യു.എ.ഇയിൽ ഏതാനും ദിവസമായി തുടരുന്ന മണൽക്കാറ്റ് ദുബൈ വിമാനത്താവളത്തിന്റെ പ്രവർത്തനത്തെ ബാധിച്ചിട്ടില്ലെന്ന് വിമാനത്താവള അധികൃതർ അറിയിച്ചു. ചൊവ്വാഴ്ചയാണ് രാജ്യത്ത് ശക്തമായ മണൽക്കാറ്റുണ്ടായത്. ദുബൈ, അബൂദബി മേഖലകളിൽ ചില ഭാഗത്ത് ദൃശ്യപരത (visibility) 500 മീറ്ററായി വരെ കുറഞ്ഞിരുന്നു. ദുബൈ അന്താരാഷ്ട്ര വിമാനത്താവളം (DXB) ദുബൈ വേൾഡ് സെൻട്രൽ (DWC) എന്നിവിടങ്ങളിലെ സർവിസുകളെ ബാധിച്ചില്ലെന്ന് ദുബൈ വിമാനത്താവള വക്താവ് പറഞ്ഞു.
യു.എ.ഇ കാലാവസ്ഥാ വകുപ്പ് (NCM) ന്റെ പ്രവചന പ്രകാരം ഇന്നും ചൂടുള്ള അന്തരീക്ഷസ്ഥിതി തുടരും. ഒപ്പം ചൂടുമുണ്ടാകും. തിരശ്ചീന പൊടിക്കാറ്റും തുടരും. കഴിഞ്ഞ ദിവസത്തെ ശക്തമായ പൊടിക്കാറ്റ് കുവൈത്ത് വിമാനത്താവളത്തിലെ സർവിസുകളെ ബാധിച്ചിരുന്നു. ഇതുമൂലം നിരവധി വിമാനങ്ങൾ വൈകിയാണ് സർവിസ് നടത്തിയത്. തിങ്കളാഴ്ച കാഴ്ചാപരിധി കുറഞ്ഞതിനെ തുടർന്ന് കുവൈത്ത് വിമാനത്താവളവും കുവൈത്ത് വ്യോമപരിധിയും അടച്ചിട്ടിരുന്നു.
ദുബൈ വിമാനത്താവളത്തിലൂടെ പ്രതിവർഷം 29.1 ദശലക്ഷം യാത്രക്കാരാണ് യാത്ര ചെയ്യുന്നത്. ലോകത്തെ തിരക്കേറിയ വിമാനത്താവളങ്ങളിലൊന്നാണിതെന്ന് ദുബൈ വിമാനത്താവളം ഡെപ്യൂട്ടി സി.ഇ.ഒ ജമാൽ അൽ ഹയ് പറഞ്ഞു.

Tags: Dubai Air traffic , Dust storm in Dubai , UAE Weather Alert , ദുബൈ കാലാവസ്ഥ , ദുബൈ വിമാന സർവീസ് , യു.എ.ഇ പൊടിക്കാറ്റ്
Related Posts
Global, Weather News - 3 months ago
സിത്രാങ് ദുർബലമായി: ബംഗ്ലാദേശിൽ 16 മരണം
Gulf, Weather News - 2 months ago
LEAVE A COMMENT