Menu

Asani

ന്യൂനമർദം രൂപപ്പെട്ടു; കേരളത്തിലും മഴ കനക്കും , കടലിലും മലയോരത്തും ജാഗ്രത വേണം

തെക്കൻ ജാർഖണ്ഡിനും വടക്കൻ ഒഡിഷ ക്കും മുകളിലായി ഇന്ന് ന്യൂനമർദ്ദം രൂപപ്പെട്ടു. ഇത് കാലവർഷക്കാറ്റിന്റെ വേഗത വർദ്ധിപ്പിക്കുകയും കേരളം ഉൾപ്പെടെയുള്ള പടിഞ്ഞാറ് തീരത്ത് ശക്തമായ മഴക്ക് കാരണമാവുകയും ചെയ്യും. ഇതേക്കുറിച്ച് ഇന്നലത്തെ റിപ്പോർട്ടിൽ വിശദമാക്കിയിരുന്നു. കേരളത്തിന്റെ തീരക്കടലിൽ ശക്തമായ കാറ്റിനും ഉയർന്ന തിരമാലകൾക്കും സാധ്യതയുള്ളതിനാൽ മത്സ്യത്തൊഴിലാളികൾ കടലിൽ പോകരുത്. കേരളതീരത്ത് കടൽ പ്രക്ഷുബ്ദ്ധമാകും. ഇന്ന് രാവിലെ വടക്കൻ കേരളത്തിൽ ശക്തമായ മഴ ലഭിക്കുന്നുണ്ട്. ഇന്നലെ രാത്രി വൈകി തെക്കൻ കേരളത്തിലും മധ്യ കേരളത്തിലും മഴ കുറഞ്ഞെങ്കിലും ഇന്ന് ഉച്ചയോടെ വീണ്ടും മഴ തിരികെ എത്താനാണ് സാധ്യത. കാലവർഷം കേരളത്തിൽ ജൂലൈ ആദ്യ വാരം സജീവമാകും എന്ന് കഴിഞ്ഞ ദിവസങ്ങളിൽ ഞങ്ങളുടെ കാലാവസ്ഥ അവലോകനത്തിൽ വിശദമാക്കിയിരുന്നു. എം. ജെ.ഒ.യുടെ സാന്നിധ്യം ഇന്ത്യൻ മഹാസമുദ്രത്തിൽ നിലനിൽക്കുന്നതാണ് കാലവർഷം ശക്തിപ്പെടാൻ കാരണം. വടക്കൻ കേരളത്തിന്റെ കിഴക്കൻ മേഖലകളിൽ തുടർച്ചയായ മഴ പെയ്യുന്നതിനാൽ മണ്ണിടിച്ചിൽ, ഉരുൾപൊട്ടൽ സാധ്യതകൾ നിലനിൽക്കുന്നു. അനാവശ്യമായ യാത്രകൾ മലയോര മേഖലയിലേക്ക് ഒഴിവാക്കണം. മല വെള്ളപ്പാച്ചിലിന് സാധ്യതയുള്ളതിനാൽ പുഴയിലും തോട്ടിലും ഇറങ്ങുന്നതും കുളിക്കുന്നതും മീൻ പിടിക്കുന്നതും ഒഴിവാക്കണം. വെള്ളക്കെട്ടുകളിലേക്ക് കുട്ടികൾ പോകാതെ മുതിർന്നവർ ശ്രദ്ധിക്കുകയും വേണം.

Heavy to very heavy rains in AP

Heavy to very heavy rains with gusty winds possible over South and Central Andhra as Asani moves nearer to coast..!!

Asani has pounded parts of South Andhra and North TN with now focus moving to South and Central Andhra..!!
With core rains now over Andhra, the rains shall gradually decrease over North TN coast while pleasant weather is expected for next 24 hours..!!

Asani shall gradually weaken and will be downgraded into a deep depression in next 24 hours as cross flows and subtropical ridge shall push the weather system towards Northeast direction..!!
Winds may gradually reduce to 35 kms/h by tomorrow noon..!!

Kerala shall experience moderate to isolated heavy spells over the next 24 hours..!!
Asani shall touch inbetween the coast of Vizag and Machulipatnam of Andhra before taking a NE Curve..!!
Currently the models are not in a strong agreement that the system shall reemerge after hitting the coast in next 24 hours..!!

Weatherman's Note: അസാനി; മഴ സാധ്യത, സ്വഭാവം, എപ്പോൾ വരെ ?

