Kerala weather
കേരളത്തിന്റെ വിവിധ പ്രദേശങ്ങളിൽ ഇന്നും ശക്തമായ ഒറ്റപ്പെട്ട മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. മഴക്കൊപ്പം ശക്തമായ ഇടിമിന്നലിനും മണിക്കൂറിൽ 30 മുതൽ 40 കി.മീ വരെ വേഗതയിൽ വീശിയേക്കാവുന്ന ശക്തമായ കാറ്റിനും സാധ്യതയുള്ളതായി കേന്ദ്ര കാലാവസ്ഥ വകുപ്പ് അറിയിക്കുന്നു.
കേരളത്തിൽ നാല് ജില്ലകളിൽ യെല്ലോ അലർട്ട്
നാല് ജില്ലകൾക്കാണ് ഇന്ന് യെല്ലോ അലർട്ട് പ്രഖ്യാപിച്ചിരിക്കുന്നത്.
ഇടുക്കി, മലപ്പുറം, കാസർകോട്, കണ്ണൂർ ജില്ലകൾക്കാണ് ഇന്ന് യെല്ലോ അലർട്ട് പ്രഖ്യാപിച്ചിരിക്കുന്നത്.
കേരളതീരത്ത് ജാഗ്രത നിർദേശം
കേരള തീരത്ത് ഇന്ന് വൈകിട്ട് 6.30 വരെ, 0.6 മുതൽ 2.0 മീറ്റർ വരെ ഉയർന്ന തിരമാലയ്‌ക്കും കടലാക്രമണത്തിനും സാധ്യതയുള്ളതായി ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.
തെക്കൻ തമിഴ്‌നാട് തീരങ്ങളിലും ഉയർന്ന തിരമാല സാധ്യതയുണ്ട്. രാത്രി 11.30 വരെ തെക്കൻ
തീരങ്ങളിൽ ഉയർന്ന തിരമാലയ്‌ക്ക് സാധ്യതയുണ്ട്. കടൽക്ഷോഭം രൂക്ഷമാകാൻ സാധ്യതയുള്ളതിനാൽ മത്സ്യത്തൊഴിലാളികളും തീരദേശവാസികളും ജാഗ്രത പാലിക്കുക.
അപകട മേഖലകളിൽ നിന്ന് അധികൃതരുടെ നിർദ്ദേശാനുസരണം മാറി താമസിക്കണം. ബീച്ചിലേക്കുള്ള യാത്രകളും കടലിൽ ഇറങ്ങിയുള്ള വിനോദങ്ങളും പൂർണമായും ഒഴിവാക്കണം.
മത്സ്യത്തൊഴിലാളികൾ മൽസ്യബന്ധന യാനങ്ങളും മറ്റും ഹാർബറിൽ സുരക്ഷിതാമായി കെട്ടിയിട്ട് സൂക്ഷിക്കണം. യാനങ്ങൾതമ്മിൽ കഴിവതും അകലം പാലിക്കുക.
