യു.എ.ഇയില്‍ ഇന്നു മുതൽ  നേരിയ മഴക്കും ശക്തമായ കാറ്റിനും സാധ്യത. ദേശീയ കാലാവസ്ഥാ കേന്ദ്രം (എന്‍.സി.എം) ആണ് ഇക്കാര്യം അറിയിച്ചത് . ഇന്ന് ദ്വീപുകളിലും തീരദേശ, വടക്കന്‍ മേഖലകളിലെ ചില ഭാഗങ്ങളിലും നേരിയ മഴയ്ക്ക് സാധ്യതയുണ്ട്

പകൽ സമയത്ത് താപനിലയിൽ നേരിയ വർദ്ധനവ് രേഖപ്പെടുത്താം. രാജ്യത്തിന്റെ ചില ഉൾപ്രദേശങ്ങളിൽ പരമാവധി താപനില 24°C മുതൽ 28°C വരെയാകാൻ സാധ്യതയുണ്ട്.

ശക്തമായ വടക്കുപടിഞ്ഞാറൻ കാറ്റിന് സാധ്യതയുണ്ട്. ഇത് അറേബ്യൻ ഗൾഫിലും ഒമാൻ കടലിലും തിരമാലകൾ ഉയരാനും കടൽ പ്രക്ഷുബ്ധമാകാനും കാരണമാകും.

അറേബ്യൻ ഗൾഫിലും ഒമാൻ കടലിലും തിരമാലകൾ ഉയരാൻ സാധ്യതയുള്ളതിനാൽ കടലിൽ പോകുന്നവർ ജാഗ്രത പാലിക്കണം. തിരമാലകൾ ചില സമയങ്ങളിൽ 6 അടി വരെ ഉയർന്നേക്കാം.