യു എ ഇയിൽ വരാൻ പോകുന്നത് ദൈർഘ്യമേറിയ രാത്രിയും കൊടും തണുപ്പും, കാരണം വ്യക്തമാക്കി കാലാവസ്ഥാ വകുപ്പ്, ജാഗ്രതാ നിർദ്ദേശം

യു എ ഇയിൽ വരാൻ പോകുന്നത് ദൈർഘ്യമേറിയ രാത്രിയും കൊടും തണുപ്പും, കാരണം വ്യക്തമാക്കി കാലാവസ്ഥാ വകുപ്പ്, ജാഗ്രതാ നിർദ്ദേശം

യുഎഇ നിവാസികൾ വരാൻ പോകുന്ന ചില കാര്യങ്ങൾ അറിഞ്ഞിരിക്കേണ്ടത് അത്യാവശ്യമാണ്. അതായത് അറേബ്യൻ ഗൾഫിൽ നിന്നും ഹജർ പർവതനിരകളിൽ നിന്നും വീശുന്ന തണുത്ത കാറ്റ് ശീതകാല അറുതി ദിനത്തിന്റെ ഔദ്യോഗിക വരവിനെ സൂചിപ്പിക്കുന്നുവെന്നാണ് കാലാവസ്ഥാ നിരീക്ഷകർ പറയുന്നത്. വർഷത്തിലെ ഏറ്റവും കുറഞ്ഞ പകലും ഏറ്റവും ദൈർഘ്യമേറിയ രാത്രിയും കൊണ്ടുവരുന്ന സാഹചര്യത്തിൽ യുഎഇ നിവാസികൾ ഇക്കാര്യം അറിഞ്ഞിരിക്കണം. 

ശീതകാല അറുതി ഒരു കലണ്ടർ തീയതി മാത്രമല്ല, സമയത്തിലെ ഒരു പ്രത്യേക നിമിഷമാണ്. യുഎഇയിൽ ഞായറാഴ്ച വൈകുന്നേരം 7:03 ന് ജിഎസ്‌ടി (ഗൾഫ് സ്‌റ്റാൻഡേർഡ് സമയം) ആയിരുന്നു. ഭൂമിയുടെ ഉത്തരധ്രുവം സൂര്യനിൽ നിന്ന് അതിന്റെ പരമാവധി കോണിൽ 23.5 ഡിഗ്രി അകലെ ചരിഞ്ഞിരിക്കുന്ന സമയത്താണ് ഇത് ഉണ്ടാവുന്നത്. രാജ്യമെമ്പാടും, ഈ മാറ്റങ്ങളുടെ ആഘാതം ഇതിനകം തന്നെ പ്രകടമാണ്. വടക്കൻ എമിറേറ്റുകളിൽ, പ്രത്യേകിച്ച് ജബൽ ജൈസിന് സമീപം, പ്രഭാതത്തിലെ തണുപ്പ് താപനിലയെ വളരെ താഴ്ന്ന നിലയിലേക്ക് എത്തിച്ചിട്ടുണ്ട്. അൽ ഐൻ, ലിവ എന്നീ ഉൾനാടൻ മരുഭൂമി പ്രദേശങ്ങളിൽ, വരാനിരിക്കുന്ന നീണ്ട രാത്രി മണലിൽ നിന്ന് ചൂട് വേഗത്തിൽ പുറത്തുവരാൻ അനുവദിക്കും, ഇത് സൂര്യാസ്‌തമയത്തിനുശേഷം താപനിലയിൽ കുത്തനെയുള്ള ഇടവിന് കാരണമാവും.

