Menu

ഭൂമി ഇടിഞ്ഞു താഴലിനു പിന്നാലെ ഉത്തരാഖണ്ഡിൽ ഭൂചലനവും

ഭൂമി ഇടിഞ്ഞു താഴുന്നതിനു പിന്നാലെ ഉത്തരാഖണ്ഡിൽ ഭൂചലനവും. 3.8 തീവ്രതയുള്ള ഭൂചലനമാണ് ഇന്ന് രാവിലെ ഉത്തരാഖണ്ഡിൽ അനുഭവപ്പെട്ടത്. നാഷനൽ സെന്റർ ഫോർ സീസ്‌മോളജിയും ഇക്കാര്യം സ്ഥിരീകരിച്ചു. രാവിലെ 8.58 ന് പിതോരഗ്രയിൽ നിന്ന് 23 കി.മി അകലെയാണ് ഭൂചലനമുണ്ടായത്. ഭൗമോപരിതലത്തിൽ നിന്ന് 10 കി.മി താഴ്ചയിലാണ് പ്രഭവ കേന്ദ്രം.
കഴിഞ്ഞ ഡിസംബറിലും ഉത്തരകാശിയിൽ ഭൂചലനം റിപ്പോർട്ട് ചെയ്തിരുന്നു. ജോഷിമഠിലും പരിസരത്തും ഭൂമി ഇടിഞ്ഞു താഴുന്ന സാഹചര്യത്തിൽ ചെറു ഭൂചലനങ്ങൾ പോലും പ്രദേശത്ത് ഭീതിദമായ സാഹചര്യം സൃഷ്ടിക്കുന്നുണ്ട്. ഇന്ത്യൻ ടെക്ടോണിക് പ്ലേറ്റ് ഹിമാലയൻ മേഖലയിൽ യൂറേഷ്യൻ പ്ലേറ്റുമായി കൂട്ടിയിടിക്കുന്നതാണ് ഈ മേഖലയിൽ ഭൂചലനത്തിന് കാരണം. നാഷനഷ്ടം സംബന്ധിച്ച റിപ്പോർട്ടുകളില്ല.

Related Posts

LEAVE A COMMENT

Make sure you enter the(*) required information where indicated. HTML code is not allowed