ടിബറ്റില്‍ 7 തീവ്രതയുള്ള ഭൂചലനം: 16 മരണം, 12,489 പേരെ മാറ്റിപാര്‍പ്പിച്ചു

ടിബറ്റില്‍ കഴിഞ്ഞ ദിവസമുണ്ടായ റിക്ടര്‍ സ്‌കെയിയില്‍ 7 തീവ്രത രേഖപ്പെടുത്തിയ ഭൂചലനത്തില്‍ കൊല്ലപ്പെട്ടവരുടെ എണ്ണം 16 ആയി. 76 പേര്‍ക്കു പരുക്കേറ്റു. 12,489 പേരെ മാറ്റിപാര്‍പ്പിച്ചു. വ്യാഴാഴ്ചയാണ് ടിബറ്റില്‍ ശക്തമായ ഭൂചലനമുണ്ടായത്. ഭൂചലനത്തിന്റെ പ്രകമ്പനം ചൈനയിലും അനുഭവപ്പെട്ടിരുന്നു. ടിബറ്റ് മേഖലയില്‍ 330 വീടുകള്‍ തകര്‍ന്നു. നാഗ്ഖു സിറ്റിയില്‍ 10 കി.മി താഴ്ചയിലാണ് പ്രാദേശിക സമയം രാത്രി 10.33 ന് ശക്തമായ ഭൂചലനമുണ്ടായത്.

BREAKING: A magnitude 7.0 EARTHQUAKE struck the Tibet Autonomous Region, leaving at least 16 DEAD, 32 injured, and hundreds of homes COLLAPSED. ⚠️

Local authorities deployed rescue operations in the ground zero area.#Tibet #Earthquake #Breaking #China #Disaster #Rescue… pic.twitter.com/1zD8rGsUFB
— TheRoverReport (@TheRoverReport1) October 22, 2026

A house is on the verge of collapse after a powerful 7.0 magnitude earthquake struck Maru Township in Nagqu Prefecture, Tibet, China pic.twitter.com/7E8I5oiQ6R
— Surajit (@surajit_ghosh2) October 23, 2026

നഖ്ഖു കൗണ്ടിയില്‍ ബാഖനിലാണ് ഇന്നലെ ഭൂചലനം ഉണ്ടായത്. ഇവിടേക്കടുത്ത് 5.8 തീവ്രത വരെയുള്ള തുടര്‍ ചലനങ്ങളും ഉണ്ടായി. 12,489 പേരെ ഭൂചലനത്തെ തുടര്‍ന്ന് മാറ്റിപാര്‍പ്പിച്ചു. അടിയന്തര രക്ഷാദൗത്യത്തിന് ചൈനീസ് സര്‍ക്കാര്‍ 75 ലക്ഷം ഡോളര്‍ (50 ദശലക്ഷം യുവാന്‍) അനുവദിച്ചു. ഇതു കൂടാതെ 30 ദശലക്ഷം യുവാന്‍ റിക്കവറി പ്രവര്‍ത്തനത്തിനും അനുവദിച്ചു. ഭൂചലനത്തെ തുടര്‍ന്ന് ഖ്വിന്‍ഹായ് - ഷിസാങ് റൂട്ടിലെ യാത്രാ ട്രെയിന്‍ സര്‍വിസുകളും ബാധിക്കപ്പെട്ടു. വെള്ളിയാഴ്ച രാവിലെ വേഗത കുറച്ച് ട്രെയിന്‍ സര്‍വിസുകള്‍ പുനരാരംഭിച്ചു.

ടിബറ്റില്‍ 7 തീവ്രതയുള്ള ഭൂചലനം, ചൈനയിലും പ്രകമ്പനം
Strong 7.0-Magnitude Earthquake and Aftershocks Strike Tibet Following August Flood Disaster
https://metbeatnews.com/strong-70-magnitude-earthquake-and-aftershocks-strike-tibet-following-august-flo

1,937 വീടുകള്‍ക്ക് ഇന്നലെയോടെ വൈദ്യുതി വിതരണം പുനഃസ്ഥാപിച്ചു. ആയിരം താല്‍ക്കാലിക വീടുകളും, 3,239 ടെന്റുകളും 2,821 മടക്കാവുന്ന കട്ടിലുകളും മറ്റും പ്രദേശത്ത് വിതരണം ചെയ്തു. സുമുദ്ര നിരപ്പില്‍ നിന്ന് 4,800 മീ്റ്റര്‍ ഉയരത്തിലാണ് ഭൂചലന പ്രഭവ കേന്ദ്രം. അടുത്ത മൂന്നു ദിവസം ഈ മേഖലയില്‍ താപനില മൈനസ് 9 ഡി്ഗ്രിയിലേക്ക് താഴുമെന്ന് കാലാവസ്ഥാ പ്രവചനമുണ്ട്. ഇന്ന് കനത്ത മഞ്ഞു വീഴ്ചയും പ്രവചിക്കപ്പെടുന്നുണ്ട്. രക്ഷാപ്രവര്‍ത്തനം യുദ്ധകാലടിസ്ഥാനത്തില്‍ നടത്താന്‍ ചൈനീസ് പ്രസിഡന്റ് ഷീ ജിന്‍പിങ് ആവശ്യപ്പെട്ടു.

English Summary : A powerful 7.0-magnitude earthquake struck Nagqu City in Tibet at a depth of 10 km, claiming at least 16 lives and injuring 76 others. Over 12,489 residents have been evacuated as more than 330 homes collapsed following intense tremors, which were also felt across parts of China.