന്നു മുതൽ കിഴക്കൻ മേഖലയിൽ ഇടിയോടെ മഴ സാധ്യത. തമിഴ്നാട്ടിലും മഴ ലഭിക്കും. ഉച്ചക്ക് ശേഷമായിരിക്കും മഴ സാധ്യത. കാലവർഷക്കാറ്റ് കേരളത്തിൽ ഉൾപ്പെടെ ദുർബലമായിട്ടുണ്ട്.