kerala weather 02/04/25 : ഇന്നത്തെ മഴ സാധ്യത, കേരളത്തിൽ വേനൽ മഴ ശക്തമായി


kerala weather 02/04/25 : ഇന്നത്തെ മഴ സാധ്യത, കേരളത്തിൽ വേനൽ മഴ ശക്തമായി

കേരളത്തിൽ ഇന്നലെ മുതൽ വേനൽ മഴ വീണ്ടും ശക്തിപ്പെട്ടു. ഇന്നലെ വൈകിട്ട് മുതൽ തെക്കൻ ജില്ലകളിൽ ശക്തമായ മഴ രേഖപ്പെടുത്തി. തിരുവനന്തപുരം, പത്തനംതിട്ട, കോട്ടയം, എറണാകുളം, ഇടുക്കി, കോഴിക്കോട്, വയനാട്, കണ്ണൂർ, മലപ്പുറം ജില്ലകളിലാണ് മഴ ലഭിച്ചത്. ഇതിൽ കോട്ടയം ജില്ലയിൽ അതിശക്തമായ മഴ രേഖപ്പെടുത്തി. മീനച്ചിലാറിൽ കഴിഞ്ഞ ദിവസങ്ങളിലെ മഴയെ തുടർന്ന് നീരൊഴുക്ക് പുന:സ്ഥാപിക്കപ്പെട്ടു. കേരളത്തിൽ ചൂടിന് കുറവ് രേഖപ്പെടുത്തുകയും ചെയ്തു. ദക്ഷിണേന്ത്യയിൽ ഉൾപ്പെടെ 40 ഡിഗ്രിക്ക് താഴെയാണ് താപനില.

മീനച്ചിലാറിൽ മഴയെ തുടർന്ന് നീരൊഴുക്ക് പുന:സ്ഥാപിക്കപ്പെട്ടപ്പോൾ

ഇന്നത്തെ അന്തരീക്ഷ സ്ഥിതി

കേരളത്തിൽ വിവിധ അന്തരീക്ഷ പ്രതിഭാസങ്ങളെ തുടർന്നാണ് ഇപ്പോൾ മഴ ലഭിക്കുന്നത്. മഹാരാഷ്ട്ര മുതൽ കന്യാകുമാരി കടൽ വരെ തുടരുന്ന ന്യൂനമർദ്ദ പാത്തി (Trough) രൂപപ്പെട്ടിട്ടുണ്ട്.  ഇത് കർണാടകക്കും തമിഴ്നാടിനും മുകളിലൂടെയാണ് കടന്നുപോകുന്നത്. അന്തരീക്ഷത്തിന്റെ താഴ്ന്ന ഉയരങ്ങളിലാണ് ഇത് സ്ഥിതിചെയ്യുന്നത്.

സമുദ്രനിരപ്പിൽ നിന്ന് 900 മീറ്റർ മാത്രം ഉയരത്തിലൂടെ കടന്നുപോകുന്ന ഈ താഴ്ന്നമർദ്ദ മേഖലയുള്ള ഭാഗത്തേക്ക് ഈർപ്പം ഇരുഭാഗത്തുനിന്നും പ്രവഹിക്കുന്നതും കാറ്റിൻ്റെ അഭിസരണം (convergence) ഉണ്ടാകുന്നതുമൂലം ഇന്നും കേരളത്തിൽ വ്യാപകമായ മഴ സാധ്യത. ഇതിനിടെ, വടക്കൻ കേരളത്തിൽ കോഴിക്കോട്, മലപ്പുറം, പാലക്കാട് ജില്ലകളിൽ ഇന്ന് പുലർച്ചെ ശക്തമായ മഴ ലഭിച്ചു.

വടക്കൻ കേരളം മേഘാവൃതം

അറബിക്കടലിൽ ലക്ഷദ്വീപിനും കേരളത്തിലും ഇടയിലായി രൂപം കൊണ്ട താൽക്കാലിക ചക്രവാത ചുഴിയാണ് (Cyclonic Circulation) ഇതിന് കാരണം.  ഇതുകാരണം മധ്യകേരളത്തിലും തെക്കൻ ജില്ലകളിലും ഈർപ്പ പ്രവാഹവും മേഘ രൂപീകരണവും നടന്നു. വടക്കൻ ജില്ലകൾ ഇന്ന് രാവിലെ മുതൽ മേഘാവൃതമാണ്. പാലക്കാട്, മലപ്പുറം, കോഴിക്കോട്, വയനാട്, കണ്ണൂർ ജില്ലകളിലാണ് മഴ സാധ്യത.

ഇന്ന് പുലർച്ചെയുള്ള മേഘങ്ങൾ കേരള തീരത്ത്

ഇന്ന് കൂടുതൽ പ്രദേശങ്ങളിൽ മഴ

ഇന്നലെ അപേക്ഷിച്ച് ഇന്ന് കേരളത്തിന്റെ വിവിധ ജില്ലകളിൽ കൂടുതൽ പ്രദേശങ്ങളിൽ മഴ ലഭിക്കും. മഴക്കൊപ്പം ഇടിയും കാറ്റും മിന്നലും പ്രതീക്ഷിക്കണം. മിന്നലിന്റെ ആദ്യ സൂചനകൾ കണ്ടാൽ സുരക്ഷിത കേന്ദ്രങ്ങളിലേക്ക് മാറണം. മിന്നൽ ട്രാക്ക് ചെയ്യാൻ ഞങ്ങളുടെ വെബ്സൈറ്റിലെ താഴെ കൊടുത്ത ലിങ്ക് ഉപയോഗിക്കാം.

ഇന്നത്തെ മഴ

ഇന്ന് ഉച്ചക്ക് ശേഷവും കേരളത്തിൽ ഇടിയോട് കൂടിയ മഴ സാധ്യത. എന്നാൽ ആകാശം പൂർണമായി മേഘാവൃതമായി തുടർന്നാൽ അത് വൈകിട്ടത്തെ ഈ മേഖലയിലെ മഴ സാധ്യതയെ ദുർബലപ്പെടുത്തിയേക്കും.
വരും മണിക്കൂറുകളിൽ വെയിൽ തെളിഞ്ഞു ചൂടുള്ള അന്തരീക്ഷ സ്ഥിതിയിലേക്ക് വന്നാൽ മാത്രമേ
ഉച്ചക്ക് ശേഷവും രാത്രിയിലുമായി ഇടിയോടു കൂടിയ മഴ പ്രതീക്ഷിക്കേണ്ടതുള്ളൂ.

വേനൽ മഴയുടെ സ്വഭാവത്തിൽ നിന്ന് മാറി പകൽ വടക്കൻ കേരളത്തിൽ ഇരുണ്ടു മൂടിയ കാലാവസ്ഥ ഉണ്ടാകും. പടിഞ്ഞാറൻ കാറ്റ് അല്പം ശക്തമായാൽ ചാറ്റൽ മഴ ലഭിക്കുകയും ചെയ്യും. കൂടുതൽ തൽസമയ വിവരങ്ങൾക്ക് ഞങ്ങളുടെ ഫേസ്ബുക്ക് പേജുകൾ സന്ദർശിക്കുക.

Metbeat Weather

Weatherman Kerala

തൽസമയ കാലാവസ്ഥ അറിയാൻ metbeat.com സന്ദർശിക്കാം

Share this post
WhatsApp Group Join Now
Telegram Group Join Now
Instagram Group Join Now

Editorial Desk at metbeatnews.com, This is Team of Meteorologists and Senior Weather Journalist and Experts. Metbeat Weather The Only Pvt. Weather Firm In Kerala Since 2020