ഈ ജില്ലകളിലും ചൂട് 40 കടക്കും; ഇന്ന് 12 ജില്ലകളിൽ മഞ്ഞ അലർട്ട്
കേരളത്തിൽ വേനൽ കടുത്തതോടെ കൂടുതൽ ജില്ലകളിൽ താപനില ഉയരുമെന്ന് മുന്നറിയിപ്പ്. പാലക്കാട് ജില്ലയിൽ കഴിഞ്ഞ കുറേ ദിവസങ്ങളിലായി താപനില 40 ഡിഗ്രിക്ക് മുകളിലാണ്. എന്നാൽ മറ്റു ജില്ലകളിലേക്കും താപനില 40 ഡിഗ്രി കവിയും എന്നാണ് കേന്ദ്ര കാലാവസ്ഥ വകുപ്പ് നൽകുന്ന മുന്നറിയിപ്പ്.
പാലക്കാട്, കൊല്ലം ജില്ലകളെ കൂടാതെ തൃശൂർ, മലപ്പുറം, പത്തനംതിട്ട, കണ്ണൂർ, കോഴിക്കോട്, കാസർകോട് ജില്ലകളിലും വരും ദിവസങ്ങളിൽ താപ നില 40 ഡിഗ്രി സെൽഷ്യസ് വരെ ഉയരാൻ സാധ്യതയുണ്ട്.
ചൂട് കൂടുന്ന സാഹചര്യത്തിൽ 12 ജില്ലക ളിൽ ഇന്ന് യെലോ അലർട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിലാ ണ് മുന്നറിയിപ്പ് പ്രഖ്യാപിച്ചത്.
