Al ഇന്ത്യക്ക് ഒരു 'വലിയ സമീകരണ ശക്തിയായി മാറും, എല്ലാവിധ സേവനങ്ങളും സൗജന്യമാകുമെന്ന് വിനോദ് ഖോസ്ല
ആർട്ടിഫിഷ്യൽ ഇൻ്റലിജൻസ് (AI) ഇന്ത്യക്ക് ഒരു 'വലിയ സമീകരണ ശക്തി' ആയി മാറുമെന്ന് പ്രമുഖ സാങ്കേതിക നിക്ഷേപകൻ വിനോദ് ഖോസ്ല അഭിപ്രായപ്പെട്ടു.
AI "സങ്കൽപ്പിക്കാൻ കഴിയുന്നതിൽ വെച്ച് ഏറ്റവും വലിയ അവസരം" ആണെന്ന് സാൻ ഫ്രാൻസിസ്കോയിൽ നടന്ന ഇന്ത്യയുടെ AI ഇംപാക്ട് സമ്മിറ്റ് പ്രീ-കോൺഫറൻസിൽ സംസാരിക്കവേ അദ്ദേഹം ചൂണ്ടികാട്ടി.
Al ഇന്ത്യക്ക് ഏറെ ഗുണം ചെയ്യും
അടുത്ത 15 വർഷത്തിനുള്ളിൽ വൈദ്യം, നിയമം, വിദ്യാഭ്യാസം തുടങ്ങിയ എല്ലാ മേഖലകളിലെയും വിദഗ്ദ്ധ സേവനങ്ങൾ സൗജന്യമാകും.
അതേ സമയം AI ഉപയോഗിക്കാൻ ഭാഷാപരമായ കഴിവുകൾ മാത്രം മതിയാകും എന്നതിനാൽ, വിദ്യാഭ്യാസം ലഭിക്കാത്ത സാധാരണക്കാർക്ക് ഇത് വലിയ സ്വാധീനം ചെലുത്തും.
2030-ഓടെ ഇന്ത്യയിലെ എല്ലാ കുട്ടികൾക്കും കുറഞ്ഞ ചെലവിൽ വ്യക്തിഗത ട്യൂട്ടർമാരെ ലഭിക്കുമെന്നും, 24 മണിക്കൂറും ഡോക്ടർമാരുടെ സേവനം വീടുകളിൽ ലഭ്യമാകുമെന്നും അദ്ദേഹം പ്രവചിച്ചു.
ഭീഷണിയും പ്രതീക്ഷിക്കാം
ശരിയായ നയങ്ങൾ രൂപപ്പെടുത്തിയില്ലെങ്കിൽ, AI കാരണം ഇന്ത്യയിലെ ബി.പി.ഒ., ഐ.ടി. സേവന മേഖലകൾക്ക് ഹ്രസ്വകാലത്തേക്ക് ഭീഷണിയുണ്ടാകുമെന്നും ഖോസ്ല മുന്നറിയിപ്പ് നൽകി.
English Summary : Discover how AI will revolutionize access to expert services in education, law, and healthcare, making them free and available to all by 2030.