വായുമലിനീകരണം ജനങ്ങളെ രോഗികളാക്കുന്നു, ‘കാലാവസ്ഥ ആസ്വദിക്കൂ’ മാസ്‌ക് കെട്ടി ഡൽഹിയിൽ പ്രതിഷേധം

വായുമലിനീകരണം ജനങ്ങളെ രോഗികളാക്കുന്നു, ‘കാലാവസ്ഥ ആസ്വദിക്കൂ’ മാസ്‌ക് കെട്ടി ഡൽഹിയിൽ പ്രതിഷേധം

ഡൽഹിയിൽ വായുമലിനീകരണ പ്രശ്‌നം ഇതുവരെ കെട്ടടങ്ങിയിട്ടില്ല. വേണ്ട രീതിയിലുള്ള ചർച്ചകൾ നടക്കാത്തതും നടപടികൾ സ്വീകരിക്കാത്തതുമാണ് പ്രശ്നങ്ങൾ വഷളാകാൻ കാരണം. ഇപ്പോഴും ഡൽഹിയിലെ തെരുവോരങ്ങളിലും മറ്റും പ്രതിഷേധങ്ങൾ നടന്നു കൊണ്ടിരിക്കുകയാണ്. 

മാസ്‌ക് അണിഞ്ഞ് പ്രതിഷേധം

വായുമലിനീകരണം ചർച്ച ചെയ്യണമെന്ന് ആവശ്യപ്പെട്ട് പാർലമെന്റിനു മുന്നിൽ മാസ്ക് അണിഞ്ഞ് പ്രതിപക്ഷ എംപിമാർ പ്രതിഷേധം നടത്തിയത് ശ്രദ്ധേയമായ്. വായു മലിനീകരണം ചർച്ച ചെയ്യണമെന്ന് പ്രതിപക്ഷം പലതവണ ആവശ്യപ്പെട്ടെങ്കിലും സർക്കാർ വഴങ്ങിയിരുന്നില്ല. ഇന്നലെ അടിയന്തര പ്രമേയ നോട്ടിസ് സ്പീക്കർ തള്ളിയിരുന്നു. തുടർന്ന് കാലാവസ്ഥ ആസ്വദിക്കൂ’ എന്ന പരിഹാസരൂപേണയുള്ള ബാനർ ഉയർത്തി പ്രതിഷേധിക്കുകയായിരുന്നു. മല്ലികാർ‌ജുൻ ഖർഗെ, സോണിയ ഗാന്ധി, പ്രിയങ്ക ഗാന്ധി തുടങ്ങിയവരാണ് പ്രതിഷേധത്തിന് നേതൃത്വം നൽകുന്നത്. 

വിഷവായു ശ്വസിക്കല്ലേ, പഠനറിപ്പോർട്ട് പുറത്ത്

അതേസമയം ഡൽഹിയിലെ വായു മലിനീകരണതോത് അപകടകരമായ നിലയിൽ ഇപ്പോഴും തുടരുകയാണ്. വിഷവായു പ്രതിസന്ധി വർധിച്ചു വരുന്ന സാ​ഹചര്യത്തിൽ ഐസിഎംആറിന്റെ പഠന റിപ്പോർട്ട് പുറത്തു വന്നിരിക്കുകയാണ്. ഇന്ത്യൻ കൗൺസിൽ ഓഫ് മെഡിക്കൽ റിസർച്ച് അഞ്ച് സ്ഥലങ്ങളിലായി നടത്തിയ മൾട്ടി സിറ്റി പഠനത്തിൽ മലിനീകരണ തോതിലുള്ള വർദ്ധനവ് വർദ്ധനവ് ശ്വാസകോശ രോ​ഗവുമായി എത്തുന്ന രോ​ഗികളുടെ വർദ്ധനവുമായി ബന്ധപ്പെട്ടിരിക്കുന്നതായി കണ്ടെത്തി. ശ്വാസകോശ സംബന്ധമായ അസുഖങ്ങൾക്കും അനുബന്ധ രോഗങ്ങൾക്കും കാരണം വായു മലിനീകരണം ആണെന്ന് സർക്കാർ ശരിവെക്കുന്നതായാണ് റിപ്പോർട്ടിൽ പറയുന്നത്. ഐസിഎംആർ നടത്തിയ പഠനത്തിന്റെ അടിസ്ഥാനത്തിൽ 33,000 ത്തിലധികം രോഗികളിൽ വായുവിന്റെ ഗുണനിലവാരവും ശ്വസന രോഗാവസ്ഥയും തമ്മിൽ വ്യക്തമായ ബന്ധം കണ്ടെത്തി. തലസ്ഥാനത്തെ ദീർഘകാല വായു മലിനീകരണ പ്രതിസന്ധി ജനജീവിതത്തെ എത്രത്തോളം ബാധിക്കുന്നുവെന്ന് റിപ്പോർട്ട് ചൂണ്ടികാട്ടുന്നു. 

English Summary : Delhi's air pollution crisis remains alarming. A recent ICMR study links rising pollution levels to increased respiratory diseases. Discover the findings now.