ദുബൈയിൽ ആദ്യ എയർ ടാക്സി പറന്നിറങ്ങി

ദുബൈ: അടുത്ത വർഷം സർവിസ് ആരംഭിക്കുന്നതിന് മുന്നോടിയായി പൈലറ്റുള്ള ആദ്യ എയർ ടാക്സി ദുബൈ വിമാനത്താവളത്തിൽ സുരക്ഷിതമായി പറന്നിറങ്ങി. മർഗാമിൽനിന്ന് പറന്നുയർന്ന പറക്കും ടാക്സി ആൽ മക്തൂം അന്താരാഷ്ട്ര വിമാനത്താവളത്തിലാണ് ലാൻഡിങ് നടത്തിയത്.

ഇതിന്‍റെ ചിത്രങ്ങൾ ദുബൈ കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയുമായ ശൈഖ് ഹംദാൻ ബിൻ മുഹമ്മദ് ബിൻ റാശിദ് ആൽ മക്തൂം എക്സ് അക്കൗണ്ടിലൂടെ പങ്കുവെച്ചിട്ടുണ്ട്.

Today, I reviewed the Roads and Transport Authority’s latest infrastructure and public transport projects aimed at enhancing quality of life in Dubai. Ahead of next year’s air taxi launch, the first crewed eVTOL flight took off from Margham and landed at Al Maktoum International… pic.twitter.com/CfOMZkqyX1
— Hamdan bin Mohammed (@HamdanMohammed) November 11, 2025

പൂർണമായും ഇലക്ട്രിക് ആയ എയർടാക്സികൾ പരിസ്ഥിതി സൗഹൃദവും സുരക്ഷ, വേഗം, സുഖകരം എന്നിവയിൽ മികച്ച നിലവാരം വാഗ്ദാനം ചെയ്യുന്നവയുമാണ്.

ആധുനിക ആഗോള സാങ്കേതികവിദ്യകൾ ഉപയോഗിച്ചാണ് എയർടാക്സികളുടെ രൂപകൽപന. ആറ് പ്രൊപ്പല്ലറുകളും നാല് സ്വതന്ത്ര ബാറ്ററി പാക്കുകളും വിമാനത്തിനുണ്ട്.

മണിക്കൂറിൽ 160 കിലോമീറ്റർ മുതൽ 320 കിലോമീറ്റർവരെ വേഗത്തിൽ പറക്കാനുള്ള ശേഷിയുമുണ്ടാവും. പൈലറ്റിനെ കൂടാതെ, നാല് യാത്രക്കാർക്ക് സഞ്ചരിക്കാവുന്ന രീതിയിലാണ് വിമാനത്തിന്‍റെ അകം രൂപകൽപന ചെയ്തിരിക്കുന്നത്.

English Summary: First air taxi takes off in Dubai