മുന്നറിയിപ്പ് നൽകിയിരിക്കുന്ന ദിവസങ്ങളിൽ പരാമർശിച്ച സമുദ്രമേഖലകളിൽ മത്സ്യബന്ധനത്തിന് പോകരുതെന്ന് അധികൃതർ നിർദേശിച്ചു.

മത്സ്യബന്ധന ബോട്ടുകളും വള്ളങ്ങളും ഹാർബറുകളിൽ സുരക്ഷിതമായി കെട്ടിയിട്ട് സൂക്ഷിക്കണമെന്നും മത്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണമെന്നും നിർദേശമുണ്ട്.

കേരളത്തിന് പുറമെ കന്യാകുമാരി തീരത്തും ഇന്ന് (ജൂൺ 12) രാത്രി 11.30 വരെ 1.3 മുതൽ 1.4 മീറ്റർ വരെ ഉയരമുള്ള തിരമാലകൾക്ക് സാധ്യതയുണ്ടെന്ന് INCOIS അറിയിച്ചു. കടൽ ജലനിരപ്പ് ഉയരുന്നതിനാൽ താഴ്ന്ന തീരപ്രദേശങ്ങളിൽ വെള്ളം കയറാനും കടൽക്ഷോഭം വർധിക്കാനും സാധ്യത.

കടൽത്തീരങ്ങളിൽ മത്സ്യബന്ധന ഉപകരണങ്ങൾ, വലകൾ, ചെറുവള്ളങ്ങൾ, മറ്റ് സാധനങ്ങൾ എന്നിവ സുരക്ഷിത സ്ഥാനങ്ങളിലേക്ക് മാറ്റി സൂക്ഷിക്കണമെന്നും നിർദേശമുണ്ട്.

മത്സ്യത്തൊഴിലാളികളും തീരദേശവാസികളും അതീവ ജാഗ്രത പാലിക്കണമെന്ന് അധികൃതർ നിർദേശിച്ചു. ചെറിയ വള്ളങ്ങളും ബോട്ടുകളും കടലിലിറക്കരുതെന്നും ബീച്ചുകളിലെ വിനോദപ്രവർത്തനങ്ങൾ ഒഴിവാക്കണമെന്നും മുന്നറിയിപ്പിൽ പറയുന്നു.

തിരുവനന്തപുരം തീരമേഖലകളിൽ ഇതിനോടകം കടൽ പ്രക്ഷുബ്ധമായ സാഹചര്യമാണ് റിപ്പോർട്ട് ചെയ്യപ്പെടുന്നത്. ഉയർന്ന തിരമാലകൾ കരയിലേക്ക് ശക്തമായി അടിച്ചു കയറാൻ സാധ്യതയുള്ളതിനാൽ മത്സ്യത്തൊഴിലാളികൾക്കും തീരദേശവാസികൾക്കും പ്രത്യേക ജാഗ്രതാ നിർദേശം നൽകിയിട്ടുണ്ട്.

ഇന്ന് വൈകുന്നേരം 5.30 മുതൽ നാളെ രാത്രി 11.30 വരെ 0.8 മുതൽ 1.0 മീറ്റർ വരെ ഉയരത്തിലുള്ള തിരമാലകൾ ഉണ്ടാകാൻ സാധ്യതയുണ്ടെന്നാണ് മുന്നറിയിപ്പ്.