ബ്രാം കൊടുങ്കാറ്റ് കരതൊടുമ്പോൾ ശക്തമായ കാറ്റിനും, മഴയ്ക്കും, ഇടിമിന്നലിനും സാധ്യത

ബ്രാം കൊടുങ്കാറ്റ് കരതൊടുമ്പോൾ ശക്തമായ കാറ്റിനും, മഴയ്ക്കും, ഇടിമിന്നലിനും സാധ്യത

അയർലണ്ടിൽ ബ്രാം കൊടുങ്കാറ്റ് കരതൊടുമ്പോൾ ശക്തമായ കാറ്റ് വീശാൻ സാധ്യതയുള്ളതിനാൽ 11 കൗണ്ടികൾക്ക് ഓറഞ്ച് വിൻഡ് അലേർട്ട് നൽകി കാലാവസ്ഥാ വകുപ്പ്. തെക്ക് പടിഞ്ഞാറൻ ദിശയിൽ നിന്ന് ശക്തമായ കാറ്റിനും സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. തീരപ്രദേശങ്ങളിലും ശക്തമായ കാറ്റിന് സാധ്യതയുണ്ട്. ക്ലെയർ, ഡൊണഗൽ, ഗാൽവേ, ലൈട്രിം, ലിമെറിക്ക്, മായോ, സ്ലിഗോ എന്നീ കൗണ്ടികളിൽ നാളെ രാവിലെ 10 മണിക്ക് മുന്നറിയിപ്പ് പ്രാബല്യത്തിൽ വരും, അതേ ദിവസം വൈകുന്നേരം 6 മണിക്ക് അവസാനിക്കും. കോർക്ക്, കെറി, വെക്സ്ഫോർഡ്, വാട്ടർഫോർഡ് എന്നിവിടങ്ങളിൽ രാവിലെ 7 മുതൽ 11 വരെ മുന്നറിയിപ്പ് നിലനിൽക്കും. 

ശക്തമായ മഴയ്ക്കും കാറ്റിനും സാധ്യത

അതേസമയം ഇന്ന് വൈകുന്നേരം ഏഴ് കൗണ്ടികളിൽ സ്റ്റാറ്റസ് യെല്ലോ മഴ മുന്നറിയിപ്പ് പ്രാബല്യത്തിൽ വന്നു. ഇന്ന് രാത്രി 9 മണി മുതൽ നാളെ രാവിലെ 9 മണി വരെ ഇത് സാധുവായിരിക്കും. കാർലോ, കിൽകെന്നി, വെക്സ്ഫോർഡ്, കോർക്ക്, കെറി, ടിപ്പററി, വാട്ടർഫോർഡ് എന്നീ കൗണ്ടികൾക്കാണ് മുന്നറിയിപ്പ്. നാളെ പുലർച്ചെ 3 മണി മുതൽ രാത്രി 9 മണി വരെ രാജ്യം മുഴുവൻ സ്റ്റാറ്റസ് യെല്ലോ വിൻഡ് മുന്നറിയിപ്പ് ഉണ്ടായിരിക്കും. ചിലയിടങ്ങളിൽ ശക്തമായ മഴയുണ്ടാകാം, ഒറ്റപ്പെട്ട ഇടിമിന്നലിനുള്ള സാധ്യതയും ഉണ്ട്. താപനില 8 മുതൽ 12 ഡിഗ്രി വരെ ഉയരും.നാളെയും താപനില കുറയും, താപനില 15 ഡിഗ്രി വരെ ഉയരും.

English Summary : A Status Yellow rain warning is in effect for seven counties this evening. Expect heavy rain and possible thunderstorms tonight through tomorrow morning.