ഓസ്ട്രേലിയയുടെ പടിഞ്ഞാറ് മുതൽ കിഴക്കൻ തീരപ്രദേശങ്ങൾ വരെ കനത്ത മഴ. ഇടിമിന്നൽ, ശക്തമായ കാറ്റ്, മഞ്ഞുവീഴ്ച എന്നിവ പ്രതീക്ഷിക്കുന്നതായി ഓസ്ട്രേലിയൻ കാലാവസ്ഥാ വകുപ്പ് (BOM) മുന്നറിയിപ്പ് നൽകി.

പടിഞ്ഞാറൻ ഓസ്ട്രേലിയയിൽ നിന്ന് വിക്ടോറിയയിലേക്കും ക്വീൻസ്‌ലാൻഡിന്റെ തെക്കൻ തീരങ്ങളിലേക്കും വ്യാപിക്കുന്ന വിപുലമായ മേഘരൂപീകരണവും തണുത്ത വായുവുമായുള്ള കൂട്ടിച്ചേരലാണ് ഈ കാലാവസ്ഥാ വ്യതിയാനത്തിന് കാരണം.

BOM-ന്റെ മുതിർന്ന കാലാവസ്ഥാ വിദഗ്ധ മിറിയം ബ്രാഡ്ബറി വ്യക്തമാക്കുന്നത് പ്രകാരം “ശനിയാഴ്ച രാത്രി മുതൽ ഞായറാഴ്ചയോടെ നിരവധി സംസ്ഥാനങ്ങളിൽ കനത്ത പൊടിക്കാറ്റുകളും മഞ്ഞുവീഴ്ചയും ഉണ്ടാകാനുള്ള സാധ്യതയുണ്ട്. വൈദ്യുതി മുടക്കം, മരങ്ങൾ കടപുഴകിവീഴുക, റോഡുകൾ മൂടുന്ന വെള്ളപ്പൊക്കം എന്നിവ ഉണ്ടാകാം,” എന്നാണ് മുന്നറിയിപ്പ് നൽകുന്നത്.

വെസ്റ്റേൺ ഓസ്ട്രേലിയ, ദക്ഷിണ ഓസ്ട്രേലിയ, വിക്ടോറിയയുടെ മധ്യവും വടക്കൻ ഭാഗങ്ങളും, കൂടാതെ ന്യൂ സൗത്ത് വെയിൽസിലെ റിവറിന പ്രദേശവും കൂടുതൽ അപകട സാധ്യതയുള്ള മേഖലകളായി തിരിച്ചിട്ടുണ്ട്.

വടക്കൻ സംസ്ഥാനങ്ങളിലേക്കും ഈ മേഘങ്ങൾ നീങ്ങുന്നുണ്ട്.
ബ്രിസ്ബേൻ, സൺഷൈൻ കോസ്റ്റ്, ഗോൾഡ് കോസ്റ്റ് എന്നീ പ്രദേശങ്ങളിലും തീവ്രമായ ഇടിമിന്നലുകളും ശക്തമായ കാറ്റും അനുഭവപ്പെടാൻ സാധ്യതയുണ്ടെന്ന് BOM വ്യക്തമാക്കി.

“കടലോരത്തുനിന്ന് അൽപ്പം അകലെ ഉള്ള പ്രദേശങ്ങളിലാണ് ഏറ്റവും ശക്തമായ മഴ പ്രതീക്ഷിക്കുന്നത്. അതിനാൽ എല്ലാവരും കാലാവസ്ഥാ മുന്നറിയിപ്പുകളും റഡാർ അപ്ഡേറ്റുകളും ശ്രദ്ധിക്കണം.

മഞ്ഞുവീഴ്ചയും കാറ്റിന്റെ വേഗതയും

ചില ഭാഗങ്ങളിൽ വലിയ ഐസ് കട്ടകൾ (giant hail) വീഴാൻ സാധ്യതയുണ്ട്.
വേഗതയേറിയ കാറ്റ് വീടുകൾക്കും വൈദ്യുതി ലൈനുകൾക്കും നാശം വരുത്താൻ സാധ്യതയുള്ളതിനാൽ,
പ്രാദേശിക അധികാരികൾ ജനങ്ങളെ സുരക്ഷിത സ്ഥാനങ്ങളിൽ തുടരുക. യാത്രകൾ ഒഴിവാക്കാൻ, ആവശ്യമായ മുൻകരുതലുകൾ സ്വീകരിക്കാൻ അഭ്യർത്ഥിച്ചിട്ടുണ്ട്. അടുത്ത ദിവസങ്ങളിലും ഈർപ്പമുള്ള കാലാവസ്ഥ തുടരും.

