കന്യാകുമാരി കടലിലെ അന്തരീക്ഷച്ചുഴിയെ തുടര്‍ന്ന് കേരളത്തില്‍ ഇന്ന് വിവിധ പ്രദേശങ്ങളില്‍ ശക്തമായ മഴ ലഭിച്ചു. വടക്കന്‍ കേരളത്തിലും മധ്യ കേരളത്തിലും തെക്കന്‍ ജില്ലകളിലും വൈകിട്ടു മുതല്‍ രാത്രി വരെ കനത്ത മഴ റിപ്പോര്‍ട്ടു ചെയ്തു. കോഴിക്കോട്, കണ്ണൂര്‍ ജില്ലകളില്‍ വൈകിട്ട് കിഴക്കന്‍ മേഖലയില്‍ അതിശക്തമായ മഴ ലഭിച്ചു. എന്നാല്‍ തീരദേശത്ത് ചാറ്റല്‍മഴയാണ് ലഭിച്ചത്.

കോട്ടയം നെടുങ്കുന്നം ഇന്ന് 14/11/25 വൈകിട്ട് 3 ന് പെയ്ത മഴ photo : Subin Mathew

മലപ്പുറം ജില്ലയിലും ശക്തമായ കാറ്റും മഴയും ഉണ്ടായിരുന്നു. വൈകിട്ടോടെ തെക്കന്‍ ജില്ലകളിലും കനത്ത മഴ ലഭിച്ചു. കോട്ടയം, പത്തനംതിട്ട, കൊല്ലം ജില്ലകളില്‍ മഴ ലഭിച്ചു. കോട്ടയത്ത്് കനത്ത മഴയില്‍ വെള്ളം കയറിയതിനെ തുടര്‍ന്ന് സി.ബി.എസ്.ഇ കലോത്സവം നിര്‍ത്തിവെച്ചു.

കോഴിക്കോട് ജില്ലയുടെ മാലയോരമേഖലയില്‍ കനത്ത ഇടിയും മഴയുമാണുണ്ടായത്. രണ്ട് വീടുകള്‍ക്ക് കേടുപാട് സംഭവിച്ചു. മുക്കത്തിന് സമീപം മണാശ്ശേരി പന്നൂളി രാജന്റെവീട്ടിലെ വയറിങ് കത്തിനശിച്ചു. വീട്ടുകാര്‍ രക്ഷപ്പെട്ടത് തലനാരിഴക്ക്. മിന്നലില്‍ അടുത്ത വീട്ടിലും നാശനഷ്ടം ഉണ്ടായി. ഒരു തെങ്ങിനും മിന്നല്‍ ഏറ്റിട്ടുണ്ട്.

Heavy rains; Damage to houses in Kozhikode, CBSE Kalolsavam in Kottayam cancelled