യു.എ.ഇയിൽ അടുത്ത ദിവസങ്ങളിൽ ശക്തമായ മഴക്ക് സാധ്യതയെന്ന് നാഷനൽ സെന്റർ ഓഫ് മീറ്റിയോറോളജി. കിഴക്കൻ മേഖലയിൽ ശക്തമായ മഴക്കും പ്രാദേശിക വെള്ളക്കെട്ടിനും സാധ്യതയുണ്ടെന്നാണ് കാലാവസ്ഥാ പ്രവചനം. ചിലയിടങ്ങളിൽ ഇന്ന് ശക്തമായ മഴ റിപ്പോർട്ട് ചെയ്തു. റാസ് അൽ ഖൈമയിലാണ് മഴ ലഭിച്ചത്. അൽവതൻ നഗരത്തിൽ മഴക്കൊപ്പം ആലിപ്പഴ വർഷവുമുണ്ടായി.
വിവിധ മേഖലകളിൽ ഓറഞ്ച്, യെല്ലോ അലർട്ടുകൾ പുറപ്പെടുവിച്ചിട്ടുണ്ട്. യു.എ.ഇയുടെ കിഴക്കൻ മേഖലയിൽ രൂപപ്പെടുന്ന സംവഹന മേഘങ്ങൾ തെക്കൻ ദിശയിൽ സഞ്ചരിക്കുകയായിരുന്നു. അടുത്ത നാലു ദിവസവും യു.എ.ഇയിൽ ഒറ്റപ്പെട്ട മഴ തുടരും. അതേസമയം ഇന്ന് അബൂദബിയിൽ 48 ഡിഗ്രി ചൂട് രേഖപ്പെടുത്തി. ദുബൈയിൽ 46 ഡിഗ്രിയും രേഖപ്പെടുത്തി.
UAE യിൽ ഒറ്റപ്പെട്ട മഴ സാധ്യത
