ബംഗാൾ ഉൾക്കടലിൽ നാളെ ന്യൂനമർദം രൂപപ്പെട്ടേക്കും

ബംഗാൾ ഉൾക്കടലിൽ നാളെ ന്യൂനമർദം രൂപപ്പെട്ടേക്കും. തുലാവർഷം എത്തിയ ശേഷം ഈ മേഖലയിൽ രൂപപ്പെടുന്ന ആദ്യത്തെ ന്യൂനമർദമാണിത്. ഈമാസം 11 മുതൽ 14 വരെ തെക്കേ ഇന്ത്യയിൽ മഴ ശക്തിപ്പെടുത്താൻ ഈ ന്യൂനമർദം കാരണമാകും. ബംഗാൾ ഉൾക്കടലിന്റെ തെക്കുപടിഞ്ഞാറ് മേഖലയിലാണ് ന്യൂനമർദം രൂപപ്പെടുക. തുടർന്ന് വടക്കുപടിഞ്ഞാറ് ദിശയിൽ ഇതു നീങ്ങും. തമിഴ്‌നാട് പുതുച്ചേരി തീരം ലക്ഷ്യമാക്കിയാണ് ന്യൂനമർദം നീങ്ങുക. പുതുച്ചേരിയിലും തമിഴ്‌നാട്ടിലെ മധ്യ, തെക്കൻ തീരത്തും കനത്ത മഴക്ക് ഈ ന്യൂനമർദം കാരണമാകുമെന്നാണ് മെറ്റ്ബീറ്റ് വെതർ നിരീക്ഷിക്കുന്നത്. കേരളത്തിലും ഈ ന്യൂനമർദത്തിന്റെ ഭാഗമായി ഒറ്റപ്പെട്ട മഴ ലഭിക്കും.
കഴിഞ്ഞ ഏതാനും ദിവസം മുൻപ് മെറ്റ്ബീറ്റ് വെതർ ഈ സിസ്റ്റത്തെ കുറിച്ച് സൂചന നൽകിയിരുന്നു. ശ്രീലങ്കക്കും തമിഴ്‌നാട് തീരത്തിനും ഇടയിലുള്ള മേഖലയിലാണ് ഈ സിസ്റ്റം ഉടലെടുക്കുക. സിസ്റ്റം ചുഴലിക്കാറ്റായി മാറാൻ നിലവിൽ സാധ്യതയില്ല.

Share this post

It is the editorial division of Metbeat Weather, the only private weather agency in Kerala. The desk consists of expert meteorologists and Senior Journalists. It has been operational since 2020.

Leave a Comment