Menu

Flight service suspended

പൊടിക്കാറ്റ്: ദുബൈയിൽ വിമാനങ്ങൾ വൈകും , 27 സർവീസുകൾ റദ്ദാക്കി

പ്രതികൂല കാലാവസ്ഥ കാരണം ദുബൈയിൽ വിമാനങ്ങൾക്ക് ഇന്നും കാലതാമസം നേരിട്ടേയ്ക്കാമെന്ന് എയർ ഇന്ത്യ അറിയിച്ചു . യാത്രക്കാർ വിമാനത്താവളത്തിലേയ്ക്ക് പുറപ്പെടും മുൻപ് എയർലൈൻസ് ഒാഫീസുമായി ബന്ധപ്പെട്ട് യാത്രാ സമയം ഉറപ്പാക്കണമെന്ന് അധികൃതർ നിർദേശിച്ചു . ദുബൈയിലും രാജ്യത്തിന്റെ മറ്റു ഭാഗങ്ങളിലും ഇന്നും പൊടി നിറഞ്ഞ കാലാവസ്ഥ റിപോർട്ട് ചെയ്യപ്പെട്ടു . പല സ്ഥലങ്ങളിലും ദൂരക്കാഴ്ചയും കുറഞ്ഞിട്ടുണ്ട് . പ്രതികൂല കാലാവസ്ഥ കാരണം തങ്ങളുടെ ചില വിമാനങ്ങൾ റദ്ദാക്കുകയോ വൈകുകയോ ചെയ്തതായി ഫ്ലൈ ദുബായ് അറിയിച്ചു . ഇന്ന് ഷെഡ്യൂൾ ചെയ്യുന്ന വിമാന സർവീസുകളിൽ തടസ്സങ്ങൾ ഉണ്ടായേക്കാമെന്ന് എമിറേറ്റ്സും പറഞ്ഞു . വിമാനം റദ്ദാക്കിയാൽ യാത്രക്കാർക്ക് അവരുടെ ട്രാവൽ ഏജന്റുമായി ബന്ധപ്പെടാം . അല്ലെങ്കിൽ ഫ്ളൈദു ബൈയ് വെബ്സൈറ്റിലെ ‘ മാനേജ് ബുക്കിങ് ‘ വിഭാഗം സന്ദർശിക്കാം . മറ്റൊരു വിമാനത്തിൽ റീ ബുക്ക് ചെയ്യാനോ റീഫണ്ട് ക്രമീകരിക്കാനോ വെബ്സൈറ്റ് സന്ദർശിക്കുക .
യാത്രക്കാരുടെ എണ്ണത്തിൽ യു.എ.ഇയിലെ ഏറ്റവും വലിയ വിമാനത്താവളമായ ദുബൈയിൽ കഴിഞ്ഞ 24 മണിക്കൂറിനുള്ളിൽ 27 വിമാനങ്ങൾ റദ്ദാക്കിയതായി ഫ്ലൈറ്റ് വെയർ റിപ്പോർട്ട് ചെയ്യുന്നു . ഷാർജ രാജ്യാന്തര വിമാനത്താവളത്തിൽ ഇന്നലെ മുതൽ 5 വിമാനങ്ങൾ റദ്ദാക്കി . ഇന്നലെ ദുബൈയിലേയ്ക്ക് പോകേണ്ട ചില വിമാനങ്ങൾ മറ്റ് വിമാനത്താവളങ്ങളിലേയ്ക്ക് വഴിതിരിച്ചുവിട്ടു .

പൊടിക്കാറ്റ്: കുവൈത്ത് വിമാനത്താവളത്തില്‍ താത്ക്കാലിക നിയന്ത്രണം

ദുബൈ: കുവൈത്തില്‍ ഇന്ന് ഉച്ച മുതല്‍ ആരംഭിച്ച ശക്തമായ പൊടിക്കാറ്റിനെ
തുടര്‍ന്ന് കുവൈത്ത് അന്താരാഷ്ട്ര വിമാനത്താവളത്തിലെ വിമാനങ്ങള്‍
താത്കാലികമായി നിര്‍ത്തിവച്ചു.കുവൈത്ത് ഡയറക്ടറേറ്റ് ജനറല്‍ ഓഫ് സിവില്‍ ഏവിയേഷനാണ് ഇക്കാര്യം അറിയിച്ചത്.ഇന്ന് തിങ്കളാഴ്ച കുവൈത്തിനെ മൂടിയ പൊടിക്കാറ്റ് രാജ്യത്തെ അന്താരാഷ്ട്ര
വിമാനത്താവളത്തിലേക്കുള്ള വിമാന സര്‍വീസുകളെ ബാധിച്ചതായാണ് സിവില്‍ ഏവിയേഷന്‍ റെഗുലേറ്റര്‍ അറിയിപ്പ്. മെയ് 16ന് പൊടിക്കാറ്റ് കാരണം പ്രധാന വിമാനത്താവളത്തില്‍ വ്യോമഗതാഗതം ഒന്നര മണിക്കൂര്‍ നിര്‍ത്തിയിരുന്നു.