അച്ചൻകോവിൽ നദിയുടെ തീരത്തുള്ളവർ ജാഗ്രത പാലിക്കണമെന്ന് അധികൃതർ നിർദേശിച്ചു. യാതൊരു കാരണവശാലും നദിയിൽ ഇറങ്ങുകയോ നദി മുറിച്ചുകടക്കുകയോ ചെയ്യരുതെന്നും മുന്നറിയിപ്പുണ്ട്.

കടൽക്ഷോഭം രൂക്ഷമാകാൻ സാധ്യതയുള്ള പ്രദേശങ്ങളിൽ താമസിക്കുന്നവർ അധികൃതരുടെ നിർദേശമനുസരിച്ച് സുരക്ഷിത കേന്ദ്രങ്ങളിലേക്ക് മാറണമെന്നും നിർദേശമുണ്ട്.

ആലപ്പുഴ കൂടി ഉൾപ്പെട്ടതോടെ സംസ്ഥാനത്ത് ഇന്ന് വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ച ജില്ലകളുടെ എണ്ണം 12 ആയി.

പ്രദേശത്തെ ഏകദേശം 200-ഓളം വീടുകൾക്ക് വെള്ളക്കെട്ട് ഭീഷണിയായി മാറിയിരിക്കുകയാണ്. ചെറിയ മഴ പെയ്താലുപോലും വീടുകളിലും റോഡുകളിലും വെള്ളം കയറുന്ന സാഹചര്യമാണുള്ളതെന്ന് നാട്ടുകാർ പറയുന്നു.