കോഴിക്കോട് ബീച്ചിൽ ഉൾവലിഞ്ഞ കടലിൽ തിരകൾ വീണ്ടും സജീവമായി. രണ്ടാഴ്ചയോളം വലിയ തിരകൾ അപ്രത്യക്ഷമായിരുന്നു. കോഴിക്കോട് കടൽ കാണാനെത്തുന്നവർക്ക് തിരമാലകൾ ഇല്ലാത്ത കടൽ കണ്ടു മടങ്ങേണ്ട സാഹചര്യം ആയിരുന്നു കഴിഞ്ഞ കുറച്ച് ദിവസങ്ങളായി. കടൽകണ്ട് ആസ്വദിക്കാൻ എത്തുന്നവർ തിരമാലകൾ ഇല്ലാത്ത കടൽകണ്ട് നിരാശരായി മടങ്ങുകയായിരുന്നു.

ഒക്ടോബർ 16ന് സമാനമായ സാഹചര്യം ഉണ്ടായിരുന്നു കോഴിക്കോട് ബീച്ചിൽ.
കടല്‍ ഇന്നലെ സാധാരണ നിലയിലേക്ക് തിരികെ വന്നതായി കോഴിക്കോട് നൈനാംവളപ്പ് സ്വദേശി സുബൈര്‍ പറഞ്ഞു. ഇത് താൽക്കാലിക പ്രതിഭാസമാണെന്നും സ്ഥിരമായി നിലനിൽക്കില്ലെന്നും Metbeat Weather oceanographer Dr. സി പി അബ്ദുള്ള പറഞ്ഞു.

ഒക്ടോബർ 16ന് സൗത്ത് ബീച്ചിനുസമീപമാണ് കടൽ ഉൾവലിഞ്ഞത്. ഫ്ളൂയിഡ് മഡ് എന്ന ചെളി അടിയൽ പ്രതിഭാസം ആണെന്നാണ് അന്ന് വിദഗ്ധർ പറഞ്ഞത്. ഇതുമൂലം തിരമാലകൾ വരാതെ 200 മീറ്ററോളം കടൽ ഉള്ളിലേക്ക് വലിഞ്ഞപ്പോൾ ആശങ്ക ഉണ്ടായിരുന്നു . ഒഴുക്കുവ്യത്യാസവും മർദവ്യതിയാനവുംമൂലം കടൽ ഉൾവലിയാം. ചെളി അടിയുന്നതിനുകാരണം കടലിൽ ഉണ്ടാകുന്ന ഒഴുക്കിനെത്തുടർന്ന് അടിത്തട്ടിലെ ചെളി വേർപെട്ട് കരയിലേക്ക് നീങ്ങുന്നതാണ് കാരണം. മുൻപ്‌ സുനാമിയും ഓഖിയും മറ്റുമുണ്ടായപ്പോൾ ഇത്തരം കടൽ ഉൾവലിയൽ സംഭവിച്ചതിനാലാണ് തീരവാസികൾ ഭയപ്പെടാൻ കാരണം.

Metbeat news