ഡിറ്റ് വാ ചുഴലികാറ്റ്: തമിഴ്നാട്ടിൽ 3 മരണം, കൃഷി നശിച്ചു, നൂറിലേറെ കന്നുകാലികൾ ചത്തു
ഡിറ്റ് വാ ചുഴലിക്കാറ്റിന്റെ പശ്ചാത്തലത്തിൽ തമിഴ്നാട്ടിൽ കനത്ത ജാഗ്രത. വിവിധ ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്. ചുഴലിക്കാറ്റിൽ തമിഴ്നാട്ടിൽ മാത്രം ഇതുവരെ മൂന്ന് പേർ മരിച്ചു. തമിഴ്നാട് സർക്കാറാണ് ഇക്കാര്യം അറിയിച്ചത്. മതിലിടിഞ്ഞ് തൂത്തുകുടി, തഞ്ചാവൂര്, മയിലാടുതുറൈ എന്നിവിടങ്ങളിലാണ് മരണം റിപ്പോര്ട്ട് ചെയ്തതെന്ന് റവന്യൂ മന്ത്രി കെ.കെ.എസ്.എസ്.ആര് രാമചന്ദ്രന് പറഞ്ഞു. 234 വീടുകള് തകര്ന്നു. 149 കന്നുകാലികള് ചത്തു. 56,000 ഹെക്ടര് കൃഷിയിടങ്ങള് നശിച്ചു. അതേസമയം തീരദേശ ജില്ലകളിൽ അതിതീവ്ര മഴ മുന്നറിയിപ്പുണ്ട്.
ശ്രീലങ്കയിൽ മരണം 334 ആയി
അതേസമയം, ബംഗാൾ ഉൾക്കടലിൽ ഡിറ്റ് വാ ചുഴലിക്കാറ്റ് ദുർബലമാകുന്നതായാണ് റിപ്പോർട്ട്. ചുഴലിക്കാറ്റ് കനത്ത നാശം വിതച്ച ശ്രീലങ്കയിൽ മരണം 334 ആയി. 370 പേരെ കാണാതായി. രാജ്യത്ത് 12 ലക്ഷം പേരെ ദുരിതം ബാധിച്ചതായാണ് കണക്കുകൾ. ശ്രീലങ്കയിൽ സഹായഹസ്തവുമായി ഇന്ത്യയുടെ ‘ഓപ്പറേഷൻ സാഗർ ബന്ധു’ എന്ന ദൗത്യം തുടരുകയാണ്.മണ്ണിടിച്ചിലിനെത്തുടർന്ന് കുടുങ്ങിപ്പോയ പ്രദേശങ്ങളിൽനിന്ന് ഇന്ത്യക്കാർ ഉൾപ്പെടെയുള്ള ആളുകളെ പുറത്തെത്തിക്കാൻ ഇന്ത്യയുടെ വ്യോമസേന ഹെലികോപ്റ്ററുകളും സജീവമായുണ്ട്. കോട്മലെയിൽ കുടുങ്ങിയ ഇന്ത്യക്കാർ ഉൾപ്പെടെ 24 പേരെ വ്യോമമാർഗം കൊളംബോയിലേക്കു മാറ്റിയതായി ഇന്ത്യൻ വ്യോമസേന സമൂഹമാധ്യമത്തിൽ അറിയിച്ചു. ഞായറാഴ്ചവരെ ശ്രീലങ്കയിൽ 212 പേർക്ക് ജീവൻ നഷ്ടമായി. 218 പേരെ കാണാതായി. 9,98,918 പേരെയാണ് കൊടുങ്കാറ്റും പേമാരിയും ബാധിച്ചത്.
English Summary: Reports indicate that the Dithwa cyclone in the Bay of Bengal is weakening. Sri Lanka faces devastation with 334 deaths and 370 missing.