Menu

Earthqake

സുള്ള്യയിൽ ഭൂചലനം : കാസർകോട്ടും അനുഭവപ്പെട്ടു

ദക്ഷിണ കന്നഡയിലെ സുള്ള്യയിൽ ഇന്ന് രാവിലെ ഉണ്ടായ ഭൂചലനം കാസർകോട്ടും അനുഭവപ്പെട്ടു. സുള്ള്യയിൽ നിന്ന് തെക്കു കിഴക്ക് 9.6 കിലോമീറ്റർ അകലെയാണ് ഭൂചലനത്തിന്റെ പ്രഭവ കേന്ദ്രം എന്ന് ജർമൻ ആസ്ഥാനമായി പ്രവർത്തിക്കുന്ന ഭൂകമ്പ നിരീക്ഷകർ അറിയിച്ചു. രാവിലെ 7:45നാണ് 3.5 തീവ്രത രേഖപ്പെടുത്തിയ ഭൂചലനം അനുഭവപ്പെട്ടത്. അഞ്ച് കിലോമീറ്റർ താഴ്ചയിലാണ് ഭൂചലനം ഉണ്ടായതെന്നാണ് ആണ് നിരീക്ഷണം.
കാസർകോടും നേരിയ തോതിൽ ചലനം അനുഭവപ്പെട്ടു. പാണത്തൂർ, കല്ലെപ്പള്ളി, പനത്തടി, റാണിപുരം തുടങ്ങിയ സ്ഥലങ്ങളിലാണ് നേരിയ ഭൂചലനം അനുഭവപ്പെട്ടത്. രാവിലെ 7.45 നാണ് ശബ്ദത്തോടെ ചെറിയ പ്രകമ്പനം അനുഭവപ്പെട്ടത്.

ഇറാനിൽ ഭൂചലനം: ഗൾഫിലും പ്രകമ്പനം

തെക്കൻ ഇറാനിലെ ഹോർമോസ്ഗൻ പ്രവിശ്യയിൽ ഇന്ന് രാവിലെ പ്രാദേശിക സമയം ഒമ്പതുമണിയോടെയുണ്ടായ ഭൂചലനം ഗൾഫ് മേഖലയിലും അനുഭവപ്പെട്ടു. 5.7 തീവ്രതയിൽ ആണ് ഇറാനിൽ ഭൂചലനം ഉണ്ടായത്. ബഹറിൻ, യു.എ.ഇ, കുവൈത്ത് എന്നിവിടങ്ങളിലും ഭൂചലനത്തിന്റെ പ്രകമ്പനം അനുഭവപ്പെട്ടു. യു.എ.ഇയിൽ പ്രാദേശിക സമയം രാവിലെ 7.37 ന് ഏഴ് സെക്കൻഡ് ഓളം നീണ്ടുനിന്ന ഭൂചലനം ഉണ്ടായി എന്ന് പ്രദേശവാസികൾ പറഞ്ഞു. ഭൗമോപരിതലത്തിൽ നിന്ന് 8 കിലോമീറ്റർ താഴ്ചയിൽ തെക്കൻ ഇറാനിലാണ് പ്രഭവകേന്ദ്രം എന്ന് യൂറോപ്യൻ മെഡിറ്ററേനിയൻ സീസ്മോളജിക്കൽ സെൻറർ അറിയിച്ചു. യു.എ.ഇ നാഷണൽ സെൻറർ മീറ്റിയറോളജി യുടെ ( NCM) റിപ്പോർട്ട് പ്രകാരം ജലത്തിൻറെ തീവ്രത 6 ആണ് . യു.എസ് ജിയോളജിക്കൽ സർവേയുടെ റിപ്പോർട്ട് പ്രകാരം 5.6 തീവ്രതയാണ് രേഖപ്പെടുത്തിയത്. ഹോർമോസ്ഗൻ പ്രവിശ്യയിലെ ചാരകിൽ നിന്ന് 2 കി.മി അകലെയാണ് പ്രഭവ കേന്ദ്രം. നശനഷ്ടങ്ങൾ റിപ്പോർട്ട് ചെയ്തിട്ടില്ല. കഴിഞ്ഞ ദിവസം ഈ മേഖലയോട് ചേർന്നുള്ള അഫ്ഗാനിസ്ഥാനിലുണ്ടായ ഭൂചലനത്തിൽ 1000 ത്തിലധികം പേർ മരിച്ചിരുന്നു

