ഭൂമധ്യരേഖാ പ്രദേശത്ത് ന്യൂനമര്ദം രൂപപ്പെട്ടു, ശക്തിപ്പെടും
കേരളത്തില് ഉള്പ്പെടെ ദക്ഷിണേന്ത്യയില് വരും ദിവസങ്ങളില് മഴക്ക് കാരണമായേക്കാവുന്ന ന്യൂനമര്ദം ഇന്ത്യന് മഹാസമുദ്രത്തിലെ ഭൂമധ്യ രേഖാ പ്രദേശത്ത് രൂപപ്പെട്ടു. ഇന്ന് ഉച്ചയ്ക്ക് രണ്ടരയോടെയാണ് ന്യൂനമര്ദം രൂപപ്പെട്ടതായി കേന്ദ്ര കാലാവസ്ഥാ വകുപ്പ് സ്ഥിരീകരിച്ചത്.
ഈ ന്യൂനമര്ദം തെക്കുപടിഞ്ഞാറന് ബംഗാള് ഉള്ക്കടലിലെത്തിയ ശേഷം കൂടുതല് ശക്തിപ്പെട്ട് വെല് മാര്ക്ഡ് ലോ പ്രഷര് - well maraked low Pressure (ശക്തികൂടിയ ന്യൂനമര്ദം) ആയി മാറും. ഫെബ്രുവരി 18 ഓടെയാണ് ഈ ന്യൂനമര്ദം ബംഗാള് ഉള്ക്കടലിലെത്തുക.
ന്യൂനമര്ദത്തെ തുടര്ന്ന് ഫെബ്രുവരി 21 മുതല് കേരളത്തിലും മഴ സാധ്യതയുണ്ടെന്ന് നേരത്തെ മെറ്റ്ബീറ്റ് വെതര് റിപ്പോര്ട്ട് ചെയ്തിരുന്നു. കേന്ദ്ര കാലാവസ്ഥാ വകുപ്പും ഇന്നത്തെ അപ്ഡേറ്റുകളില് ഈ സൂചന നല്കുന്നുണ്ട്. തമിഴ്നാട്ടിലും കേരളത്തിലും ഫെബ്രുവരി 21 ന് ഇടിയോടു കൂടെയുള്ള മഴ സാധ്യതയാണ് പ്രവചിക്കപ്പെടുന്നത്.
ഈ ന്യൂനമര്ദം കേരളത്തില് മഴ നല്കുന്നതുമായി ബന്ധപ്പെട്ട വിശദാംശങ്ങള് അറിയാന് താഴെ കൊടുത്ത റിപ്പോര്ട്ടു കൂടി വായിക്കാം.
ഫെബ്രുവരി 18 മുതല് 22 വരെ കേരളത്തില് തണുത്ത അന്തരീക്ഷത്തിനും ഈ സിസ്റ്റം കാരണമാകുമെന്നാണ് സൂചന. പ്രത്യേകിച്ച് തെക്കന് കേരളത്തിലാണ്
https://metbeatnews.com/low-pressure-area-expected-tomorrow-potential-flooding-in-sri-lanka-rain-and-cooler-weather-for-kerala
English Summary: Low-Pressure System Forms Near Equator; Rain Likely in South India A new low-pressure system has developed over the equatorial Indian Ocean, which is expected to bring rainfall across South India, including Kerala, in the coming days.