ഉണങ്ങാനിട്ട അടയ്ക്ക, മഞ്ഞൾ, വാട്ടുകപ്പ, കാപ്പി തുടങ്ങിയ വിളകൾ മഴയിൽ കുതിർന്നു നശിച്ചു. ഇനി ഇവ സൂക്ഷിച്ചു വയ്ക്കാനും പറ്റില്ല. മഴക്കാലം മാസങ്ങളോളം നീണ്ടതിനാൽ ഈ സീസണിൽ അടയ്ക്ക ഉൽപാദനം പൊതുവേ കുറവാണ്. എന്നാൽ വിപണിയിൽ നല്ല വിലയുമുണ്ട്.

കഴിഞ്ഞ സീസണിൽ തളർച്ചയിലായിരുന്ന വിപണി ഉണർന്ന് വില 495 - 510 രൂപയിലെത്തി. മേൽത്തരം പഴയ കൊട്ടടയ്ക്ക കിലോയ്ക്ക് 100 രൂപയോളം വർദ്ധിച്ചു. കഴിഞ്ഞ സീസണിൽ കിലോയ്ക്ക് 450 രൂപ വരെ ഉയർന്ന വില കൂപ്പുകുത്തിയതോടെ കർഷകർ നിരാശയിലായിരുന്നു.