ന്യൂനമർദ്ദം ചുഴലികാറ്റായി മാറുമെന്ന മുന്നറിയിപ്പ് പിൻവലിച്ചു, മലേഷ്യയിലേക്ക് പോകുന്നവർ ശ്രദ്ധിക്കുക

ന്യൂനമർദ്ദം ചുഴലികാറ്റായി മാറുമെന്ന മുന്നറിയിപ്പ് പിൻവലിച്ചു, മലേഷ്യയിലേക്ക് പോകുന്നവർ ശ്രദ്ധിക്കുക

മലേഷ്യയ്ക്കും മലാക്ക കടലിടുക്കിനും മുകളിൽ സ്ഥിതി ചെയ്തിരുന്ന ന്യൂനമർദം തീവ്രന്യൂനമർദമായി ശക്തി പ്രാപിച്ചിരിക്കുകയാണ്. അടുത്ത 48 മണിക്കൂറിനുള്ളിൽ പടിഞ്ഞാറ് - വടക്കുപടിഞ്ഞാറ് ദിശയിൽ സഞ്ചരിച്ച് കൂടുതൽ ശക്തി പ്രാപിക്കാൻ സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു. 

വിനോദസഞ്ചാരികൾ കൂടുതൽ ജാഗ്രത പാലിക്കുക

മലേഷ്യയ്ക്ക് വിനോദയാത്ര പോകുന്നവരോ അല്ലാത്തവരോ കൂടുതൽ ജാഗ്രത പാലിക്കണമെന്നും കാലാവസ്ഥാ വകുപ്പ് മുന്നറിയിപ്പ് നൽകി. അടുത്ത 48 മണിക്കൂറിനുള്ളിൽ പടിഞ്ഞാറ് - വടക്കുപടിഞ്ഞാറ് ദിശയിൽ സഞ്ചരിച്ച് ന്യൂനമർദ്ദം കൂടുതൽ ശക്തി പ്രാപിക്കാൻ സാധ്യത ഏറെയാണ്. കഴിഞ്ഞ രണ്ട് ദിവസമായി കേന്ദ്ര കാലാവസ്ഥ വകുപ്പ് ഇത് ചുഴലിക്കാറ്റായി മാറുമെന്ന് നൽകിയ മുന്നറിയിപ്പ് പിൻവലിച്ചിരിക്കുകയാണിപ്പോൾ.

അതേസമയം കന്യാകുമാരി കടലിന് സമീപത്തുമായി തുടരുന്ന ചക്രവാതച്ചുഴി ന്യൂനമർദമായി ശക്തി പ്രാപിച്ചു. അടുത്ത 48 മണിക്കൂറിനുള്ളിൽ ഇത് കൂടുതൽ ശക്തിപ്രാപിച്ച്  തീവ്രന്യൂനമർദമായി ശക്തിപ്രാപിക്കാനും സാധ്യതയുണ്ട്. മത്സ്യത്തൊഴിലാളികൾ ഈ ഭാഗത്തേക്ക് മത്സ്യബന്ധനത്തിന് പോകാൻ പാടുള്ളതല്ലെന്ന് കേന്ദ്ര കാലാവസ്ഥാ വകുപ്പ് കർശനമായി നിർദ്ദേശിച്ചിരിക്കുകയാണ്. 

ജാഗ്രതാ നിർദ്ദേശം പാലിക്കുക

ഇന്ന് മാലിദ്വീപ് പ്രദേശം, കന്യാകുമാരി പ്രദേശം, ഗൾഫ് ഓഫ് മാന്നാർ, തെക്കൻ തമിഴ്നാട് തീരം അതിനോട് ചേർന്ന വടക്കൻ തമിഴ്നാട് തീരം, ശ്രീലങ്കൻ തീരം, ആൻഡമാൻ കടൽ, തെക്കു കിഴക്കൻ ബംഗാൾ ഉൾക്കടൽ, തെക്കു പടിഞ്ഞാറൻ ബംഗാൾ ഉൾക്കടൽ എന്നിവിടങ്ങളിൽ മണിക്കൂറിൽ  35 മുതൽ 45 കിലോമീറ്റർ വരെയും ചില സമയം 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.

English Summary: Travelers to Malaysia are urged to exercise caution as the weather department warns of a strengthening low-pressure system in the coming 48 hours.