ഇന്ത്യയിൽ ഈ വർഷം തെക്കുപടിഞ്ഞാറൻ കാലവർഷം സാധാരണയേക്കാൾ കുറയുമെന്ന് സ്വകാര്യ കാലാവസ്ഥാ ഏജൻസിയായ സ്‌കൈമെറ്റ് വെതർ. രാജ്യത്ത് 868.6 എം.എം മഴയാണ് കാലവർഷത്തിൽ ലഭിക്കേണ്ടത്. എന്നാൽ 94 % മഴക്കുറവാണ് സ്‌കൈമെറ്റ് പ്രവചിക്കുന്നത്. ജൂൺ മുതൽ സെപ്റ്റംബർ വരെയാണ് കാലവർഷ സീസൺ. ദീർഘകാല ശരാശരിയേക്കാൾ 90 മുതൽ 95 % മഴയാണ് സ്‌കൈമെറ്റ് പ്രവചിക്കുന്നത്.
കഴിഞ്ഞ നാലു വർഷങ്ങളിലും സാധാരണയേക്കാൾ കൂടുതലോ സാധാരണ തോതിലോ മഴ ട്രിപ്പിൾഡിപ് ലാനിനയുമായി ബന്ധപ്പെട്ട് ലഭിച്ചിരുന്നുവെന്നും ഇപ്പോൾ ലാനിന അവസാനിച്ചതിനാൽ ഇനി മഴ കുറയുമെന്നും സ്‌കൈമെറ്റ് എം.ഡി ജതിൻ സിങ് പറഞ്ഞു. എൻസോ ഇപ്പോൾ ന്യൂട്രലിൽ തുടരുകയാണ്. മൺസൂൺ ശക്തിപ്പെടേണ്ട സമയത്ത് എൽനിനോ രൂപപ്പെടുന്നതാണ് മഴ കുറയാൻ കാരണമായി സ്‌കൈമെറ്റ് ചൂണ്ടിക്കാട്ടുന്നത്. ഇന്ത്യൻ ഓഷ്യൻ ഡൈപോൾ ഇപ്പോൾ ന്യൂട്രലിലും അടുത്തു തന്നെ പോസിറ്റീവിലേക്കും മാറുമെന്നും എന്നാൽ ഇത് മഴയുടെ വിതരണത്തെ ബാധിക്കാൻ ഇടയില്ലെന്നുമാണ് സ്‌കൈമെറ്റ് പ്രവചിക്കുന്നത്. കേരളം ഉൾപ്പെടെയുള്ള ദക്ഷിണേന്ത്യൻ സംസ്ഥാനങ്ങളിൽ മഴ എങ്ങനെ ബാധിക്കുമെന്ന് സ്‌കൈമെറ്റിന്റെ ഇത്തവണത്തെ പ്രവചനത്തിൽ പറയുന്നില്ല. ഉത്തരേന്ത്യയിൽ മഴ കുറയുമെന്നും പറയുന്നുണ്ട്.
I’m really inspired with your writing talents as smartly as with the format in your blog. Is that this a paid theme or did you modify it your self? Either way stay up the nice high quality writing, it’s uncommon to see a great blog like this one nowadays!