മാസപിറവി ദൃശ്യമായില്ല, ഗള്‍ഫ് രാജ്യങ്ങളില്‍ ഈദുൽ ഫിത്വർ വെള്ളിയാഴ്ച

മാസപിറവി ദൃശ്യമായില്ല, സൗദി അറേബ്യയിൽ ചെറിയ പെരുന്നാൾ വെള്ളിയാഴ്ച

ശവ്വാൽ മാസപ്പിറവി ദൃശ്യമാകാത്തതിനെ തുടർന്ന് ഗള്‍ഫ് രാജ്യങ്ങളില്‍ ഇത്തവണത്തെ ചെറിയ പെരുന്നാൾ വെള്ളിയാഴ്ചയായിരിക്കുമെന്ന് ഔദ്യോഗികമായി പ്രഖ്യാപിച്ചു. റമദാന്‍ 30 പൂര്‍ത്തിയാക്കി ഈദുല്‍ ഫിത്വര്‍ ആഘോഷങ്ങളിലേക്ക് കടക്കും. 

സഊദി അറേബ്യ, യു.എ.ഇ, ഖത്തര്‍, ബഹ്‌റൈന്‍, കുവൈത്ത് എന്നീ രാജ്യങ്ങള്‍ വെള്ളിയാഴ്ച ചെറിയ പെരുന്നാള്‍ ആഘോഷിക്കും. ഒമാനിലെ മതകാര്യ മന്ത്രാലയത്തിന്റെ കീഴിലുള്ള മാസപ്പിറവി നിരീക്ഷണ സമിതി വ്യാഴാഴ്ച വൈകിട്ട് യോഗം ചേര്‍ന്ന ശേഷം പെരുന്നാള്‍ തിയതി പ്രഖ്യാപിക്കും.

മാസപ്പിറവി നിരീക്ഷണ സമിതി ഇന്ന് വൈകുന്നേരം ചേർന്ന യോഗത്തിൽ ചന്ദ്രദർശനം സ്ഥിരീകരിക്കാനാകാത്തതിനാലാണ് ഈ തീരുമാനം എടുത്തത്.

ഇതോടെ വിശുദ്ധമായ Ramadan മാസം 30 ദിവസവും പൂർത്തിയാക്കിയ ശേഷമായിരിക്കും പെരുന്നാൾ ആഘോഷം നടക്കുക. ഇസ്‌ലാമിക ഹിജ്റ കലണ്ടർ പ്രകാരം ഓരോ മാസവും പുതിയ ചന്ദ്രദർശനത്തോടെയാണ് ആരംഭിക്കുന്നത്. അതിനാൽ ശവ്വാൽ മാസത്തിന്റെ ആദ്യദിനം സ്ഥിരീകരിക്കാൻ ചന്ദ്രദർശനം നിർണായകമാണ്. ചന്ദ്രൻ ദൃശ്യമാകാത്ത സാഹചര്യത്തിൽ നിലവിലെ മാസം 30 ദിവസം പൂർത്തിയാക്കുന്ന രീതിയാണ് പതിവ്. 

മാർച്ച് 18-ന് ശവ്വാൽ മാസപ്പിറവി ദൃശ്യമാകാൻ സാധ്യത വളരെ കുറവാണെന്ന് വാനനിരീക്ഷകർ ചൂണ്ടിക്കാട്ടിയിരുന്നു. സൂര്യാസ്തമയത്തിന് മുൻപേ തന്നെ ചന്ദ്രൻ അസ്തമിക്കുന്നതിനാൽ ദർശനം പ്രായോഗികമല്ല എന്ന് Metbeat Weather റിപ്പോർട്ട് ചെയ്തിരുന്നു. 

പെരുന്നാളിനോടനുബന്ധിച്ച്  സ്വകാര്യ മേഖലയിലെ ജീവനക്കാർക്ക് നാല് ദിവസത്തെ അവധിയും മുൻകൂട്ടി പ്രഖ്യാപിച്ചിട്ടുണ്ട്. 

ഇതോടെ വിശ്വാസികൾ 30 ദിവസത്തെ നോമ്പ് പൂർത്തിയാക്കി വലിയ ആവേശത്തോടെയും ആത്മീയ സന്തോഷത്തോടെയും പെരുന്നാൾ വരവേൽക്കാൻ ഒരുങ്ങുകയാണ്. 

ഗൾഫ് മലയാളികൾക്ക് കൂടുതൽ വാർത്തകളറിയാൻ ഈ ഗ്രൂപ്പിൽ Join ചെയ്യൂ https://chat.whatsapp.com/CROaUMHnVApDNvtU8V3E96?mode=hqctcla

English summary : Official authorities in Saudi Arabia have announced that Eid-ul-Fitr 2026 will be celebrated on Friday, March 20, as the Shawwal crescent moon was not sighted on Wednesday evening. Consequently, the holy month of Ramadan will span the full 30 days this year.