തെക്കു കിഴക്കൻ ബംഗാൾ ഉൾക്കടലിൽ ഇന്നലെ രൂപപ്പെട്ട ന്യൂനമർദം സമാന ശക്തിയിൽ തുടരുന്നു. ഇത് അടുത്ത 12 മണിക്കൂറിൽ വീണ്ടും ശക്തിപ്പെട്ട് വെൽ മാർക്ഡ് ലോ പ്രഷർ ആയി മാറും. തുടർന്ന് വടക്കു പടിഞ്ഞാറൻ ദിശയിൽ ശ്രീലങ്കൻ തീരം ലക്ഷ്യമാക്കി നീങ്ങും.
അതിനിടെ, അറബി കടലിൽ കഴിഞ്ഞ ദിവസം രൂപംകൊണ്ട മന്ദൂസ് ചുഴലിക്കാറ്റിന്റെ ശേഷിപ്പായ ന്യൂനമർദ്ദം അതി തീവ്ര ന്യൂനമർദം ആയി മാറി. ഇത് മധ്യ കിഴക്കൻ അറബി കടലിൽ ആണ് സ്ഥിതി ചെയ്യുന്നത്. ഗോവയിൽ നിന്ന് ഏകദേശം 700 കി.മീ ഉം ഒമാനിലെ സലാലയിൽ നിന്ന് 1400 കി.മീ ഉം അകലെയാണ്. അടുത്ത 12 മണിക്കൂർ കൂടി ഈ സിസ്റ്റവും സമാന ശക്തിയിൽ തുടരും .
കേരളത്തിലെ മഴ സാധ്യത
കേരളത്തിൽ ചൊവ്വാഴ്ച വരെ മഴ വിട്ടു നിൽക്കും. മികവാറും ജില്ലകളിൽ വരണ്ട കാലാവസ്ഥ തുടരും. അതിന് ശേഷം ബംഗാൾ ഉൾക്കടലിലെ ന്യൂനമർദം മഴ തിരികെ എത്താൻ കാരണമാകും. കൂടുതലും തെക്കൻ കേരളത്തിനാണ് മഴ സാധ്യത. ന്യൂനമർദത്തിന്റെ ട്രാക്ക് അനുസരിച്ച് മഴ സാധ്യതയിൽ മാറ്റം ഉണ്ടാകും. ഞങ്ങളുടെ അപ്ഡേഷൻ ശ്രദ്ധിക്കുക.
