Kerala summer rain updates 27/03/25: വടക്കൻ കേരളത്തിൽ മേഘാവൃതമായ കാലാവസ്ഥ ; ഒറ്റപ്പെട്ട മഴ
ഇന്ന് രാവിലെ മുതൽ തന്നെ വടക്കൻ കേരളത്തിൽ മേഘാവൃതമായ കാലാവസ്ഥ തുടരുന്നു. കണ്ണൂർ, കാസർകോട്കോ,ഴിക്കോട് ജില്ലകളിലാണ് മേഘാവൃതമായ കാലാവസ്ഥ അനുഭവപ്പെടുന്നത്. വരും മണിക്കൂറുകളിൽ ഈ ജില്ലകളിൽ മഴ പ്രതീക്ഷിക്കാം. അതേസമയം മലപ്പുറം,കോഴിക്കോട് ജില്ലകളിൽ ഒറ്റപ്പെട്ട മഴക്കും 40 കിലോമീറ്റർ വേഗതയിൽ വീശി അടിക്കാവുന്ന കാറ്റിനും സാധ്യതയുണ്ടെന്ന് കാലാവസ്ഥ വകുപ്പ് മുന്നറിയിപ്പ് നൽകുന്നു. കൂടാതെ എറണാകുളം തൃശൂർ ആലപ്പുഴ ജില്ലകളിലും നേരിയ മഴ പ്രതീക്ഷിക്കാം.
കേരളത്തിൽ വിവിധ ജില്ലകളിൽ വേനൽ മഴ രേഖപ്പെടുത്തിയതോടെ യു വി ഇൻഡക്സ് മാറ്റമുണ്ട്. നിലവിൽ കഴിഞ്ഞ 24 മണിക്കൂറിലെ കേന്ദ്ര കാലാവസ്ഥാ വകുപ്പിന്റെ കണക്കനുസരിച്ച് ഒരു ജില്ലകളിലും റെഡ് അലർട്ട് പ്രഖ്യാപിച്ചിട്ടില്ല. എന്നാൽ 6 ജില്ലകളിൽ ഓറഞ്ച് അലർട്ട് നിലനിൽക്കുന്നുണ്ട്. കൊല്ലം, പത്തനംതിട്ട, കോട്ടയം, ഇടുക്കി, ആലപ്പുഴ,മലപ്പുറം ജില്ലകളിലാണ് ഓറഞ്ച് അലർട്ട് നിലവിലുള്ളത്.
ഇടുക്കിയിൽ ഒമ്പതും മറ്റു ജില്ലകളിൽ എട്ടുമാണ് യു വി രേഖപ്പെടുത്തിയത്. എറണാകുളം, തൃശൂർ, പാലക്കാട്, കോഴിക്കോട്, വയനാട് ജില്ലകളിൽ യു വി ഇൻഡക്സ് ഉയർന്നതിനാൽ മഞ്ഞ അലർട്ട് ആണ് പ്രഖ്യാപിച്ചിരിക്കുന്നത്. ഈ ജില്ലകളിൽ എല്ലാം യു വി രേഖപ്പെടുത്തിയിരിക്കുന്നത് ആറാണ്.
തുടർച്ചയായി കൂടുതൽ സമയം അൾട്രാവയലറ്റ് രശ്മികൾ ശരീരത്തിൽ ഏൽക്കുന്നത് സൂര്യാതപത്തിനും ത്വക്ക് രോഗങ്ങൾക്കും നേത്രരോഗങ്ങൾക്കും മറ്റ് ആരോഗ്യപ്രശ്നങ്ങൾക്കും കാരണമായേക്കാം. പൊതുജനങ്ങൾ സുരക്ഷാമുൻകരുതലുകൾ സ്വീകരിക്കണം.
പകൽ 10 മണി മുതൽ 3 മണി വരെയുള്ള സമയങ്ങളിലാണ് ഉയർന്ന അൾട്രാവയലറ്റ് സൂചിക രേഖപ്പെടുത്തപ്പെടുന്നത്. ആയതിനാൽ ആ സമയങ്ങളിൽ കൂടുതൽ നേരം ശരീരത്തിൽ നേരിട്ട് സൂര്യപ്രകാശം ഏൽക്കുന്നത് പരമാവധി ഒഴിവാക്കുക.
