കര്‍ഷകര്‍ക്ക് ഏറ്റവും സഹയിയാണ് ഹോര്‍മോണുകള്‍. ജൈവ ഹോര്‍മോണുകള്‍ നമുക്ക് വീട്ടിലുണ്ടാക്കാം. വിളകള്‍ മെച്ചപ്പെടുത്താനും ചെടികള്‍ എളുപ്പത്തില്‍ വളര്‍ത്താനും ജൈവ ഹോര്‍മോണുകള്‍ സഹായിക്കും. വീട്ടില്‍ ഉണ്ടാക്കാവുന്ന ചില ജൈവ ഹോര്‍മോണുകള്‍ പരിചയപ്പെടാം.

കറ്റാര്‍വാഴ

കറ്റാര്‍വാഴയുടെ ജെല്‍ ഒരു മികച്ച പ്രകൃതി ദത്ത റൂട്ടിങ് ഹോര്‍മോണ്‍ ആണ്. ഇതില്‍ സാലിസിലിക് ആസിഡ് പോലുള്ള വേരുപിടിപ്പിക്കാന്‍ സഹായിക്കുന്ന ഘടകങ്ങള്‍ അടങ്ങിയിട്ടുണ്ട്. ഇത് അണുബാധകളെ തടയുന്ന ഒരു സംരക്ഷകനായും പ്രവര്‍ത്തിക്കുന്നു.

ഉപയോഗിക്കേണ്ട രീതി

ഒരു കറ്റാര്‍വാഴയുടെ തണ്ട് മുറിച്ചു അതിലെ ജെല്‍ എടുക്കുക. ഇലയുടെ അടിഭാഗത്തു നിന്ന് മഞ്ഞനിറത്തിലുള്ള ദ്രാവകം (അലോയിന്‍)ഒലിച്ചു പോകാന്‍ 1015 മിനുട്ട് കുത്തനെ വെക്കുക. അതിനു ശേഷം തണ്ടിന്റെ പുറത്തുള്ള തൊലി ശ്രദ്ധിച്ചു മാറ്റി ഉള്ളിലെ തെളിഞ്ഞ ജെല്‍ എടുക്കുക. കറ്റാര്‍വാഴ ജെല്ലില്‍ കമ്പിന്റെ മുറിച്ച അടിഭാഗം നന്നായി മുക്കുക.

ജെല്‍ കമ്പിന്റെ ചുറ്റും ഒരു നേര്‍ത്ത പാളിയായി പറ്റിപ്പിടിച്ചിട്ടുണ്ടെന്ന് ഉറപ്പാക്കണം. അല്ലെങ്കില്‍ ജെല്‍ വെള്ളം ചേര്‍ത്ത് മിക്‌സിയില്‍ അടിച്ചെടുത്തു ഒരു ലായനിയാക്കി അതില്‍ കമ്പുകള്‍ 30 മിനിറ്റ് മുതല്‍ 1മണിക്കൂര്‍ വരെ മുക്കിവെക്കുക.

മുരിങ്ങ ഇല സത്ത്

മുരിങ്ങയിലയില്‍ സൈറ്റോകീനുകള്‍ (Cytokinins), പ്രതേകിച്ചു സിയാറ്റിന്‍ (Zeatin)എന്ന ഹോര്‍മോണ്‍ കൂടുതലായി അടങ്ങീട്ടുണ്ട്. സിയാറ്റിന്‍ കോശവിഭജനത്തേയും കോശവളര്‍ച്ചയെയും ഉത്തേജിപ്പിക്കുന്ന ഒരു പ്രധാന സസ്യ ഹോര്‍മോണ്‍ ആണ്. ഇത് വേരുകളുടെ വളര്‍ച്ചയെ നേരിട്ട് പ്രോത്സാഹിപ്പിക്കാന്‍ സഹായിക്കുന്നു.

ഉപയോഗിക്കേണ്ട രീതി

അമ്പത് ഗ്രാം മുരിങ്ങയില ഇരുന്നൂറ് മില്ലി വെള്ളത്തില്‍ തലേ ദിവസം കുതിര്‍ക്കുക. പിഴിഞ്ഞെടുത്തോ അരച്ചെടുത്തോ തയ്യാറാക്കുന്ന മുരിങ്ങാച്ചാറില്‍ കമ്പിന്റെ അഗ്രം 2030 മിനിറ്റ് നേരം മുക്കി വെച്ചു നടുന്നത് പെട്ടെന്ന് വേരിറങ്ങാന്‍ നല്ലതാണ്.

തേങ്ങാ വെള്ളം

തേങ്ങാ വെള്ളത്തില്‍ സ്വഭാവികമായി സസ്യ വളര്‍ച്ച ഹോര്‍മോണുകളായ സൈറ്റോകീനുകള്‍ അടങ്ങീട്ടുണ്ട്. കൂടാതെ ഇതില്‍ ധാരാളം വിറ്റാമിനുകള്‍, ധാതുക്കള്‍, അമിനോ ആസിഡുകള്‍, എന്‍സൈമുകള്‍, എന്നിവയും അടങ്ങീട്ടുണ്ട്. ഈ ഘടകങ്ങള്‍ എല്ലാം കോശ വിഭാജനത്തേയും പുതിയ വേരുകളുടെ വളര്‍ച്ചയെയും പ്രോത്സാഹിപ്പിക്കാന്‍ നല്ലതാണ്.

ഉപയോഗിക്കേണ്ട രീതി

മുറിച്ചെടുത്ത കമ്പുകളുടെ അറ്റം ഈ നേര്‍പ്പിച്ച തേങ്ങാ വെള്ളത്തില്‍ കുറച്ചു മണിക്കൂറുകളോ അല്ലെങ്കില്‍ ഒരു രാത്രി മുഴുവനോ മുക്കി വെക്കുക.

follow our website metbeat news for agro met news