കാലവർഷം വരുന്നു, വിവിധ ജില്ലകളിൽ ഓറഞ്ച്, മഞ്ഞ മുന്നറിയിപ്പ്

തെക്കുപടിഞ്ഞാറൻ മൺസൂൺ (കാലവർഷം) കേരളത്തിൽ പ്രവേശിക്കുന്നതിൻ്റെ ഭാഗമായി വിവിധ ജില്ലകളിൽ കേന്ദ്ര കാലാവസ്ഥ വകുപ്പ് ഓറഞ്ച് മഞ്ഞ അലർട്ടുകൾ പ്രഖ്യാപിച്ചു. ജൂൺ 3 മുതൽ ആണ് ഓറഞ്ച് അലർട്ടുകൾ ഉള്ളത്.

ജൂൺ 3 ന് ആലപ്പുഴ, കോട്ടയം, എറണാകുളം, തൃശ്ശൂർ, മലപ്പുറം ജില്ലകളിൽ കേന്ദ്ര കാലാവസ്ഥാ വകുപ്പ് ഓറഞ്ച് അലർട്ട് പ്രഖ്യാപിച്ചു. ആ ദിവസം മറ്റു ജില്ലകളിലെല്ലാം മഞ്ഞ അലർട്ടാണ്.

ജൂൺ 4 ന് പത്തനംതിട്ട, കോട്ടയം, എറണാകുളം, ആലപ്പുഴ, തൃശ്ശൂരിൽ, മലപ്പുറം, കോഴിക്കോട് ജില്ലകളിൽ ഓറഞ്ച് അലർട്ട് പ്രഖ്യാപിച്ചു. ശേഷിക്കുന്ന എല്ലാ ജില്ലകളിലും അന്ന് മഞ്ഞ അലർട്ട് ആണ്.

മെയ് 26 നകം കാലവർഷം കേരളത്തിൽ എത്തും എന്നായിരുന്നു കേന്ദ്ര കാലാവസ്ഥ വകുപ്പിന്റെ പ്രവചനം. എന്നാൽ അനുകൂല അന്തരീക്ഷ സ്ഥിതി ഇല്ലാത്തത് കാരണം കാലവർഷം എത്തുന്നത് മോഡൽ വ്യതിയാന കാലയളവ് ആയ മെയ് 30നും പ്രായോഗികതലത്തിൽ വന്നില്ല. കാലാവസ്ഥ വകുപ്പിന്റെ പുതിയ പ്രവചന പ്രകാരം അടുത്ത അഞ്ചുദിവസത്തിനകം കാലവർഷം കേരളത്തിൽ എത്തും എന്നാണ് പറയുന്നത്.

എന്നാൽ, ജൂൺ ആദ്യവാരം കാലാവർഷം എത്തും എന്നായിരുന്നു Metbeat Weather ൻ്റെ പ്രാഥമിക സൂചനകൾ. മെയ് 26 നുള്ള അന്തരീക്ഷ അവലോകന റിപ്പോർട്ടിൽ ജൂൺ നാലിന് കേരളത്തിൽ കാലവർഷത്തുമെന്ന് Metbeat Weather പറഞ്ഞിരുന്നു. ഈ റിപ്പോർട്ട് താഴെ വായിക്കാം.

കാലവർഷം ജൂൺ 4 ന് എത്താൻ സാധ്യത, തുടക്കം കനത്ത മഴയോടെ
2026 ലെ തെക്കു പടിഞ്ഞാറൻ മൺസൂൺ (South West Monsoon) അഥവാ കാലവർഷം ജൂൺ 4 ഓടെ എല്ലാ മാനദണ്ഡങ്ങളും പാലിച്ച് കേരളത്തിൽ എത്താൻ സാധ്യത.
https://metbeatnews.com/kerala-monsoon-onset-likely-delayed-to-june-4-expected-to-begin-with-heavy-rains

അറബിക്കടലിൽ ഏതാനും ദിവസങ്ങൾക്ക് മുമ്പ് എത്തി നിൽക്കുന്ന കാലവർഷം ഇന്നലെ ലക്ഷദ്വീപിന്റെ കൂടുതൽ മേഖലകളിലേക്ക് കൂടി വ്യാപിച്ചിട്ടുണ്ട്.

അറബിക്കടലിൽ രൂപപ്പെട്ട അന്തരീക്ഷച്ചുഴി (UAC) കാരണം വടക്കൻ കേരളത്തിൽ മേഘങ്ങൾ കര കയറാത്ത സാഹചര്യമാണ് ഇപ്പോൾ ഉള്ളത്. ഇതുപ്രകാരം കഴിഞ്ഞ രണ്ട് ദിവസമായി വടക്കൻ കേരളത്തിൽ വെയിലാണ്. എന്നാൽ മധ്യ കേരളത്തിലും തെക്കൻ ജില്ലകളിലും ഒറ്റപ്പെട്ട മഴ ലഭിക്കുന്നുണ്ട്.

UAC സ്വാധീനം മൂലം കേരളത്തിൻ്റെ മധ്യഭാഗങ്ങളിലും തെക്കൻ ഭാഗങ്ങളിലും കാലവർഷമേഘങ്ങൾ കരകയറി ഒറ്റപ്പെട്ട മഴ പെയ്യുന്നുണ്ട്.

ഇന്ന് രാവിലെയുള്ള Metbeat News ൻ്റെ അവലോകന പ്രകാരം
ഈ സാഹചര്യത്തിന് ജൂൺ 3 ന് മാറ്റം വരുമെന്നും കേന്ദ്ര കാലാവസ്ഥാവകുപ്പിന്റെ കാലവർഷം കേരളത്തിൽ എത്തിയതായുള്ള സ്ഥിരീകരണം (monsoon onset) ജൂൺ 3 നോ നാലിനോ ഉണ്ടായേക്കും എന്നും സൂചിപ്പിച്ചിരുന്നു.

കാലവർഷം കേരളത്തിലേക്ക് പ്രവേശിക്കാൻ തയ്യാറെടുക്കുന്നു, ജൂൺ നാലിനകം എത്തും
The southwest monsoon is gearing up to make landfall in Kerala, having already advanced further into the Lakshadweep region. While monsoon clouds are
https://metbeatnews.com/southwest-monsoon-prepares-to-enter-kerala-expected-by-june-4

English Summary : Southwest Monsoon Arrival: Orange and Yellow Alerts Issued for Kerala. The India Meteorological Department (MD) has issued Orange and Yellow weather alerts for various districts in Kerala as the Southwest Monsoon approaches the state. While the IMD initially predicted the monsoon would arrive by May 26, unfavorable atmospheric conditions caused a slight delay.