കേരളത്തിൽ മഴ തുടരും; നാല് ജില്ലകളിൽ നാളെ യെല്ലോ അലർട്ട്, ഇടിമിന്നലിനും സാധ്യത

കേരളത്തിൽ അടുത്ത അഞ്ച് ദിവസവും മഴ തുടരുമെന്ന് കേന്ദ്ര കാലാവസ്ഥാ വകുപ്പ്. ഓഗസ്റ്റ് 17 മുതൽ 21 വരെ സംസ്ഥാനത്ത് പൊതുവേ നേരിയതോ മിതമായതോ ആയ മഴയ്ക്ക് സാധ്യതയുണ്ട്. എന്നാൽ നാളെ (ഓഗസ്റ്റ് 18) കോട്ടയം, എറണാകുളം, കണ്ണൂർ, കാസർഗോഡ് ജില്ലകളിൽ ഒറ്റപ്പെട്ട ശക്തമായ മഴ (Isolated Heavy Rainfall) ലഭിക്കാൻ സാധ്യതയുണ്ടെന്നാണ് മുന്നറിയിപ്പ്. മഴയ്ക്കൊപ്പം ചിലയിടങ്ങളിൽ ഇടിമിന്നലിനും ശക്തമായ കാറ്റിനും സാധ്യതയുള്ളതിനാൽ പൊതുജനങ്ങൾ ജാഗ്രത പാലിക്കണം.

Deep Depression : ബംഗാൾ ഉൾക്കടലിൽ രൂപപ്പെട്ട ന്യൂനമർദ്ദം തീവ്ര ന്യൂനമർദ്ദമായി ശക്തിപ്രാപിച്ചു, കേരളത്തിൽ ഒറ്റപ്പെട്ട മഴ തുടരും
ബംഗാൾ ഉൾക്കടലിൽ രൂപപ്പെട്ട ന്യൂനമർദ്ദം തീവ്ര ന്യൂനമർദ്ദമായി ശക്തിപ്രാപിച്ചു. പശ്ചിമ ബംഗാൾ–ബംഗ്ലാദേശ് തീരത്തിനും വടക്കുപടിഞ്ഞാറൻ ബംഗാൾ ഉൾക്കടലിനും
https://metbeatnews.com/imd-weather-update-and-kerala-rain-forecast

നാല് ജില്ലകളിൽ ജാഗ്രത

ഓഗസ്റ്റ് 18ന് കോട്ടയം, എറണാകുളം, കണ്ണൂർ, കാസർഗോഡ് ജില്ലകളിലാണ് ഒറ്റപ്പെട്ട ശക്തമായ മഴയ്ക്ക് സാധ്യത. മറ്റ് ജില്ലകളിലും നേരിയതോ മിതമായതോ ആയ മഴ ലഭിച്ചേക്കും. ഓഗസ്റ്റ് 19 മുതൽ 21 വരെ എല്ലാ ജില്ലകളിലും പൊതുവേ നേരിയതോ മിതമായതോ ആയ മഴയാണ് പ്രവചിക്കുന്നത്.

കേരള തീരത്ത് കള്ളക്കടൽ ജാഗ്രത

അതേസമയം, കേരള തീരത്ത് കള്ളക്കടൽ (Kallakkadal) പ്രതിഭാസത്തിന്റെ ഭാഗമായി കടലാക്രമണത്തിന് സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രമായ INCOIS അറിയിച്ചു.

ഓഗസ്റ്റ് 18 രാത്രി 11.30 വരെ കേരള തീരത്ത് 0.9 മുതൽ 1.5 മീറ്റർ വരെ ഉയരമുള്ള തിരമാലകൾ ഉണ്ടാകാൻ സാധ്യതയുണ്ട്. ഇതേ തുടർന്ന് തീരപ്രദേശങ്ങളിൽ കടലാക്രമണത്തിനും സാധ്യതയുള്ളതിനാൽ മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണം.

കന്യാകുമാരി തീരത്തും ഉയർന്ന തിരമാല

കന്യാകുമാരി തീരത്തും കള്ളക്കടൽ പ്രതിഭാസത്തിന്റെ ഭാഗമായി ഓഗസ്റ്റ് 18 രാത്രി 11.30 വരെ 1.3 മുതൽ 1.5 മീറ്റർ വരെ ഉയരമുള്ള തിരമാലകൾക്ക് സാധ്യതയുണ്ടെന്ന് INCOIS മുന്നറിയിപ്പ് നൽകി. തീരപ്രദേശങ്ങളിൽ അനാവശ്യമായി കടലിൽ ഇറങ്ങുന്നതും തിരമാലകൾക്ക് സമീപം നിൽക്കുന്നതും ഒഴിവാക്കണം. മഴയും കടലാക്രമണ സാധ്യതയും നിലനിൽക്കുന്ന സാഹചര്യത്തിൽ തീരദേശ മേഖലകളിൽ പ്രത്യേക ജാഗ്രത തുടരുകയാണ്.

English Summary : The India Meteorological Department (IMD) predicts light to moderate rainfall across Kerala for the next five days (August 17 to 21).