വടക്കൻ ക്വീൻസ്‌ലാൻഡിലെ തീരപ്രദേശങ്ങളിൽ ഈർപ്പവും മഴയും അടുത്ത ആഴ്ചവരെ തുടരുമെന്ന് കാലാവസ്ഥാ വിദഗ്ധർ വ്യക്തമാക്കി.
ചൊവ്വാഴ്ചയാണ് ഏറ്റവും കനത്ത മഴ ലഭിക്കാനുള്ള സാധ്യത.

വീടുകളിലും വാഹനങ്ങളിലും ആവശ്യമായ സുരക്ഷാ ഒരുക്കങ്ങൾ സ്വീകരിക്കുക.
പ്രാദേശിക റഡാർ അപ്ഡേറ്റുകളും ഔദ്യോഗിക BOM മുന്നറിയിപ്പുകളും ശ്രദ്ധിക്കുക.

വിക്ടോറിയയിൽ ‘തണ്ടർസ്റ്റോം ആസ്ത്മ’ മുന്നറിയിപ്പ്

മെൽബൺ ഉൾപ്പെടെ വിക്ടോറിയയുടെ വടക്കൻ പ്രദേശങ്ങളിൽ കനത്ത മഴ, പൊടിക്കാറ്റ്, ശക്തമായ കാറ്റ് എന്നിവയ്ക്ക് പിന്നാലെ തണ്ടർസ്റ്റോം ആസ്ത്മ മുന്നറിയിപ്പ് പുറപ്പെടുവിച്ച് ബ്യൂറോ ഓഫ് മെറ്റിയറോളജി (BOM).

പൊടിക്കാറ്റ് വീശുമ്പോൾ ശ്വസന പ്രശ്നങ്ങൾ രൂക്ഷമാകാമെന്ന മുന്നറിയിപ്പാണ് വിദഗ്ധർ നൽകുന്നത്. മുൻകാലങ്ങളിൽ ഇത്തരമൊരു സാഹചര്യത്തിൽ നിരവധി പേർ ആശുപത്രികളിൽ പ്രവേശിപ്പിക്കപ്പെട്ടിരുന്നു.

BOMയും ആരോഗ്യവകുപ്പും ചേർന്ന് പുറപ്പെടുവിച്ച മുന്നറിയിപ്പ്

ശ്വാസകോശ സംബന്ധമായ അസുഖങ്ങൾ ഉള്ളവർ, ആസ്ത്മ ബാധിതർ,അലർജി ചരിത്രമുള്ളവർ

എല്ലാവരും തുടർച്ചയായി ഇൻഹെയിലർ കൈയിൽ വയ്ക്കുകയും വീടിനുള്ളിൽ തന്നെ കഴിയുകയും വേണം.

വിക്ടോറിയയുടെ വടക്കൻ ഭാഗങ്ങൾ ഉൾപ്പെടെ മെൽബൺ പ്രദേശങ്ങളിൽ ഉച്ചയ്ക്കും വൈകുന്നേരത്തും ഇടിമിന്നലോടുകൂടിയ മഴയും പൊടിക്കാറ്റും ഉണ്ടാകാൻ സാധ്യതയുണ്ട്.
“പൊടിക്കാറ്റ് ആസ്ത്മ attack ഉണ്ടാക്കാനുള്ള സാധ്യതയുണ്ട്. അത്തരമൊരു സാഹചര്യം അനുഭവപ്പെടുന്നവർ ഉടൻ 000 അടിയന്തരസേവനം സമീപിക്കുക.”

ജനങ്ങൾ പുറത്തുപോകുമ്പോൾ മാസ്‌ക് ധരിക്കുകയും, പൊടി കൂടുതലുള്ള സ്ഥലങ്ങൾ ഒഴിവാക്കണമെന്നും അധികൃതർ അഭ്യർത്ഥിച്ചു.

Metbeat news