ബംഗാൾ ഉൾക്കടലിൽ രൂപപ്പെട്ട ന്യൂനമർദ്ദം തീവ്ര ന്യൂനമർദ്ദമായി ശക്തിപ്രാപിച്ചു, കേരളത്തിൽ ഒറ്റപ്പെട്ട മഴ തുടരും

ബംഗാൾ ഉൾക്കടലിൽ രൂപപ്പെട്ട ന്യൂനമർദ്ദം തീവ്ര ന്യൂനമർദ്ദമായി ശക്തിപ്രാപിച്ചു. പശ്ചിമ ബംഗാൾ–ബംഗ്ലാദേശ് തീരത്തിനും വടക്കുപടിഞ്ഞാറൻ ബംഗാൾ ഉൾക്കടലിനും മുകളിലാണ് തീവ്ര ന്യൂനമർദ്ദം (Deep Depression) രൂപപ്പെട്ടത്. അടുത്ത ദിവസങ്ങളിൽ ഇത് പടിഞ്ഞാറ്–വടക്കുപടിഞ്ഞാറ് ദിശയിൽ നീങ്ങി ജാർഖണ്ഡിന് മുകളിലേക്ക് പ്രവേശിക്കാൻ സാധ്യതയുണ്ട്.

കര്‍ക്കിടകം മാഞ്ഞു, ചിങ്ങം പിറന്നു; പക്ഷേ മണ്‍സൂണ്‍ 'ബ്രേക്കില്ലാതെ' കേരളം
Karkidakam Ends, Chingam Arrives: Why Kerala Experienced an 'Unbroken' Monsoon This Year
https://metbeatnews.com/karkkidakam-pass-without-brake-monsoon

നിലവിലെ കാലാവസ്ഥ തുടരും

സിസ്റ്റത്തിന്റെ സഞ്ചാരപാതയനുസരിച്ച് കിഴക്കൻ ഇന്ത്യയിലെ ചില മേഖലകളിൽ മഴ ശക്തമാകാൻ സാധ്യതയുണ്ട്. എന്നാൽ കേരളത്തിൽ ഇതിന്റെ നേരിട്ടുള്ള സ്വാധീനം കാര്യമായി പ്രതീക്ഷിക്കുന്നില്ല. സംസ്ഥാനത്ത് ഇനിയുള്ള ദിവസങ്ങളിലും നിലവിലെ കാലാവസ്ഥാ സാഹചര്യം തുടരും. പകൽ സമയത്ത് വെയിലും ഇടവിട്ട് ഒറ്റപ്പെട്ട മഴയുമാകും പ്രധാനമായും അനുഭവപ്പെടുക. പ്രത്യേകിച്ച് മലയോര മേഖലകളിൽ കൂടുതൽ പ്രദേശങ്ങളിൽ മഴ ലഭിക്കാൻ സാധ്യതയുണ്ട്.

ഉച്ചയ്ക്കും വൈകുന്നേരത്തോടും കൂടി അന്തരീക്ഷത്തിലെ ഈർപ്പം വർധിക്കുന്നതോടെ മലയോര മേഖലകളിൽ പ്രാദേശിക മഴയ്ക്ക് സാധ്യതയുണ്ട്. അതേസമയം, സംസ്ഥാനമൊട്ടാകെ വ്യാപകമായ ശക്തമായ മഴയ്ക്കുള്ള സാഹചര്യം നിലവിൽ പ്രതീക്ഷിക്കുന്നില്ല.

English Summary : A low-pressure system over the Bay of Bengal has intensified into a deep depression near the West Bengal–Bangladesh coast, with predictions to move toward Jharkhand and heavy rainfall expected across Eastern India. However, the system poses no direct threat to Kerala. The state is set to continue experiencing warm sunny days punctuated by light, isolated showers—particularly in hilly regions during the afternoon and evening hours.