കേരളത്തിൽ കാലവർഷക്കാറ്റ് (South West Monsoon Wind) ശക്തമായതിനെ തുടർന്ന് മധ്യ, തെക്കൻ ജില്ലകളിൽ മഴ ശക്തിപ്പെടുന്നു. കഴിഞ്ഞ ദിവസങ്ങളിൽ കർണാടകയ്ക്കു സമീപത്തെ ചക്രവാത ചുഴിയെ (cyclonic circulation) തുടർന്ന് ലഭിച്ച കനത്ത മഴക്ക് ഇന്നലെ മുതൽ കുറവ് വന്നു.

അറബിക്കടലിൽ ന്യൂനമർദ്ദം അറേബ്യൻ കരയിൽ കയറുന്നതോടെ കേരളത്തിൽ കാലവർഷ കാറ്റ് സജീവമായി പ്രവേശിച്ച് തുടങ്ങും. നിലവിൽ കരയേക്കാൾ കടലിലാകും മഴ കൂടുതൽ ലഭിക്കുക

അറബിക്കടലിലെ ഈ ചുഴിയും മ്യാൻമർ തീരത്തിനടുത്തുള്ള മറ്റൊരു ദുർബല വെതർ സിസ്റ്റവും ചേർന്നതോടെ തെക്കൻ കേരളം, തമിഴ്നാട്, ശ്രീലങ്ക മേഖലകളിലേക്ക് ശക്തമായ തെക്ക് പടിഞ്ഞാറൻ കാറ്റ് (Southwest Winds) എത്തുന്ന സ്ഥിതിയാണ് ഇപ്പോൾ.