കുവൈത്തിലും UAE യിലും ഭൂചലനം; സൗദിയിലും പ്രകമ്പനം

കുവൈത്തിൽ ഭൂചലനം. അൽ അഹ്മദിയിൽ നിന്ന് 24 കിമി അകലെ തെക്ക് പടിഞ്ഞാറ് ദിശയിലായാണ് ഭൂചലനം ഉണ്ടായത്. റിക്ടർ സ്‌കെയിലിൽ 4.5 രേഖപ്പെടുത്തിയ ചലനം കുറച്ച് മിനിറ്റുകളോളം അനുഭവപ്പെട്ടുവെന്ന് ജർമൻ റിസർച്ച് സെന്റർ ഫോർ ജിയോസയൻസസ് റിപ്പോർട്ട് ചെയ്തു. ( earthquake in kuwait )

ഇന്ന് പുലർച്ചെ 4.28ന് (പ്രാദേശിക സമയം) ആയിരുന്നു ഭൂകമ്പം. അൽ അഹ്മദിയാണ് പ്രഭവകേന്ദ്രം. നേരിയ ഭൂചലനമായിരുന്നതുകൊണ്ട് തന്നെ പ്രദേശവാസികൾക്ക് ചെറിയ പ്രകമ്പനങ്ങൾ അനുഭവപ്പെട്ടു. എന്നാൽ നാശനഷ്ടങ്ങളൊന്നും റിപ്പോർട്ട് ചെയ്തിട്ടില്ല.
ഭൂചലനം UAE യിലും 5.5 തീവ്രതയിൽ റിപ്പോർട്ട് ചെയ്തു വെന്ന് UAE നാഷനൽ സെന്റർ ഫോർ മീറ്റിയോ റോളജി അറിയിച്ചു. സൗദിയിലും ഭൂചലനം ഉണ്ടായെന്ന് യു എസ് ജിയോളജിക്കൽ സർവേ അറിയിച്ചു.

ഗുജറാത്തിൽ രണ്ടിടത്ത് ഭൂചലനം

ഗുജറാത്തിലെ ഗിര്‍ സോംനാഥില്‍ രണ്ടിടങ്ങളില്‍ ഭൂചലനം. ഇന്ന് രാവിലെയാണ് റിക്ടര്‍ സ്‌കെയിലില്‍ നാലും 3.2 ഉം രേഖപ്പെടുത്തിയ ഭൂചലനമുണ്ടായത്. വെരാവലില്‍ നിന്ന് 25 കി.മി അകലെയുള്ള തലാല ഗ്രാമത്തിലാണ് പ്രഭവകേന്ദ്രം. ഭൂചലനത്തെ തുടര്‍ന്ന് ജനങ്ങള്‍ പരിഭ്രാന്തരായി വീടുകളില്‍ നിന്ന് ചിതറിയോടി. നാശനഷ്ടമോ ആളപായമോ റിപ്പോര്‍ട്ട് ചെയ്യപ്പെട്ടിട്ടില്ല. ആദ്യ ഭൂചലനം രാവിലെ 6.58 ന് ആയിരുന്നു. ഇതിന് റിക്ടര്‍ സ്‌കെയിലില്‍ 4 തീവ്രത രേഖപ്പെടുത്തി. തലാല ഗ്രാമത്തിന്റെ വടക്ക് വടക്കുകിഴക്ക് 13 കി.മി അകലൊണ് പ്രഭവകേന്ദ്രം. രണ്ടാമത്തെ ഭൂചലനം 3.2 തീവ്രതയിലാണുണ്ടായത്. തലാലയ്ക്കു വടക്കു വടക്കുകിഴക്ക് ഒന്‍പത് കിലോമീറ്റര്‍ അകലെ രാവിലെ 7.04 നാണ് ഇത് റിപ്പോര്‍ട്ട് ചെയ്യപ്പെട്ടത്. ഇരു ഭൂചലനങ്ങളും ഗാന്ധിനഗറിലെ സീസ്‌മോളജിക്കല്‍ റിസര്‍ച്ചില്‍ രേഖപ്പെടുത്തി. ഒരു മാസത്തിനിടെ ഇവിടെ ഉണ്ടാകുന്ന അഞ്ചാമത്തെ ഭൂചലനമാണിത്