അസാനി ചുഴലിക്കാറ്റ് ആന്ധ്ര പ്രദേശ് തീരത്തേക്ക് കൂടുതൽ അടുത്തതോടെ കേരളത്തിലും സ്വാധീനം തുടരുകയാണ്. ഇന്നത്തെ metbeat വെതറിലെ പോസ്റ്റുകൾ വായിച്ചിട്ടുണ്ടാകും എന്ന് കരുതുന്നു. ഇന്നലെ രാത്രിയും ഇന്ന് പകലും ലഭിച്ചതു പോലുള്ള മഴ ഇന്ന് രാത്രിയും എല്ലാ ജില്ലകളിലും പ്രതീക്ഷിക്കാം. അസാനി തീവ്ര ചുഴലിയിൽ നിന്ന് ദുർബലമായാൽ കേരളത്തിൽ കൂടുതൽ മഴ ലഭിക്കും. ഇപ്പോൾ ഇതോടൊപ്പമുള്ള ഉപഗ്രഹ ചിത്രത്തിൽ എറണാകുളം മുതൽ തെക്കോട്ടുള്ള ജില്ലകളിൽ മേഘ സാന്നിധ്യം ഉണ്ട്. ഇവ പുൾ എഫക്ട് വഴി എത്തിയ മേഘങ്ങളാണ്. പൊതുവെ സാന്ദ്രത കുറഞ്ഞ ലോ ക്ലൗസുകൾ. കേരളം ഉൾപ്പെടുന്ന പ്രദേശം ഇപ്പോൾ മർദ്ദം കുറഞ്ഞ നിലയിലാണ്. അതിനാൽ മേഘം എത്താം. മഴ പെയ്യാം. കാറ്റിന് അസ്ഥിരതയുണ്ട്. അതിനാൽ മഴ പൊടുന്നനെ പെയ്യുകയും ബ്രേക്കിട്ട പോലെ നിൽക്കുന്നതും ചിലയിടങ്ങളിൽ കാണാം. രാത്രി വൈകിയും പുലർച്ചെയും രാവിലെയും ആണ് കൂടുതൽ മഴ സാധ്യത. ഇടിമിന്നൽ പ്രതീക്ഷിക്കാം. നാളെത്തോടെ അസാനി സാന്നിധ്യം കേരളത്തിൽ കുറഞ്ഞു തുടങ്ങുമെങ്കിലും ഒറ്റപ്പെട്ട മഴ ലഭിക്കും. നാളെ വരെ എന്തായാലും കേരള, ലക്ഷദ്വീപ് തീരത്ത് കടലിൽ പോകരുത്. തുടർന്നും കാലാവസ്ഥ വകുപ്പ് മുന്നറിയിപ്പ് പാലിക്കണം. കടൽ പ്രക്ഷുബ്ധമാകുകയും കാറ്റ് പെട്ടെന്ന് 50 കി.മീ എത്തുകയും ചെയ്യും.

അസാനി തീവ്രമായി തുടരുന്നു, കേരളത്തിലും മഴ തുടരും

ബംഗാൾ ഉൾക്കടലിന്റെ പടിഞ്ഞാറ് മധ്യ മേഖലയിലുള്ള അസാനി ചുഴലിക്കാറ്റ് പ്രതീക്ഷിച്ചതുപോലെ ശക്തികുറഞ്ഞില്ല. നിലവിൽ തീവ്ര ചുഴലിക്കാറ്റ് (Severe Cyclonic Storm) ആയി തുടരുന്ന അസാനി (Asani) വളരെ സാവധാനമാണ് നീങ്ങുന്നത്. കഴിഞ്ഞ ദിവസം മണിക്കൂറിൽ 25 കി.മി വേഗതയിൽ വരെ നീങ്ങിയിരുന്നെങ്കിൽ ഇപ്പോൾ അഞ്ചു കി.മി വേഗതയിലാണ് അസാനി നീങ്ങുന്നത്. ആന്ധ്രയിലെ തീരദേശ നഗരമായ കാക്കിനാഡയിൽ നിന്ന് ഏകദേശം 260 കി.മി അകലെയും വിശാഖപട്ടണത്തു നിന്ന് 300 കി.മി അകലെയുമാണ് അസാനിയുടെ സ്ഥാനം. അടുത്ത രണ്ടു ദിവസവും അസാനി അൽപം കൂടി വേഗത കൈവരിക്കുമെങ്കിലും കഴിഞ്ഞ ദിവസത്തെ വേഗത ഉണ്ടാകാൻ ഇടയില്ലെന്നാണ് നിരീക്ഷണം. തീരത്തോട് ചേർന്ന് ഒഡിഷയിലേക്ക് നീങ്ങുന്ന ട്രാക്കാണ് ഇപ്പോഴും വിവിധ കാലാവസ്ഥാ ഏജൻസികളുടെ കണക്കുകൂട്ടൽ. ഒരു ഘട്ടത്തിൽ ആന്ധ്രയുടെ കരയോട് വളരെ അടുത്തുവരുന്ന അസാനി നാളെ രാത്രി വൈകി ദിശമാറുമെന്നാണ് പ്രതീക്ഷിക്കുന്നത്. ഇപ്പോൾ വടക്കുപടിഞ്ഞാറ് ദിശയിലാണ് അസാനി നീങ്ങുന്നത്. ഇത് വടക്കു വടക്കു കിഴക്ക് ദിശയിലേക്ക് മാറും.

