യുഎഇയിൽ കനത്ത മൂടൽമഞ്ഞ്: റെഡ്, യെല്ലോ അലർട്ടുകൾ പ്രഖ്യാപിച്ചു

യുഎഇയുടെ വിവിധ ഭാഗങ്ങളിൽ, പ്രത്യേകിച്ച് അബുദാബിയിലും പരിസര പ്രദേശങ്ങളിലും അനുഭവപ്പെടുന്ന കനത്ത മൂടൽമഞ്ഞിനെത്തുടർന്ന് അധികൃതർ ജാഗ്രതാ നിർദ്ദേശം നൽകി.
​
നാഷണൽ സെന്റർ ഓഫ് മെറ്റീരിയോളജി (NCM) രാജ്യത്തിന്റെ പല ഭാഗങ്ങളിലും റെഡ്, യെല്ലോ അലേർട്ടുകൾ പുറപ്പെടുവിച്ചു.
​കനത്ത മൂടൽമഞ്ഞ് കാരണം റോഡുകളിൽ ദൂരക്കാഴ്ച (Visibility) 1,000 മീറ്ററിൽ താഴെയായി കുറഞ്ഞിട്ടുണ്ട്. ചിലയിടങ്ങളിൽ ഇത് അതിലും താഴെയാകാൻ സാധ്യതയുണ്ട്.

വേഗപരിധി കുറച്ചു

 സുരക്ഷ മുൻനിർത്തി അബുദാബിയിലെ പ്രധാന റോഡുകളിൽ വേഗപരിധി മണിക്കൂറിൽ 80 കിലോമീറ്ററായി കുറച്ചിട്ടുണ്ട്. റോഡുകളിലെ സ്മാർട്ട് ബോർഡുകളിൽ കാണിക്കുന്ന വേഗപരിധി കൃത്യമായി പാലിക്കാൻ അബുദാബി പോലീസ് നിർദ്ദേശിച്ചു.

വാഹനമോടിക്കുന്നവർ കൃത്യമായ അകലം പാലിക്കണമെന്നും, ഹസാർഡ് ലൈറ്റുകൾ ആവശ്യമില്ലാതെ ഉപയോഗിക്കരുതെന്നും നിർദ്ദേശമുണ്ട്. മൂടൽമഞ്ഞ് മാറുന്നത് വരെ അതീവ ജാഗ്രത പുലർത്തണം.
​കാലാവസ്ഥാ മാറ്റങ്ങൾക്കനുസരിച്ച് റോഡിലെ വേഗപരിധി മാറ്റാൻ സാധ്യതയുള്ളതിനാൽ യാത്ര പുറപ്പെടുന്നതിന് മുൻപ് ഔദ്യോഗിക അറിയിപ്പുകൾ ശ്രദ്ധിക്കുന്നത് നന്നായിരിക്കും.

Metbeat news