UAE weather 05/04/26 : യു.എ.ഇ യിൽ മഴയ്ക്കും ശക്തമായ കാറ്റിനും സാധ്യത

യു.എ.ഇയില്‍ ഇന്നു മുതൽ നേരിയ മഴക്കും ശക്തമായ കാറ്റിനും സാധ്യത. ദേശീയ കാലാവസ്ഥാ കേന്ദ്രം (എന്‍.സി.എം) ആണ് ഇക്കാര്യം അറിയിച്ചത് . ഇന്ന് ദ്വീപുകളിലും തീരദേശ, വടക്കന്‍ മേഖലകളിലെ ചില ഭാഗങ്ങളിലും നേരിയ മഴയ്ക്ക് സാധ്യതയുണ്ട്.

മണിക്കൂറില്‍ 15 മുതല്‍ 25 കിലോമീറ്റര്‍ വരെ വേഗതയില്‍ വടക്കുപടിഞ്ഞാറന്‍ കാറ്റ് വീശിയേക്കും. ഇത് ചില സമയങ്ങളില്‍ 40 കിലോമീറ്റര്‍ വരെ വേഗത കൈവരിക്കും. വൈകുന്നേരത്തോടെ കടലിലും കാറ്റ് ശക്തിപ്പെടും.

തീരപ്രദേശങ്ങളില്‍ 26 മുതല്‍ 31 ഡിഗ്രി സെല്‍ഷ്യസ് വരെ താപനിലയും കുറഞ്ഞ താപനില 17 മുതല്‍ 21 ഡിഗ്രി സെല്‍ഷ്യസ് വരെയായിരിക്കും. ഉള്‍നാടൻ പ്രദേശങ്ങളില്‍ താപനില 34 ഡിഗ്രി സെല്‍ഷ്യസ് വരെ ഉയരാനും സാധ്യത.

പര്‍വതപ്രദേശങ്ങളില്‍ താരതമ്യേന തണുത്ത കാലാവസ്ഥയായിരിക്കും (17 - 22 ഡിഗ്രി സെല്‍ഷ്യസ്). രാത്രിയില്‍ തീരപ്രദേശങ്ങളില്‍ അന്തരീക്ഷ ഈര്‍പ്പം 90 ശതമാനം വരെ എത്തിയേക്കാമെന്നും കാലാവസ്ഥാ നിരീക്ഷണ കേന്ദ്രം വ്യക്തമാക്കി.

തുടർന്നുള്ള ദിവസങ്ങളിൽ ഭാഗികമായി മേഘാവൃതമായ അന്തരീക്ഷ സ്ഥിതി തുടരും. രാവിലെ ചിലയിടങ്ങളില്‍ നേരിയ മഴ ലഭിച്ചേക്കാം. താപനിലയിലും നേരിയ കുറവുണ്ടാകും. മണിക്കൂറില്‍ 45 കിലോമീറ്റര്‍ വരെ വേഗതയില്‍ കാറ്റ് വീശാന്‍ സാധ്യതയുള്ളതിനാല്‍ പൊടിപടലങ്ങള്‍ ഉയരുന്നതും കാഴ്ചാപരിമിതിക്ക് ( Visibility ) കാരണമാകും.

⁠Weather News
Metbeat News Is the Website From Met Beat Weather Service LLP. Met Beat Weather LLP is a private meteorological company based in Kerala, India. Established in 2020, we focus on accurate weather prediction in Kerala and provide versatile forecasts for the Indian diaspora across the Globe.
https://metbeatnews.com/more?category=⁠Weather News

അറേബ്യന്‍ ഗള്‍ഫിലും ഒമാന്‍ കടലിലും കടല്‍ പ്രക്ഷുബ്ധമാകും.
ചൊവ്വാഴ്ച മണിക്കൂറില്‍ 50 കിലോമീറ്റര്‍ വരെ വേഗതയില്‍ കാറ്റ് വീശാനും പൊടിക്കാറ്റ് കാരണം കാഴ്ചാപരിധി കുറയാനും സാധ്യതയുണ്ട്.

ബുധനാഴ്ചയും വ്യാഴാഴ്ചയും ഭാഗികമായി മേഘാവൃതമായ കാലാവസ്ഥയായിരിക്കും അനുഭവപ്പെടുക. ഈ ദിവസങ്ങളില്‍ തീരദേശങ്ങളിലും പടിഞ്ഞാറന്‍, കിഴക്കന്‍ മേഖലകളിലും മഴയ്ക്ക് സാധ്യതയുണ്ട്.

Metbeat News

GCC മലയാളികൾ ഈ വാട്സ്ആപ്പ് ഗ്രൂപ്പിൽ അപ്ഡേറ്റുകൾക്ക് വേണ്ടി ജോയിൻ ചെയ്യുക

English Summary : UAE Weather Update: Rainfall and Strong Winds Forecasted. The National Centre of Meteorology (NCM) has issued a weather alert for the UAE starting today, April 5, 2026, predicting unstable weather conditions across the country