വാഹനമോടിക്കുന്നവർ ജാഗ്രതപാലിക്കുക

പർവതപ്രദേശങ്ങളിൽ കൂടുതൽ തണുപ്പായിരിക്കും ഇനി അനുഭവപെടാൻ പോകുന്നത്. അവിടെ ഉപരിതല താപനില 15നും 18°C നും ഇടയിൽ രേഖപ്പെടുത്തും. കാറ്റ് നേരിയ തോതിൽ നിന്ന് മിതമായ വേഗതയിൽ വീശും, ചില സമയങ്ങളിൽ ഇത് ശക്തിപ്പെടാനുള്ള സാധ്യതയുമുണ്ട്.
തെക്ക്-പടിഞ്ഞാറ് നിന്ന് വടക്ക്-പടിഞ്ഞാറ് ദിശയിലേക്ക് 15 മുതൽ 25 കിലോമീറ്റർ വരെ വേഗതയിൽ കാറ്റ് വീശുമെങ്കിലും, ചിലപ്പോൾ 40 കി.മീ/മണിക്കൂർ വരെ എത്താം. ശക്തമായ കാറ്റ് കാരണം പൊടി പറക്കാനും തുറന്ന പ്രദേശങ്ങളിൽ കാഴ്‌ചാപരിധി കുറയാനും സാധ്യതയുണ്ട്. അതിനാൽ പുറത്തിറങ്ങുന്നവർ, വാഹനം ഓടിക്കുന്നവർ ഒക്കെയും ശ്രദ്ധിക്കണം. 

വരാൻ പോകുന്നത് അതിശൈത്യം.

യുഎഇയില്‍ ഇനി വരാനിരിക്കുന്നത് അതിശൈത്യത്തിന്റെ നാളുകളാണെന്ന് ദേശീയ കാലാവസ്ഥാ കേന്ദ്രം. യുഎഇയില്‍ രണ്ട് ദിവസങ്ങളിലായി പെയ്ത മഴക്ക് പിന്നാലെ താപനിലയില്‍ വലിയ കുറവാണ് ഉണ്ടായത്. രാത്രികാലങ്ങളില്‍ ശക്തമായ തണുപ്പാണ് ദുബായ് ഉള്‍പ്പെടെയുള്ള എമിറേറ്റുകളില്‍ ഇപ്പോള്‍ അനുഭവപ്പെടുന്നത്. എന്നാല്‍ വരും ദിവസങ്ങളില്‍ തണുപ്പിന്റെ കാഠിന്യം ഇനിയും കൂടുമെന്നാണ് ദേശീയ കാലാവസ്ഥാ കേന്ദ്രം വ്യക്തമാക്കുന്നത്. 

ഇന്ന് രാവിലെ മുതല്‍ മിക്കയിടങ്ങളിലും ഭാഗികമായി മേഘാവൃതമായ ആകാശമായിരുന്നു കാണാനായത്. രാത്രികാലങ്ങളിലെ രാജ്യത്തെ താപനില 13 ഡിഗ്രി സെല്‍ഷ്യസ് വരെ താഴാന്‍ സാധ്യതയുണ്ടെന്നും മുന്നറിയിപ്പില്‍ പറയുന്നു. ഉള്‍പ്രദേശങ്ങളിലും പര്‍വ്വതനിരകളിലും ഇപ്പോള്‍ തന്നെ തണുപ്പ് ഗണ്യമായി വര്‍ധിച്ചിട്ടുണ്ട്. താപനില കുറയുന്ന സാഹചര്യത്തില്‍ പൊതുജനങ്ങള്‍ ആവശ്യമായ മുന്‍ കരുതല്‍ സ്വീകരിക്കണമെന്നും അധികൃതര്‍ ആവശ്യപ്പെട്ടു.

മല കയറുന്നവരും വിനോദസഞ്ചാരികളും കൂടുതല്‍ ജാഗ്രത പാലിക്കണം. ഉള്‍നാടന്‍ പ്രദേശങ്ങളിലും മലയോര മേഖലകളിലും പോകുന്നവര്‍ തണുപ്പിനെ പ്രതിരോധിക്കുന്ന സാമഗ്രികള്‍ കൈവശം സൂക്ഷിക്കണമെന്നും നിര്‍ദേശത്തില്‍ പറയുന്നു. രാവിലെയും വൈകുന്നരവും മൂടല്‍ മഞ്ഞ് ശക്തമാകാന്‍ സാധ്യതയുളളതിനാല്‍ വാഹനമോടിക്കുന്നവര്‍ക്കും പ്രത്യേക ജാഗ്രതാ നിര്‍ദേശം പുറപ്പെടുവിച്ചിട്ടുണ്ട്.

English Summary : Experience the chill of mountainous regions with temperatures between 15°C and 18°C. Expect gentle to moderate winds, occasionally reaching up to 40 km/h