മേഘവിസ്‌ഫോടനത്തിന് പിന്നാലെ മിന്നല്‍ പ്രളയം. പ്രളയത്തില്‍ 23 സൈനിക ഉദ്യോഗസ്ഥരെ കാണാതായി. വടക്കന്‍ സിക്കിമിലെ ലൊനാക് തടാകത്തിന് മുകളിലാണ് മേഘ വിസ്‌ഫോടനം ഉണ്ടായത്. ഇതിനെ തുടര്‍ന്ന് ടീസ്ത നദിയില്‍ മിന്നല്‍ പ്രളയം ഉണ്ടാവുകയായിരുന്നു.
സൈനിക വാഹനങ്ങള്‍ അടക്കം ഒലിച്ചു പോയതായാണ് റിപ്പോര്‍ട്ട്. കാണാതായ സൈനിക ഉദ്യോഗസ്ഥര്‍ക്കായി തിരച്ചില്‍ ആരംഭിച്ചു. ചുങ്‌താങ് അണക്കെട്ടിൽ നിന്ന് വെള്ളം തുറന്നുവിട്ടതും സ്ഥിതിഗതികൾ കൂടുതൽ വഷളാക്കി, ഇത് ജലനിരപ്പ് 15-20 അടി വരെ ഉയരാൻ കാരണമായി.
23 Soldiers Missing After #Cloudburst Triggers #FlashFlood In #Sikkim The admin. has issued a high alert to residents. #LhonakLake flooded in North Sikkm as a result of the Lhonak Lake's burst #Teestariver flood Low-lying parts of #Chungthang#SikkimFlood #SikkimCloudBurst pic.twitter.com/Gf90ccI7og
— sudhakar (@naidusudhakar) October 4, 2023
സിംഗ്താമിന് സമീപമുള്ള ബർദാംഗിൽ നിർത്തിയിട്ടിരുന്ന സൈനിക വാഹനങ്ങളും വെള്ളപ്പൊക്കത്തിൽ ഒലിച്ചുപോയി. അതേസമയം, വെള്ളപ്പൊക്കത്തിൽ കാണാതായവരെ കണ്ടെത്താനുള്ള തിരച്ചിൽ പുരോഗമിക്കുകയാണ്. ലാചെൻ താഴ്‌വരയിലെ നിരവധി സൈനിക സ്ഥാപനങ്ങൾക്കും വെള്ളപ്പൊക്കം നാശം വിതച്ചിട്ടുണ്ട്.
Release of water from the #Chungthang dam led to a sudden increase in water level upto 15-20 feet high downstream.#SikkimFlood@indiatvnews pic.twitter.com/RMXQ8abIpT
— Manish Prasad (@manishindiatv) October 4, 2023
നാശനഷ്‌ടത്തിന്റെ പൂർണ്ണ വ്യാപ്‌തി വിലയിരുത്താനുള്ള ശ്രമങ്ങൾ തുടരുകയാണ്.നദി കരകവിഞ്ഞൊഴുകിയതിനെ തുടർന്ന് ടീസ്‌റ്റ നദിക്ക് കുറുകെയുള്ള സിംഗ്തം നടപ്പാലം തകർന്നു. പശ്ചിമ ബംഗാളിലെ ജൽപായ്ഗുരി ഭരണകൂടം മുൻകരുതൽ നടപടിയായി നദിയുടെ താഴ്ന്ന വൃഷ്‌ടിപ്രദേശത്ത് നിന്ന് ആളുകളെ ഒഴിപ്പിക്കാൻ തുടങ്ങി.
സിക്കിം സർക്കാർ സംസ്ഥാനത്ത് അതീവ ജാഗ്രതാ നിർദേശം പുറപ്പെടുവിക്കുകയും ടീസ്‌റ്റ നദിയിൽ നിന്ന് വിട്ടുനിൽക്കാൻ ജനങ്ങളോട് ആവശ്യപ്പെടുകയും ചെയ്‌തിട്ടുണ്ട്‌.
Heartbreaking news of a flash flood in Sikkim following a cloud burst, with 23 brave Army personnel missing. Our prayers and hopes are with them, their families, and the rescue teams working tirelessly.🙏🏾🤲🏾#SikkimFlood #PrayForSikkim
— Dr Kafeel Khan (@drkafeelkhan) October 4, 2023
