kerala weather today 17/10/23 : ന്യൂനമർദം രൂപപ്പെട്ടില്ല; ഒറ്റപ്പെട്ട മഴ സാധ്യത

kerala weather today 17/10/23

അറബി കടലിലെ തെക്കു കിഴക്കൻ മേഖലയിൽ ലക്ഷദ്വീപിന് സമീപം ഇന്നലെ രാത്രി രൂപപ്പെടുമെന്ന് പ്രതീക്ഷിച്ച ന്യൂനമർദം (low pressure area) രൂപപ്പെട്ടില്ല. ഇപ്പോഴും ഇവിടെ ചക്രവാത ചുഴി (cyclonic circulation) തുടരുകയാണ്. ഈ സ്ഥിതി നാളെ വരെ തുടരാനാണ് സാധ്യത.

kerala weather today 17/10/23
kerala weather today 17/10/23

ന്യൂനമർദം രൂപപ്പെട്ടാൽ ശക്തി പ്രാപിച്ച് വടക്കു വടക്കു പടിഞ്ഞാറൻ ദിശയിൽ സഞ്ചരിക്കാനാണ് സാധ്യത. ഇതോടൊപ്പം തമിഴ്നാടിന്റെ തീരത്തോട് ചേർന്ന് രൂപം കൊണ്ട മറ്റാരു ചക്രവാത ചുഴിയും തുടരുകയാണ്.

കേരളത്തിൽ ഒറ്റപ്പെട്ട മഴ

ഇന്നും (17/10/ 23) ന് കേരളത്തിൽ ഒറ്റപ്പെട്ട മഴ ഉണ്ടാകും. മധ്യ , തെക്കൻ ജില്ലകളിൽ വടക്കൻ ജില്ലകളെ അപേക്ഷിച്ച് ഇന്ന് മഴ കൂടുതൽ ലഭിക്കും. എങ്കിലും അതിശക്തമായ മഴ പ്രതീക്ഷിക്കുന്നില്ല. മംഗലാപുരം മുതൽ കൊല്ലം വരെയുള്ള തീരദേശങ്ങളിൽ കടലിൽ മേഘരൂപീകരണം നടക്കുന്നുണ്ട്. ഇവ ഉച്ചക്ക് ശേഷം തീരദേശത്ത് നേരിയതോതിൽ മഴ നൽകിയേക്കും.

എറണാകുളം മുതൽ തെക്കോട്ടുള്ള ജില്ലകളിൽ ഇന്ന് തീരദേശത്തും കിഴക്കൻ മേഖലയിലും മഴ ലഭിക്കും. കോഴിക്കോട് , മലപ്പുറം, പാലക്കാട് ജില്ലകളിൽ കിഴക്കൻ മേഖലയിൽ
വൈകിട്ട് ഇടിയോടെ മഴ സാധ്യത.

© Metbeat News


There is no ads to display, Please add some
Share this post

കേരളത്തിലെ ഏക സ്വകാര്യ കാലാവസ്ഥാ സ്ഥാപനമായ Metbeat Weather എഡിറ്റോറിയല്‍ വിഭാഗമാണിത്. വിദഗ്ധരായ കാലാവസ്ഥാ നിരീക്ഷകരും ജേണലിസ്റ്റുകളും ഉള്‍പ്പെടുന്നവരാണ് ഈ ഡെസ്‌ക്കിലുള്ളത്. 2020 മുതല്‍ പ്രവര്‍ത്തിച്ചുവരുന്നു.

Leave a Comment