മിന്നല്‍പ്രളയത്തില്‍ വീട് ഒലിച്ചുപോയി ഒരു കുടുംബത്തിലെ നാല് പേരെ കാണാതായി. അബ്ദുള്‍ ഹമീദ്, ഭാര്യ ഷരീഫ ബീഗം, മകള്‍ അരീബ, സഹോദരി മനീറ ബീഗം എന്നിവര്‍ക്കായി തിരച്ചില്‍ തുടരുകയാണ്. പ്രദേശത്തെ അവശിഷ്ടങ്ങള്‍ക്കിടയില്‍ നിന്ന് അഞ്ച് മൃതദേഹങ്ങള്‍ കണ്ടെടുത്തു.

പലയിടങ്ങളിലും പ്രകമ്പനം അനുഭവപ്പെട്ടതിനെത്തുടർന്ന് ആളുകൾ പരിഭ്രാന്തരാവുകയും വീടുകളിൽ നിന്ന് പുറത്തിറങ്ങുകയും ചെയ്തു.

നവ്യുഗ് ടണലിന് സമീപം മഞ്ഞ് അടിഞ്ഞുകൂടിയതിനെത്തുടർന്ന് ദേശീയപാത 44-ൽ വാഹനസഞ്ചാരം നിരോധിച്ചു. മുഗൾ റോഡ്, എസ്എസ്ജി റോഡ് തുടങ്ങിയ പ്രധാന പാതകളും നിലവിൽ അടച്ചിരിക്കുകയാണ്.

കുപ്വാര, ബന്ദിപ്പോര, ഗന്ദർബാൽ എന്നിവിടങ്ങളിലെ ചില ഉയർന്ന പ്രദേശങ്ങളിൽ ഞായറാഴ്ച മിതമായതോ കനത്തതോ ആയ മഞ്ഞുവീഴ്ചയ്ക്ക് സാധ്യതയുണ്ട്.

കാലാവസ്ഥ പ്രതികൂലമായിരുന്നിട്ടും മഞ്ഞുവീഴ്ച പ്രതീക്ഷിച്ച് വിനോദസഞ്ചാരികൾ താഴ്‌വരയിലേക്ക് ഒഴുകിയെത്തുകയാണ്. ഡിസംബർ 14നെ അപേക്ഷിച്ച് കുറഞ്ഞ താപനിലയാണ് കഴിഞ്ഞ ദിവസം രേഖപ്പെടുത്തിയത്.

രണ്ട് മാസത്തിലേറെയായി തുടരുന്ന വരൾച്ച കശ്മീരിലെ നദികൾ, അരുവികൾ, തടാകങ്ങൾ, നീരുറവകൾ, കിണറുകൾ എന്നിവയിലെ ജലനിരപ്പ് കുറയാൻ കാരണമായി.