പുരുഷൻമാരേക്കാൾ സ്ത്രീകൾക്ക് കൂടുതൽ തണുപ്പ് അനുഭവപ്പെടുന്നു, ചികിത്സിച്ചില്ലെങ്കിൽ രോ​ഗം ​ഗുരുതരമാകാം

പുരുഷൻമാരേക്കാൾ സ്ത്രീകൾക്ക് കൂടുതൽ തണുപ്പ് അനുഭവപ്പെടുന്നു, ചികിത്സിച്ചില്ലെങ്കിൽ രോ​ഗം ​ഗുരുതരമാകാം

പുരുഷന്മാരെ അപേക്ഷിച്ച് സ്ത്രീകൾക്ക് തണുപ്പ് കൂടുതൽ അനുഭവപ്പെടുന്നു. യാത്ര പോകുമ്പോഴും എസിയുടെ ചുവട്ടിലിരിക്കേണ്ടി വരുമ്പോഴും സ്ത്രീകൾ ജാക്കറ്റും പുതപ്പുമൊക്കെ കരുതും. ഇതിന് കാരണമായി വിദ​ഗ്ധർ പറയുന്നത് പുരുഷനും സ്ത്രീയ്ക്കും ശരീരഊഷ്മാവ് ക്രമീകരിക്കുന്നതിൽ വ്യത്യാസമുണ്ട് എന്നാണ്. അതിന് പിന്നിൽ നിങ്ങൾ കഴിക്കുന്ന മരുന്ന് മുതൽ ഭക്ഷണവും സമ്മർദവുമൊക്കെ ഘടകമാകാം.

കൂടാതെ, പുരുഷന്മാരും സ്ത്രീകളും തമ്മിലുള്ള ജൈവശാസ്ത്രപരമായ വ്യത്യാസങ്ങളും ഇതിന് പ്രധാന കാരണമാകുന്നു. ഹോർമോൺ അളവിലുള്ള ഏറ്റക്കുറച്ചിലുകൾ,മെറ്റബോളിസത്തിലെ മാറ്റങ്ങൾ, മസിൽ മാസ്, ശരീരത്തിലെ കൊഴുപ്പിന്റെ വിതരണം, ശരീരത്തിന്റെ ഉപരിതല വിസ്തീർണ്ണം എന്നിവയാൽ വ്യത്യാസപ്പെട്ടിരിക്കുന്നു. 

ഹോർമോണുകളുടെ അളവ് പ്രധാന പങ്കുവഹിക്കുന്നു

സത്യത്തിൽ ശരീരത്തിലെ പേശികളുടെയും കൊഴുപ്പിന്റെയും അളവാണ് നിങ്ങൾക്ക് എത്രത്തോളം തണുപ്പ് അനുഭവപ്പെടുന്നു എന്ന് നിർണ്ണയിക്കുന്നത്. കൂടാതെ ശരീരതാപനില സംവേദനക്ഷമത നിർണ്ണയിക്കുന്നതിൽ ഹോർമോണുകളുടെ അളവ് ഒരു പ്രധാന പങ്ക് വഹിക്കുന്നുണ്ട്.  പുരുഷന്മാരിലും സ്ത്രീകളിലും ജലദോഷത്തിന്റെ പരിധി വ്യത്യസ്തമായിരിക്കുന്നതിന്റെ പ്രധാന കാരണം ഇതാണെന്ന് വിദ​ഗ്ധർ പറയുന്നു. സ്ത്രീകൾക്ക് പുരുഷന്മാരെ അപേക്ഷിച്ച് കോർ ബോഡി ടെംപ്രേച്ചർ കൂടുതലാണെന്ന് പഠനങ്ങൾ തെളിയിക്കുന്നു. ഇത് ശരീരം ചൂടായിരിക്കാൻ ശീലിപ്പിക്കുന്നു.

