Kerala Weather 17/07/26 : വടക്കൻ കേരളത്തിൽ രാവിലെ മഴ, മധ്യകേരളത്തിലും മഴ വരുന്നു

വടക്കൻ ഒഡീഷക്ക് മുകളിൽ കഴിഞ്ഞ ദിവസം ബംഗാൾ ഉൾക്കടലിൽ രൂപപ്പെട്ട ന്യൂനമർദ്ദം ശക്തിപ്പെട്ട് ശക്തി കൂടിയ ന്യൂനമർദ്ദമായി ( well marked low pressure - WML ) മാറിയതോടെ ഇന്ന് രാവിലെ വടക്കൻ കേരളത്തിലും മഴ. രാവിലത്തെ മഴയ്ക്ക് ശേഷം വടക്കൻ ജില്ലകളിലും ആകാശം തെളിയും.

ഇന്നലെ തൃശ്ശൂർ എറണാകുളം ഉൾപ്പെടെയുള്ള ജില്ലകളിൽ ആയിരുന്നു രാവിലെ മഴപെയ്തത്. എന്നാൽ ഇന്ന് തിരൂർ മുതൽ കാസർകോട് വരെയുള്ള പ്രദേശങ്ങളിൽ രാവിലെ മഴ ലഭിച്ചു. കോഴിക്കോട്, കണ്ണൂർ ജില്ലകളിൽ വ്യാപകമായും മലപ്പുറത്ത് ജില്ലയിൽ ഭാഗികമായും മഴ ലഭിച്ചു.

എറണാകുളം ഉൾപ്പെടെ മധ്യകേരളത്തിലും തെക്കൻ ജില്ലകളിലും ഒറ്റപ്പെട്ട മഴ രാവിലെ ലഭിക്കുന്നുണ്ട്. ഇന്ന് എല്ലാ ജില്ലകളിലും ഒറ്റപ്പെട്ട ചാറ്റൽ മഴ സാധ്യത. ശക്തമായ തുടർച്ചയായ മഴ ഒരു ജില്ലകളിലും പ്രതീക്ഷിക്കുന്നില്ല. എറണാകുളം ജില്ലയിൽ ഒരു മണിക്കൂറുകളിൽ ശക്തമായ മഴ സാധ്യതയുണ്ട്.

കേരളത്തിൽ മഴ ശക്തിപ്പെടാനുള്ള അന്തരീക്ഷഘടകങ്ങൾ നിലവിൽ ദുർബലമാണ്.

English Summary : Morning Rain in Northern Kerala; Light Showers Expected in Central and Southern Districts. The low-pressure system that formed over Northern Odisha in the Bay of Bengal has intensified into a Well-Marked Low Pressure (WML) area, triggering morning rain across Northern Kerala.