കേരളത്തില്‍ നാളെയും മഴ സാധ്യത
അസാനി ചുഴലിക്കാറ്റിന്റെ ബഹിർചക്ര മേഘങ്ങൾ കേരളത്തിനു മുകളിലും ഇന്ന് പുലർച്ചെ മുതൽ എത്തിയിരുന്നു. ഇതുമൂലം വടക്കൻ കേരളത്തിലും മധ്യ, തെക്കൻ ജില്ലകളിലെ ചില പ്രദേശങ്ങളിലും ഇന്ന് പുലർച്ചെക്കും രാവിലെക്കും ഇടയിൽ മഴ ലഭിച്ചിരുന്നു. വടക്കൻ കേരളത്തിൽ പലയിടത്തും ഇന്ന് ഉച്ചവരെ പലയിടത്തും ഒറ്റപ്പെട്ട ശക്തമായ മഴയും ലഭിച്ചു. അസാനിയുടെ മേഘങ്ങൾ കൂടുതൽ കേരളത്തിന്റെ കിഴക്കൻ മേഖലയിലും ഇടനാടു പ്രദേശങ്ങളിലും കേന്ദ്രീകരിക്കപ്പെട്ടതാണ് ഇന്ന് പകലും മഴ ലഭിക്കാൻ കാരണം. എന്നാൽ തീരദേശത്തേക്ക് മേഘം എത്താത്തതും പടിഞ്ഞാറൻ കാറ്റിന്റെ സ്വാധീനവും തീരദേശത്ത് മഴ കുറച്ചു. ഈ കാലാവസ്ഥാ സാഹചര്യം അടുത്ത 12 മണിക്കൂർ കൂടി തുടരാനാണ് സാധ്യതയെന്ന് മെറ്റ്ബീറ്റ് വെതറിലെ നിരീക്ഷകർ പറയുന്നു. അസാനിയുടെ ഭാഗമായി ഇന്ന് രാത്രി കൂടുതൽ പ്രദേശങ്ങളിൽ മഴക്ക് സാധ്യതുണ്ട്. കോഴിക്കോട്., മലപ്പുറം ജില്ലകളിൽ ഒറ്റപ്പെട്ട ശക്തമായ മഴയും ആലപ്പുഴ മുതൽ കാസർകോട് വരെയുള്ള ജില്ലകളിൽ ഇടത്തരം മഴക്കും സാധ്യതയുണ്ട്. നാളെയും ഒറ്റപ്പെട്ട മഴ തുടർന്ന ശേഷം വ്യാഴം മുതൽ അസാനിയുടെ സ്വാധീനം കുറയുകയും പിന്നീട് ഇടിയോടുകൂടെയുള്ള വേനൽ മഴ തുടരുകയും ചെയ്യും.കേരള, ലക്ഷദ്വീപ് തീരത്ത് ശക്തമായ കാറ്റിന് സാധ്യതയുള്ളതിനാൽ മത്സ്യബന്ധനത്തിന് കേന്ദ്ര കാലാവസ്ഥാ വകുപ്പിന്റെ വിലക്കുണ്ട്.

അസാനി നാളെ ശക്തി കുറഞ്ഞ് ചുഴലിക്കാറ്റാകും,ഗതി മാറും

ബംഗാൾ ഉൾക്കടലിലെ തീവ്ര ചുഴലിക്കാറ്റ് അസാനി അടുത്ത 24 മണിക്കൂറിൽ ശക്തികുറഞ്ഞ് ചുഴലിക്കാറ്റാകും. നിലവിൽ ബംഗാൾ ഉൾക്കടലിന്റെ പടിഞ്ഞാറ് മധ്യ മേഖലയിലാണ് അസാനി നിലകൊള്ളുന്നത്. കഴിഞ്ഞ മണിക്കൂറുകളിലെ ഉപഗ്രഹ നിരീക്ഷണം അനുസരിച്ച് 16 കി.മി വേഗതയിലാണ് ഇത് നീങ്ങുന്നത്. വടക്കുപടിഞ്ഞാറ് ദിശയാണ് അസാനിക്ക് ഇപ്പോഴുള്ളത്. വിശാഖപട്ടണത്തിന് 450 കി.മി അകലെയാണ് അസാനിയുള്ളത്.