ഈസ്ട്രോജൻ ഉണ്ടെങ്കിൽ പെട്ടെന്ന് തണുപ്പ് അനുഭവപ്പെടാം

ശരീരത്തിൽ ഉയർന്ന അളവിൽ ഈസ്ട്രോജൻ ഉണ്ടെങ്കിൽ പെട്ടെന്ന് തണുപ്പ് അനുഭവപ്പെടാം. അണ്ഡോത്പാദന കാലയളവിലും സ്ത്രീകളുടെ ശരീരത്തിൽ ഈസ്ട്രോജൻ അളവു കൂടുതലായതിനാൽ സ്ത്രീകൾക്ക് പെട്ടെന്ന് തണുപ്പ് അനുഭപ്പെടാം. ഉയർന്ന ഈസ്ട്രജൻ രക്തക്കുഴലുകളെ വികസിപ്പിക്കുകയും അതുവഴി ചർമത്തിന്റെ ഉപരിതലത്തിലൂടെ കൂടുതൽ താപം നഷ്ടപ്പെടാൻ കാരണമാവുകയും ചെയ്യുന്നു. വലുപ്പം താരതമ്യം ചെയ്താൽ, സ്ത്രീകൾ പുരുഷന്മാരേക്കാൾ ചെറുതാണ്. ഇത് താപനില ക്രമീകരിക്കുന്നതിനെ ബാധിക്കാം. സ്ത്രീകൾക്ക് ചൂട് നിലനിർത്താൻ പേശി കലകൾ കുറവാണ്. 

എന്നാൽ സ്ത്രീകൾക്ക് പുരുഷന്മാരെക്കാൾ കൂടുതൽ കൊഴുപ്പുണ്ട്. സ്ത്രീകൾക്ക് ആരോഗ്യകരമായ പരിധി 21 മുതൽ 32 ശതമാനം വരെയാണ്. അതേ പ്രായത്തിലുള്ള പുരുഷന്മാർക്ക്, ആരോഗ്യകരമായ കൊഴുപ്പ് വിതരണത്തിന്റെ പരിധി എട്ട് മുതൽ 19 ശതമാനം വരെയാണ്. എന്നാൽ കൊഴുപ്പിനെക്കാൾ പേശികളാണ് ശരീരം ചൂടാക്കി നിർത്തുന്നതിൽ കൂടുതൽ സ്വാധീനം ചെലുത്തുന്നതെന്ന് പഠനങ്ങൾ പറയുന്നു. കൂടാതെ പ്രായമാകുന്തോറും പേശികളുടെ അളവു നഷ്ടമാകുന്നു. പ്രായമായവർക്ക് പലപ്പോഴും തണുപ്പ് അനുഭവപ്പെടുന്നതിന് കാരണം ഇതാണ്. 

ചികിത്സിച്ചില്ലെങ്കിൽ രോ​ഗം ​ഗുരുതരമാകാം

എപ്പോഴും അമിതമായ തണുപ്പ് അനുഭവപ്പെടുന്നത് മോശം രക്തചംക്രമണത്തിന്റെ ലക്ഷണമാണ്. ഇത് സ്ത്രീകളിൽ പൊതുവായി കണ്ടുവരുന്ന റെയ്‌നൗഡ്‌സ് രോ​ഗത്തിന് കാരണമാകും. ചികിത്സിച്ചില്ലെങ്കിൽ രോ​ഗം ​ഗുരുതരമാകാം. കൈ-കാൽ വിരലുകളിലേക്ക് രക്തം ശരിയായ ഒഴുകുന്നതിനെ തടസപ്പെടുത്തുന്നു. ഇത് രവിപ്പ്, വേദന, അല്ലെങ്കിൽ സൂചി കൊള്ളുന്ന തരത്തിലുള്ള വേദന എന്നിവയ്ക്ക് കാരണമാകാം. 

English Summary : But women have more fat than men. The healthy range for women is 21 to 32 percent.