UK Weather Today 08/02/24: ഇന്നും നാളെയും കനത്ത മഞ്ഞുവീഴ്ച; താപനില -2C വരെയാകും
ബ്രിട്ടനിലും അയർലൻഡിലും ഇന്നും നാളെയും കനത്ത മഞ്ഞു വീഴ്ച സാധ്യത. ചില പ്രദേശങ്ങളിൽ പരമാവധി 20 സെ. മി. വരെ മഞ്ഞുവീഴ്ചയുണ്ടാകും. താപനില -2C വരെ താഴുകയും ചെയ്യും. വടക്കൻ അയർലൻഡിൽ വ്യാഴാഴ്ചയും വെള്ളിയാഴ്ച രാവിലെയും മഞ്ഞുവീഴ്ച ചില തടസ്സങ്ങൾ സൃഷ്ടിക്കുമെന്ന് ബ്രിട്ടീഷ് കാലാവസ്ഥ ഏജൻസിയായ യു.കെ മെറ്റ് ഓഫീസ് പറഞ്ഞു.
വെയിൽസിൻ്റെയും വടക്കൻ, മധ്യ ഇംഗ്ലണ്ടിൻ്റെയും ഭൂരിഭാഗവും മഞ്ഞുവീഴ്ച മുന്നറിയിപ്പ് പുറപ്പെടുവിച്ചിട്ടുണ്ട്. മുന്നറിയിപ്പ് വ്യാഴാഴ്ച പുലർച്ചെ 3 മുതൽ വെള്ളിയാഴ്ച പുലർച്ചെ 3 വരെ പ്രാബല്യത്തിൽ ഉണ്ടാകും.
ബുധനാഴ്ച രാത്രി മൺസ്റ്റർ, കൊണാച്ച്, ലെയിൻസ്റ്റർ എന്നിവിടങ്ങളിലെ ഉയർന്ന പ്രദേശങ്ങളിൽ മഞ്ഞുവീഴ്ച റിപ്പോർട്ട് ചെയ്തിരുന്നു.
കനത്ത മഞ്ഞുവീഴ്ചയുണ്ടാകാൻ സാധ്യതയുള്ളതിനാൽ രാജ്യത്തെ മിക്ക കൗണ്ടികൾക്കും കാലാവസ്ഥാ മുന്നറിയിപ്പുകൾ നൽകി. ക്ലെയർ, ടിപ്പററി, ഗാൽവേ, ലാവോയിസ്, ഓഫാലി, വെസ്റ്റ്മീത്ത്, വിക്ലോ എന്നിവിടങ്ങളിൽ യെല്ലോ അലർട്ട് നൽകിയിട്ടുണ്ട്.
കാവൻ, ഡൊണെഗൽ, മൊനഗാൻ, ലെട്രിം, മയോ, റോസ്‌കോമൺ, സ്ലിഗോ, ലോംഗ്‌ഫോർഡ് എന്നിവിടങ്ങളിൽ മറ്റൊരു സ്റ്റാറ്റസ് യെല്ലോ സ്നോ-ഐസ് മുന്നറിയിപ്പ് നൽകിയിട്ടുണ്ട്. പുലർച്ചെ 5 മണിക്ക് ആരംഭിച്ച മുന്നറിയിപ്പ് നാളെ രാത്രി 8 മണി വരെ നിലനിൽക്കും.
കാർലോ, ഡബ്ലിൻ, കിൽഡെയർ, ലൗത്ത്, മീത്ത്, വെക്സ്ഫോർഡ്, വിക്ലോ എന്നിവിടങ്ങളിൽ സ്റ്റാറ്റസ് യെല്ലോ മഴ മുന്നറിയിപ്പും നൽകിയിട്ടുണ്ട്. അയർലൻഡിലെ ചില പ്രദേശങ്ങളിൽ കനത്ത മഴയെ തുടർന്ന് പ്രളയ മുന്നറിയിപ്പും നൽകി.
പ്രാദേശികമായ വെള്ളപ്പൊക്കത്തിന് സാധ്യതയുണ്ടെന്ന് Met Éireann മുന്നറിയിപ്പ് നൽകി. ഇന്ന് രാത്രി താപനില -2 ഡിഗ്രി വരെ താഴും. നാളെ ഉയർന്ന താപനില 2 മുതൽ 6 ഡിഗ്രി വരെ ആയിരിക്കും. നാളെ രാത്രി അൾസ്റ്ററിലുടനീളം മഴയും മഞ്ഞുവീഴ്ചയും തുടരും. താപനില 0 ഡിഗ്രി വരെ താഴുമെന്നാണ് പ്രവചനം.