കരതൊടില്ല,നാളെ ഗതിമാറും
നാളെ ശക്തികുറയുന്നതോടൊപ്പം അസാനി ചുഴലിക്കാറ്റ് ഗതിമാറും. ഇപ്പോൾ വടക്കുപടിഞ്ഞാറ് ദിശയിൽ സഞ്ചരിക്കുന്ന അസാനി, നാളെ മുതൽ വടക്ക്, വടക്കുകിഴക്ക് ദിശയിലേക്ക് മാറും. വടക്കുപടിഞ്ഞാറ് ബംഗാൾ ഉൾക്കടലിൽ ഒഡിഷ തീരത്തുകൂടി സമാന്തരമായി അസാനി സഞ്ചരിക്കും.

ആന്ധ്ര,ഒഡിഷ കനത്ത മഴ കാറ്റ്
നാളെ ആന്ധ്രാപ്രദേശ് തീരത്തും തീരദേശ ഒഡിഷയിലും ശക്തമായ കാറ്റും മഴയും അടുത്ത രണ്ടു ദിവസം ഉണ്ടാകും. ഈ മേഖലയിൽ കടലിൽ പോകുന്നതിനും വിലക്കുണ്ട്. ദുരന്ത നിവാരണത്തിന് കേന്ദ്ര, സംസ്ഥാന സേനകൾ രംഗത്തുണ്ട്. ഒഡിഷ തീരത്ത് ചുഴലിക്കാറ്റ് മുന്നറിയിപ്പുണ്ട്. തുറമുഖങ്ങളിൽ വാണിങ് 2 സിഗ്നൽ ഉയർത്തി. കേരളത്തിൽ കഴിഞ്ഞ റിപ്പോർട്ടുകളിൽ പരാമർശിച്ചതുപോലെ ഒറ്റപ്പെട്ട മഴയാണ് പ്രതീക്ഷിക്കുന്നത്.

അസാനി അതി തീവ്ര ചുഴലിക്കാറ്റായി; കേരളത്തിലും മഴ സാധ്യത

അതി തീവ്ര ചുഴലിക്കാറ്റ് ‘അസാനി’ മധ്യ പടിഞ്ഞാറൻ ബംഗാൾ ഉൾകടലിലെത്തി. അസാനി കേരളത്തിന് കുറുകെ കാറ്റിനെ സ്വാധീനിക്കുന്നുണ്ട്. അതിനാൽ കേരളം പൊതുവെ ഇന്ന് മേഘാവൃതമാകും. പലയിടത്തും ഇന്നും നാളെയും മഴ ലഭിക്കും. എല്ലാ ജില്ലകളിലും മഴ പ്രതീക്ഷിക്കാം.
അസാനി മെയ്‌ 10 വരെ വടക്ക് പടിഞ്ഞാറൻ ദിശയിൽ സഞ്ചരിച്ചു വടക്കൻ ആന്ധ്രാ പ്രദേശ് -ഒഡിഷ തീരത്തിനു സമീപമെത്തി അതിന് ശേഷം വടക്ക് വടക്ക് കിഴക്ക് ദിശ മാറി ഒഡിഷ തീരത്തിനു സമീപമെത്തി ചുഴലിക്കാറ്റായി ശക്തി കുറയും. തീരത്ത് കൂടെ സഞ്ചരിക്കുന്നതിനാൽ ആന്ധ്ര, ഒഡിഷ, ബംഗാൾ സംസ്ഥാനങ്ങളിലെ തീരത്ത് മഴയും കാറ്റും ഉണ്ടാകും. അസാനി കടലിൽ വച്ച് ദുർബലമാകാനാണ് സാധ്യത. കേരളത്തിൽ അസാനിയുടെ പരോക്ഷ സ്വാധീനം ഇന്നും നാളെയും ആയിരിക്കും. അതിനാൽ കൂടുതൽ മഴ അടുത്ത 24 മണിക്കൂറിൽ ആകും. എങ്കിലും അസാധാരണമായ അതിശക്തമായ മഴയൊന്നും പ്രതീക്ഷിക്കുന്നില്ല.