കേരളത്തിൽ ഒറ്റപ്പെട്ട ശക്തമായ മഴ അടുത്ത 48 മണിക്കൂർ കൂടി തുടരും. തെക്കൻ ഉൾനാടൻ കർണാടകയിൽ മിഡ് ലെവലിൽ ഒരു ചക്രവാത ചുഴി രൂപപ്പെട്ടിട്ടുണ്ട്. ഇതിന്റെ ഭാഗമായി നാളെ വരെ വടക്കൻ കേരളത്തിൽ ശക്തമായ മഴക്ക് സാധ്യത. കോഴിക്കോട്, മലപ്പുറം, കണ്ണൂർ ജില്ലകളുടെ കിഴക്കൻ മേഖലയിലും വയനാട്ടിലും അടുത്ത 24 മണിക്കൂറിൽ അതിശക്തമായ മഴ സാധ്യത നിലനിൽക്കുന്നു. കേരളത്തിലെ മറ്റു പ്രദേശങ്ങളിൽ ഇന്നും നാളെയും ഒറ്റപ്പെട്ട ശക്തമായതോ ഇടത്തരമോ ആയ മഴക്കാണ് സാധ്യത. ബംഗാൾ ഉൾക്കടലിൽ തിരുവോണ ദിവസം ചക്രവാത ചുഴി രൂപപ്പെടും. ഇത് തുടർന്നുള്ള ദിവസങ്ങളിൽ ശക്തിപ്പെട്ട് ന്യൂനമർദമാകും. ഈ സിസ്റ്റം കേരളത്തെ പ്രതികൂലമായി ബാധിക്കാൻ ഇടയില്ല എന്നാണ് മെറ്റ്ബീറ്റ് വെതറിന്റെ പ്രാഥമിക നിഗമനം. തുടർന്നുള്ള ദിവസങ്ങളിലെ അവലോകനത്തിൽ കൂടുതൽ വിവരങ്ങൾ അറിയാം. മെറ്റ്ബീറ്റ് വെതർ , weatherman kerala facebook പേജുകളിൽ അപ്ഡേഷൻ അറിയാം.
There is no ads to display, Please add some
