ബുദ്ധൻ്റെ രൂപമുള്ള സബർജല്ലികൾ കായ്ച്ചു നിൽക്കുന്നു, ലാഭം കൊയ്ത് ചൈനയുടെ കച്ചവടതന്ത്രം

ഏതൊരു കാര്യത്തിലും ചൈന തങ്ങളുടേതായ വ്യത്യസ്‌തത കൊണ്ടുവരാറുണ്ട്. പലതരം പരീക്ഷണങ്ങളാണ് ചൈന നടത്തി വിജയിച്ചിട്ടുള്ളത്. കൃഷിയുടെ കാര്യത്തിലും പൊതുവെ വലിയ പരീക്ഷണങ്ങളാണ് ചൈന നടത്തിയിരിക്കുന്നത്. ചൈനയുടെ കൃഷി മേഖലയിൽ ഓരോ നിമിഷവും ഒട്ടേറെ പഠനങ്ങളും ഗവേഷണങ്ങളുമാണ് നടക്കുന്നത്. ലോകവിപണി ലക്ഷ്യമിട്ടാണ് ചൈന ഇത്തരം പരീക്ഷണങ്ങൾ നടക്കുന്നത്. ഓരോ ഉൽപന്നവും എങ്ങനെ വിപണനം ചെയ്യാമെന്നതും ചൈനയിലെ കർഷകർക്ക് നന്നായി അറിയാം.

ബുദ്ധൻ്റെ ആകൃതിയിലുള്ള സബർജല്ലിയാണ് പുതിയ താരം

ഇപ്പോൾ കർഷകർ കൃഷിചെയ്ത ബുദ്ധന്റെ ആകൃതിയിലുള്ള സബർജല്ലിയാണ് താരം.
ചില പ്രദേശങ്ങളിൽ ഇത് ഷിൻഷു പിയേഴ്സ് അല്ലെങ്കിൽ യാലി പിയേഴ്സ് എന്നും അറിയപ്പെടുന്നു. ഭക്ഷണപ്രിയരെയും കർഷകരെയും ബിസിനസ് സംരംഭകരെയും ഒരുപോലെ ആകർഷിച്ച സവിശേഷവും കാഴ്ചയിൽ ആകർഷകവുമായ ഒരു സബർജിൽ ഇനമാണിത്.

ബുദ്ധന്റെ ധ്യാനാത്മകമായ രൂപവുമായി സാമ്യമുള്ള ഈ സബർജിൽ ചരിത്രത്തിന്റെയും നൂതന കൃഷി രീതികളുടെയും വലിയ വാണിജ്യ സാധ്യതകളുടെയും ഉപയോഗപ്പെടുത്തൽ കൂടിയാണെന്ന് പറയാം.

ജപ്പാൻകാരും ഒട്ടും പിന്നിലല്ല സബർജല്ലി വിപണിയിലെത്തിച്ചത് ഇരുപത്തൊന്നാം നൂറ്റാണ്ടിൽ

സബർജല്ലി ആദ്യം കൃഷിചെയ്‌തത് ചൈനയിലാണെങ്കിലും 21-ാം നൂറ്റാണ്ടിന്റെ തുടക്കത്തിൽതന്നെ ജപ്പാനിൽ ഇത്തരം സബർജിൽ വിപണിയിലെത്തിയിരുന്നു. ബുദ്ധന്റെ ഇരിക്കുന്ന രൂപത്തിന് സമാനമായ വൃത്താകൃതിയിലുള്ള ഫലം ഉത്പാദിപ്പിക്കുക എന്നത് കൃത്യമായ വിപണി ലക്ഷ്യത്തോടെയാണ്. അതേസമയം, കിഴക്കൻ ഏഷ്യൻ രാജ്യങ്ങളിൽ പലയിടത്തും ആഡംബരത്തിന്റെയും പ്രതീകമായി സബർജല്ലിയെ കാണുന്നു.

സബർജല്ലി സൂക്ഷിക്കാൻ ഉചിതമായ അന്തരീക്ഷം ഇതാണ്

ഏഷ്യൻ രാജ്യങ്ങളിൽ സബർജിൽ പൊതുവെ കൃഷി ചെയ്യുന്നതാണെങ്കിലും ബുദ്ധന്റെ രൂപം പഴത്തിൽ കൊണ്ടുവരുന്ന പ്രക്രിയയാണ് അവയെ മറ്റിനങ്ങളിൽ നിന്നും വ്യത്യസ്‌തമാക്കുന്നത്.ബുദ്ധന്റെ ആകൃതിയിലുള്ള പഴത്തിന്റെ സവിശേഷമായ രൂപം ലഭിക്കുന്നത് ഇഷ്ടാനുസരണം ഡിസൈൻ ചെയ്ത പ്ലാസ്റ്റിക് അച്ചുകൾ ഉപയോഗിച്ചാണ്. പഴത്തിന്റെ വളർച്ചയുടെ പ്രാരംഭ ഘട്ടത്തിൽ വളരുന്ന സബർജിലിന് ചുറ്റും ബുദ്ധന്റെ ആകൃതിയിലുള്ള അച്ചാണ് സ്ഥാപിക്കുന്നത്. വളർന്നു വരുന്ന പഴത്തെ ആവശ്യമുള്ള ആകൃതിയിലേക്ക് മാറ്റാൻ ഇത് സഹായിക്കുന്നു.

സബർജിൽ ഉചിതമായ വലുപ്പത്തിലും ആകൃതിയിലും എത്തിക്കഴിഞ്ഞാൽ ശ്രദ്ധാപൂർവം വിളവെടുക്കുന്നു. സബർജില്ലിയുടെ തൊലി സാധാരണയായി സ്വർണ നിറമായിരിക്കും. പഴങ്ങൾക്ക് കേടുപാടുകൾ സംഭവിക്കാതിരിക്കാൻ കൈകൊണ്ടാണ് വിളവെടുപ്പ് നടത്തുക. വിളവെടുപ്പിനുശേഷം വിപണിയിലെത്തിക്കും മുൻപ് പഴത്തിന്റെ പുതുമ നിലനിർത്തുന്നതിന് പലപ്പോഴും താപനില നിയന്ത്രിത അന്തരീക്ഷത്തിലാണ് സൂക്ഷിക്കുന്നത്.

ബുദ്ധന്റെ ആകൃതിയിലുള്ള സബർജിൽ കൃഷി ചെയ്യുന്ന പ്രക്രിയ അധ്വാനമുളളതാണെങ്കിലും ഈ പ്രക്രിയ കൂടുതൽ പരിസ്ഥിതി സൗഹൃദമാക്കുന്നതിന് പല കർഷകരും കീടനാശിനി ഉപയോഗം കുറയ്ക്കുക, നിയന്ത്രിത ജല ഉപയോഗം തുടങ്ങി സുസ്ഥിര കൃഷി രീതികൾ ഉപയോഗിക്കുന്നു. സബർജിൽ കൃഷിയിൽ ഒട്ടേറെ ഗവേഷണങ്ങളും നടത്തി വരുന്നു.

English Summary: Discover the unique process of shaping fruits into Buddha forms using custom plastic molds in Asian countries. Explore the art of fruit cultivation today