ഉത്തരേന്ത്യയിൽ നിന്ന് കാലവർഷം വേഗത്തിൽ വിടവാങ്ങുന്നു

കാലവർഷം ഉത്തരേന്ത്യയിൽ നിന്ന് വേഗത്തിൽ വിടവാങ്ങുന്നു. ഇന്ന് ബിഹാർ,സിക്കിം, മേഘാലയ മധ്യപ്രദേശ് എന്നീ സംസ്ഥാനങ്ങളിൽ നിന്നും കാലവർഷം പൂർണമായി വിടവാങ്ങി. അസം, ത്രിപുര,ബംഗാൾ തുടങ്ങിയ സംസ്ഥാനങ്ങളുടെ ചില ഭാഗങ്ങളിൽ നിന്നും കാലവർഷം ഇന്ന് ഇവിടെ വാങ്ങി. വിദർഭ , ചത്തീസ്ഗഡ് , മഹാരാഷ്ട്ര, ജാർഖണ്ഡ് എന്നിവിടങ്ങളിലാണ് കാലവർഷം വിടവാങ്ങൽ ഇനി പുരോഗമിക്കാൻ ഉള്ളത്. അടുത്ത രണ്ടു ദിവസത്തിനകം ഇവിടെ നിന്നും കാലവർഷം വിടവാങ്ങും.
അതേസമയം, കഴിഞ്ഞ രണ്ടുദിവസമായി സൂചിപ്പിച്ചതുപോലെ ബംഗാൾ ഉൾക്കടലിൽ ഈ മാസം 18 ന് ന്യൂനമർദ്ദം രൂപപ്പെടും. ന്യൂനമർദ്ദം ദക്ഷിണേന്ത്യയിൽ മഴക്ക് കാരണമാകും. കർണാടകയിലും തമിഴ്നാട്ടിലും കേരളത്തിലുമാണ് കൂടുതൽ മഴക്ക് സാധ്യത. കഴിഞ്ഞ ദിവസങ്ങളിലെ അവലോകനങ്ങളിൽ ഇക്കാര്യം സൂചിപ്പിച്ചിരുന്നു. എന്നാൽ കേന്ദ്ര കാലാവസ്ഥ വകുപ്പ് ന്യൂനമർദ്ദം രൂപപ്പെടുന്ന കാര്യം ഇപ്പോൾ സ്വീകരിച്ചിട്ടുണ്ട്. കേരളത്തിന്റെ കിഴക്കൻ മേഖലകളിൽ ഒറ്റപ്പെട്ട ഇടിയോടുകൂടെയുള്ള ശക്തമായ മഴ ഇന്നും തുടരുകയാണ്. അടുത്ത നാല് ദിവസം കൂടി ഈ രീതിയിലുള്ള കാലാവസ്ഥ തുടരുമെന്നാണ് ഞങ്ങളുടെ നിരീക്ഷകർ പറയുന്നത്. വിശദാംശങ്ങൾക്ക് മെറ്റ്ബീറ്റ് വെതറിന്റെ ഫേസ്ബുക്ക് പേജ് പിന്തുടരുക.