ബിസിനസ് തകർന്നു, കോടികണക്കിന് രൂപ കടം, യുവതി കരകയറിയത് താമരകൃഷിയിലൂടെ

ബിസിനസ് തകർന്നു കോടികണക്കിന് രൂപ കടം, ജീവിക്കാൻ നെട്ടോട്ടമോടിയ യുവതിയെ താമരകൃഷി രക്ഷിച്ചു. അതായത് കഠിനാധ്വാനത്തിലൂടെ യുവതി ജീവിതം തിരിച്ചുപിടിച്ചിരിക്കുകയാണ്. കോടികണക്കിന് രൂപ കടം താമര കൃഷിയിലൂടെ അടച്ചു തീർക്കുന്ന യുവതിയാണ് ഇന്ന് സോഷ്യൽമീഡിയയിലെ താരം.

ചൈനയിലെ ഹുനാന്‍ പ്രവിശ്യയില്‍ നിന്നുള്ള ഹു ക്വിന്‍ എന്ന 44-കാരിയാണ് ഇന്ന് വാർത്തകളിൽ ഇടം പിടിച്ചിരിക്കുന്നത്. 50 ലക്ഷം യുവാന്‍ അതായത് ഏകദേശം 6.2 കോടി രൂപയാണ് ഇവരുടെ കടം. കഠിനാധ്വാനത്തിലൂടെ ഇതില്‍ പത്ത് ലക്ഷം യുവാന്റെ കടം യുവതി ഇതിനകം അടച്ചുതീര്‍ത്തു.

2012 ലെ പഴക്കച്ചവടമാണ് ഇവരുടെ ജീവിതത്തിൽ വെളിച്ചം കൊണ്ടുവന്നത്. ഈ കച്ചവടം വൻ വിജയമായപ്പോൾ രാജ്യത്തുടനീളം 30 സ്റ്റോറുകള്‍ ഇവര്‍ ആരംഭിച്ചു. ഇതോടെ ഇവരുടെ സമ്പത്ത് തഴച്ചു വളർന്നു. ഒരുകോടി യുവാനായി അതായത് 12.5 കോടി രൂപയായി ഉയര്‍ന്നു. പിന്നീടുള്ള ജീവിതം ആഢംബരമായിരുന്നു. ഷിയാങ് നദിയുടെ കരയിലെ വില്ലയില്‍ താമസം, സ്വന്തം ഡ്രൈവര്‍, വീട്ടുജോലിക്കാര്‍, ഇടയ്ക്കിടെയുള്ള യാത്രകള്‍ എന്നിങ്ങനെ ഇവരുടെ ജീവിതം മുന്നോട്ടുപോയി. എന്നാൽ 2019-ല്‍ ഇവരുടെ ബിസിനസ് പാടെ തകര്‍ന്നു. സാമ്പത്തിക കാര്യങ്ങൾ കൃത്യമായി കൈകാര്യം ചെയ്യാത്തതായിരുന്നു ബിസിനസ് തകരാനുള്ള പ്രധാന കാരണം.

ചിലവിനായി കാർഷികോൽപന്നങ്ങൾ വിറ്റു

50 ലക്ഷത്തോളം രൂപയുടെ കടത്തിൽ മുങ്ങി. പിന്നീട് ജീവിക്കാനുള്ള നെട്ടോട്ടമായിരുന്നു. വില്ല വിറ്റ ഇരുവരും രാജ്യത്തെ വിവിധ ഇടങ്ങളിലേക്ക് യാത്ര ചെയ്യുകയും ഓരോ ഇടങ്ങളിലും താത്കാലികമായി താമസിക്കുകയും ചെയ്തു. ഇതിനിടയിൽ ചെലവുകള്‍ കണ്ടെത്താനായി ഇവര്‍ കാര്‍ഷികോത്പന്നങ്ങള്‍ വില്‍ക്കുന്നുമുണ്ടായിരുന്നു.

ജനങ്ങൾക്ക് പ്രിയം താമരവേരുകൾ

പിന്നീട് വുഹാനിലെത്തിയപ്പോഴാണ് ഇവരുടെ ജീവിതത്തില്‍ വഴിത്തിരിവുണ്ടായത്. ഈ പ്രദേശത്തുള്ളവര്‍ക്ക് താമര വേരുകളോടുള്ള പ്രിയം ഇവര്‍ ശ്രദ്ധിച്ചു. ഇവിടെയുള്ള പ്രദേശവാസികൾക്ക് താമരവേരുകൊണ്ടുള്ള വിഭവങ്ങള്‍ ഏറെ ഇഷ്ടമായിരുന്നു. രുചികരവും ആരോഗ്യകരവുമാണെന്നതായിരുന്നു താമരവേരിന്റെ പ്രത്യേകത. ഇതോടെ ഇരുവരും താമരവേര് വില്‍പ്പനയിലേക്ക് കടന്നു.

സോഷ്യൽമീഡിയ വഴി വിൽപ്പന നടന്നു

പ്രദേശത്തെ കുളങ്ങളില്‍ ഇരുവരും താമര കൃഷി ചെയ്യാന്‍ ആരംഭിച്ചു. ഒപ്പം കുളങ്ങളല്‍ നിന്നുള്ള ലൈവ് സ്ട്രീമിങ് വഴി സോഷ്യല്‍ മീഡിയാ പ്രചാരണവും നല്‍കി. വില്‍പ്പനയും സോഷ്യല്‍ മീഡിയ വഴി തന്നെയായിരുന്നു. അതേസമയം കഠിനമായ ജോലികൾ ചെയ്യാൻ ഹുവിൻ്റെ ഭർത്താവിന് കഴിയില്ലായിരുന്നു. എന്നാൽ ഇതൊന്നും അവളെ തളർത്തിയില്ല.

കഠിനധ്വാനം ഫലം കണ്ടു

ഹുവി തന്നെ എല്ലാ ജോലികളും ചെയ്തു. രാവിലെ അഞ്ചുമണിക്ക് എഴുന്നേല്‍ക്കുന്ന ഹു കാര്‍ഷികോപകരണങ്ങള്‍ ഉപയോഗിച്ച് കഠിനജോലികള്‍ ചെയ്യുന്നതിന്റെ ദൃശ്യങ്ങള്‍ സോഷ്യല്‍ മീഡിയയില്‍ ഇവര്‍ പങ്കുവെച്ചിട്ടുണ്ട്. കഠിനാധ്വാനത്തെ തുടര്‍ന്ന് വലിയ കച്ചവടമാണ് ഇവര്‍ക്ക് ലഭിച്ചത്. ചില ദിവസങ്ങളില്‍ 4500 കിലോഗ്രാം താമരവേര് വരെ ഇവര്‍ക്ക് വില്‍ക്കാന്‍ സാധിച്ചിട്ടുണ്ട്.

ചൈനയ്ക്ക് അഭിമാനമായി മാറി ഈ 44കാരി

എല്ലാവര്‍ക്കും പ്രചോദനമാകുന്ന ഇവരുടെ വിജയകഥയുടെ വീഡിയോ ചൈനീസ് സോഷ്യല്‍ മീഡിയയില്‍ ഇതുവരെ 25 ലക്ഷം പേരാണ് കണ്ടത്. ഇന്ന് ഹുവി ലോകം അറിയപ്പെടുന്ന ഒരു കർഷകയുവതിയായി മാറി കഴിഞ്ഞു. ചൈനയ്ക്ക് അഭിമാനമാവുകയാണ് ഈ 44 കാരി.

English Summary: Discover how a couple started lotus farming in local ponds while promoting their work through live streaming on social media. Join their inspiring journey