സംസ്ഥാനത്ത് ഒരു റഡാർ കൂടി സ്ഥാപിക്കും, ഇനി മഴവിവരങ്ങൾ പെട്ടെന്ന് ലഭിക്കും

കാലവർഷത്തിന്റെ സ്വഭാവവും തൽസ്ഥിതിയും കൂടുതൽ സൂക്ഷ്മമായി നിരീക്ഷിക്കാനും ഡേറ്റയുടെ കൃത്യതയ്ക്കും കാലാവസ്ഥാ കേന്ദ്രം സംസ്ഥാനത്ത് ഒരു റഡാർ കൂടി സ്ഥാപിക്കുമെന്ന വാർത്ത കൂടുതൽ ആശ്വാസമാവുകയാണ്.

250 കിലോമീറ്റർ നിരീക്ഷണ പരിധിയുള്ള റഡാർ കൊല്ലത്താണു സ്ഥാപിക്കുന്നത്. ഇതോടെ സംസ്ഥാനം മുഴുവൻ റഡാറുകളുടെ നിരീക്ഷണ പരിധിയിലാകും. കേന്ദ്ര സർക്കാരിന്റെ മിഷൻ മോസം പദ്ധതിയിലാണ് റഡാറുകൾ സ്ഥാപിക്കുന്നത്.

കൊല്ലത്തു വരുന്നതോടെ കൂടുതൽ വിവരങ്ങൾ ലഭിക്കും

എറണാകുളം പള്ളുരുത്തിയിൽ 500 കിലോമീറ്റർ വരെ നിരീക്ഷിക്കാവുന്ന റഡാറാണുള്ളത്. തിരുവനന്തപുരത്ത് ഐഎസ്ആർഒ റഡാറിൽ നിന്നുള്ള ഡേറ്റയാണ് ‍ഉപയോഗിക്കുന്നതെങ്കിലും കൊല്ലത്ത്‍ പുതിയതു വരുമ്പോൾ‍ അധിക വിവരങ്ങൾ ലഭിക്കും.

വയനാട് പുൽപ്പള്ളിയിലെ റഡാർ ഫെബ്രുവരിയോടെ പ്രവർത്തനസജ്ജമകും. കൊല്ലത്ത് റഡാർ വരുന്നതോടെ
കാലവർഷത്തിന്റെ അതിസൂക്ഷ്മ ഘടകങ്ങൾ കൂടുതൽ നേരത്തേയും വേഗത്തിലും ലഭ്യമാകും.

അതേസമയം ലക്ഷദ്വീപിൽ മിനിക്കോയ്, അമിനിയി എന്നിവിടങ്ങളിലലും 250 കിലോമീറ്റർ പരിധിയുള്ള നിരീക്ഷണ റഡാറുകൾ ആരംഭിക്കുന്നതിലൂടെ കാലവർഷം, ന്യൂനമർദം എന്നിവയുടെ സൂചനകൾ കൂടുതൽ നേരത്തേ ലഭിക്കും. മേഘങ്ങളുടെ നീക്കവും വലുപ്പവും ഇടിയോട് കൂടിയ മഴ, ജലകണങ്ങളുടെ വലുപ്പം,
ചുഴലി, കാറ്റിന്റെ ഗതി എന്നിവയും അറിയാനാകും.

അതിതീവ്ര മഴ നേരത്തെ അറിയാൻ കഴിയും

പുതിയ റഡാറുകൾ വരുന്നതോടെ പ്രാദേശികമായ അതിതീവ്ര മഴ പോലും നേരത്തേ അറിയാനാകും. കാലവർഷ പ്രവചനത്തിനു കൂടുതൽ വ്യക്തതയും കൃത്യതയും വരുത്താനും ദുരന്ത നിവാരണത്തിനും അധിക ഡേറ്റ വലിയ സഹായമാകും.

English Summary: The installation of a new radar in the state brings hope, enhancing weather monitoring across 250 km. This initiative is part of the central government's mission.