സഊദി അറേബ്യ, യു.എ.ഇ, ഖത്തര്‍, ബഹ്‌റൈന്‍, കുവൈത്ത് എന്നീ രാജ്യങ്ങള്‍ വെള്ളിയാഴ്ച ചെറിയ പെരുന്നാള്‍ ആഘോഷിക്കും. ഒമാനിലെ മതകാര്യ മന്ത്രാലയത്തിന്റെ കീഴിലുള്ള മാസപ്പിറവി നിരീക്ഷണ സമിതി വ്യാഴാഴ്ച വൈകിട്ട് യോഗം ചേര്‍ന്ന ശേഷം പെരുന്നാള്‍ തിയതി പ്രഖ്യാപിക്കും

പ്രതികൂല കാലാവസ്ഥയെ മുൻകൂട്ടി കണക്കിലെടുത്ത്, പതിവായി തുറസ്സായ മൈതാനങ്ങളിൽ സംഘടിപ്പിക്കുന്ന ഈദ് ഗാഹ് നിസ്‌കാരങ്ങൾ ഇത്തവണ ചില പ്രദേശങ്ങളിൽ ഒഴിവാക്കാൻ തീരുമാനിച്ചു.

ചന്ദ്രപ്പിറവി കാണുന്നതിനെ ആശ്രയിച്ചാണ് ചെറിയ പെരുന്നാൾ ദിനം ഔദ്യോഗികമായി പ്രഖ്യാപിക്കുക. എങ്കിലും നിലവിൽ പ്രഖ്യാപിച്ചിരിക്കുന്ന അവധി ദിവസങ്ങളിൽ മാറ്റമുണ്ടാകില്ലെന്നാണ് ബന്ധപ്പെട്ട വൃത്തങ്ങൾ സൂചിപ്പിക്കുന്നത്.